SAMBA CANGKUAK
Amak wak guru SD
Nan sibuk tiok pagi
Manyiapkan sarapan pagi
Sakaligus makan siang
Kadang-kadang tapaso
Mambuek samba nan praktis
Tapi lamak rasono
Sahinggo anak-anak dan apakno
Pai dikola atau karajo
Jo paruk alah ba isi nasi
Samba cangkuak
Adolah samba nan babuek
Sarupo iko carono
Katiko mamasak nasi
Labiahkan aiano dari ukuran biaso agak sagaleh
Ambiak rantang
Masuakan maco bada, lado giliang
Irisan daun bawang/ bawang merah
Irisan tomat
Katiko nasi alah manggalagak
Ambiak aia nasi sabanyak aia nan balabiahkan cako
Tuangkan kadalam rantang
Rantangdun di uok di ateh nasi
Nah nasi masak samba masak
Sangaik lamak di makan angek-angek
Tarutamo di daerah dingin
Saroman di kampuang awak
Pangganti–ganti salero
Maco bada bisa diganti jo talua
Tapi indak paralu pakai tomat
Indak paralu pakai aia nasi
Talua dikocok jo lado giliang
Masuakkan irisan bawang
Uokkan di ateh nasi
Sangaik cocok untuak
Nan bapantang makan minyak
Bengkulu, 6 Maret 2009
Hanifah Damanhuri
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
