Sanak Andiko yth. Alah rancak bana kalau dikompilasi bahan-bahan iko, kalau dapek buliah diajukan ka Pemda/DPRD Prov untuak bahan evaluasi dan revisi. Ambo raso iko paralu sugiro dilakukan mengingat permasalahan2 nan ado. Kalau dapek ado bandiangannyo dari sanak yang lain di milis iko, apokoh ninik mamak nan ado, pengacara, hakim, notaris, sarato contoh kasus kalau ado yang pernah mengalami. Karano kapalo samo babulu namun nan isi balain-lain. Di ambo sendiri relatif baru mempelajari hal iko. Ambo tanggapi saketek dari informasi sanak, mudah-mudahan dari saran ambo lai nampak kedudukan penghulu (andiko) dan MKW. Mengenai keputusan 2006 nan pernah kami lakukan di peradilan adat KAN-SA, ado satu pihak nan indak pueh jo keputusan itu. Lalu beliau meneruskan gugatan ka PN Solok. Lalu di PN Solok disabuikkan bilo keputusan kami di KAN-SA itu alah bersifat final. Mudah-mudahan iko salah satu bantuak penghargaan nan mulai nampak. Memang seharusnyo masalah adat dapek disalasaikan sacaro adat. Masalah investasi, hukum perselisihan, dll kito kaji basamo kemudian. Ambo taruihkan ka Dt. Rajo Sulaiman karono beliau salah seorang katua LKAAM, mudah-mudahan dapek menindaklanjuti. Kalau Pak Franz ambo liek beliau ado perhatian masalah hubungan tanah dan masyarakat adat dan salamo iko ado informasi yang kurang tepat sampai kapado beliau. Memang kami bajanji akan ka Suliak Aia pertengahan April iko, namun alun ado balasan lai. Ado runcano kami di KAN-SA akan melangsungkan peradilan kaduo manyangkuik tanah ulayat kaum vs tanah milik vs imb. Baitu sanak sumantaro waktu. Wassalam, -datuk endang
--- On Thu, 4/2/09, andikoGmail <andi.ko...@gmail.com> wrote: Mak datuak dan sanak palanta Ambo konstruksikan komentar mak datuak Endang jo Buk Evi dan sedikit komentar tambahan ambo dalam bahan di Att. selanjutnyo mengenai Jurisprudensi, mukasuik ambo supayo informasiko juga dibaco dek dunsanak di Palanta yang paralu juo. Mengenai MKW, ambo pernah menangani kasus yang MKWnyo bukan pangulu andiko. Bukti inyo MKW di pengadilan adolah segel pengangkatan inyo oleh anak kemanakan. Samantaro pada saat yang sama pangulu Andiko dijabat dek kamanakannyo yang ikut menandatangani surek pengangkatan MKW itu. MKW dalam peradilan perdata adat di Pengadilan Negeri merupakan representasi kaum dalam mengujukan gugatan. Dalam sebuah kasus langka dimana indak ado laki-laki yang bisa mewakili, pengadilan manarimo perempuan tertua di kaum itu yang mewakili kaum mengajukan gugatan di pengadilan negeri. Menyangkut putusan peradilan adat yang mamak share, ambo aprisitif sekali. Status putusan KAN untuak sangketo ulayat dalam sistem peradilan perdata adat di pengadilan negri di Minangkabau harus kito pakuek taruih. Sejauh iko putusan itu masih sebatas bahan pertimbangan hakim, meskipu pernah ado SK Pengadilan Tinggi Sumbar yang menyatakan bahwa untuak sangketo ulayat, harus disidangkan dulu dek KAN sabalun sampai ka Pengadilan Negeri. Jurisprudensi yang diakui kini dek sisitem hukum kito adolah Jurisprudensi yang dihasilkan oleh hakim-hakim pengadilan formal. Sejauh iko kito masih berjuang untuak memperkuat status putusan adat. Dulu jaman Bulando ado pengakuan untuak peradilan-peradilan satingkek desa, tapi kini indak ado lai. Ambo setuju kalau konsep ulayat indak menghambat pembangunan, hal yang samo pernah ambo sampaikan didepan DPRD Sumbar wakatu hearing Perda iko masih status Raperda Tanah Ulayat sekita tahun 2002. Pada saat itu sempat beberapa petinggi salah bicara menyebutkan bahwa ulayat menghambat investasi. Masalah intinyo adolah, baa manduduakkan nagari dalam investasi ko dan baa proses yang dilaluinyo. Oh yo, Pak Franz mungkin masih di Minagkabau kini, terakhir wakatu ka barangkek ka Minangkabau inyo batandang ka kantua ambo di Jakarta. (ambo caliak email mamak man CC inyo juo). Salain itu, ambo sanag bana, mamak CC juo pak Bachtiar Abna, baliau ko dosen yang banyak sekali memberikan ilmu ka ambo, sayang di kampus baraja hukum adat wakatu itu satu semester se. sakitu dulu mamak Salam Andiko ST Mancayo --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---