Sanak Sof, Uni Ifah dan Sanak Sapalanta Onde monde tusde..yo mancicia salero ambo diakhir pakan ko resep nan diposting dek Sanak Syof ko, mokasih yo..ambo copy paste...mambaco resep, bahan dan cara membuat jo fotonyo iyo mambangkikan salero nan sadang patah, apolai salero nan sadang namuah..ahhh..ambo manulih milis ko..kok jadi janiah yo aia liau ambo..responsif bananyo..ubun2 ambo lansuang mangaranyam mambayangkan Samba Cangkuak ko
Satatantang bahannyo yo mudah bana didapek bia ambo bahas-bahas saketek walau lah tahu sanak2 jo bahan-bahan pambuek samba cangkuak ko -Satu batang talas iko mungkin nan dimukasuik Kamumu bahaso awaknyo -Teri Medan...nan bada ketek-ketek putiah barasiah agak lambok2 tangguang teri ko - Belimbing sayur atau balimbiang tunjuak kecek urang awak, iko nan mambuek padiah rasonyo samba ko..asam-asam padeh jadinyo -Tomat cukup jelas..kok ndak tahu jo tomat baranti sajo manjadi Ibu Rumah Tangga..ha..ha..ha atau baranti juo manjadi Bapak Rumah Tangga... :) -Cabe Merah Giliang, iko lado giliang nan paliang lamak mungkin lado giliang bukik tinggi nan didalam plastik jo katidiang tu..haluih barasiah indak asin bana, _Bawang merah bawang putiah samo sajo panjalasannyo jo Tomat - Daun salam..samo juo penjelasan jo Tomat, bawang merah jo bawang putiah alias baranti jadi Ibu RT jo Apak RT kok ndak tahu jo Daun Salam - Daun ruku-ruku iko banyak digunokan untuak manggulai masin, buek palai tanaman ko satu genre kalau kecek urang sunda..kemangi, kok ndak tahu ibu-ibu jo daun ruku-ruku iyo harus baranti sajolah jadi Ibu RT, kok apak-apak ndak usah baranti jadi Bapak RT, bisa dimaklumi saketek kok ndak tahu jo daun ruku-ruku..ha..ha..ha -Karupuak Jangek..dari kulik kabau.jawi, nan rancak badagok taraso bana jangeknyo yo dari kulik kabau karupuak jangek ko nan lamak - Air Tajin..iyo aia nasi tapi mandapekannyo yo agak taganang mamasak nasi jo pariuk lansuang aia basatu jo bareh katiko mamasak itu paliang rancak bukan masak nasi jo dandang atau rice cooker, jadi katiko nasi jo aia lah manggalagak nasi ko dikacau, nah a diamkan sabanta nah aia nan tasiso ko diambiak nan agak pakek aia tajinnyo, tinggakan saketek aia nasi ko bia nasi dalam pariuk masak samparono. Itu saketek utak atik ambo jo pusako kuliner kito Oh yo Btw (mangecek-ngecek) masalah CANGKUAK Nan ambo hobi mamanciang dilauik, cangkuak ko sejenis ikan nan setipikal jo tamban, tapi agak mipih senek bawarna coklat ka perak2an, bukan bada atau teri. Iko umpan nan paliang santiang juo katiko mamanciang apolai kok dapek cangkuak sadang iduaik dilempa ka lauik.muaro lauik indak babatu-batu panciang ko..kok ado liwaik gabua ndak do lai lah pasti inyo semba, biasonyo cangkuak dan tamban ko barombongan bamain-main ka muaro lauik nah banyak ikan nan manyembanyo sabui sajo kapeh-kapeh, kakap, gabua, salam, nawi, jinihin...strategi ambo mamanciang..katiko cangkuak nan iduik ko ambo pasang umpan, lalu ambo umbankan jo joran nilon tanpa batu2 ko karombongan cangkuak jo tamban nan sadang bamain di muaro lauik, nah katiko ado gabua..manyemba rombongan cangkuak jo tamban tadi, tantunyo cangkuak jo tamban tadi tabang hambua lari tabirik-birik, cangkuak ambo nan dilempa tadi ndak bisa kama-kama agak kancang tingga sorang sajo dari rombongan cangkuak tadi..iko menarik perhatian gabua..hasilnyo..lah bisa dipastikan..cangkuak nan dipanciang ambo disemba gabua..waawwww..strike bro...ndak ado lai sanak..IKO NAN DIKECEKAN CANDU MAMANCIANG KATIKO GABUA..BASUTEGANG..JO AWAK..AKSELERASINYO BUKAN MAIN..LAI TABAYANG TU..IKOLAH KARAJO AMBO DI MENTAWAI JO SIMEULUE DULU DIAKHIR PAKAN...saban Zseerooohhhh..candu lapeh..samba di camp untuak kawan tatolong lo..ahhh ajib tenan baibeh..kok maingek mamanciang ditapi muaro lauik taluak Berimanua Sipora jo umpan Tamban dan Cangkuak Iduik..ado juo jenisnyo ciek lai tapi kurang mantap untuak umpan..yaitu SIKAREH..lai namuah juo ikan manyemba..tapi harus iduak..iko indak skala prioritas dek Ikan mamakannyo..nan prioritas partamo yo Cangkuak jo tamban Iduak..kok Sikareh agak patah salero ikan2 nan ambo sabuik manyembanyo Itulah carito ambo..dulu diakhir pekan ko Bisuak ka mambuek Samba Lado Cangkuak ambo, nasi tapaso mamasak jo pariuak Insya Allah ambo masih ingek maagakan aia mamasak nasi mode ko.. lah biaso ambo mah kok survey (Camping Ground) dihutan mamasak nasi mode ko kalau kecek urang jawa..nasi liwet kan... Wass-Jepe ________________________________ Dari: Syofiardi BachyulJb <[email protected]> Kepada: [email protected] Terkirim: Sabtu, 7 Maret, 2009 07:51:37 Topik: [...@ntau-net] Re: SAMBA CANGKUAK-Iko Hasilno Mulai chatting dengan teman di Yahoo! Pingbox baru sekarang!! Membuat tempat chat pribadi di blog Anda sekarang sangatlah mudah. http://id.messenger.yahoo.com/pingbox/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
