Wa’alaikum salam. w.w.
Tarangah ambo...
Kato bajawab gayuang basambuik ruponyo
Kabek sabalik buhua sintak
Suliklah urang kamaungkai
Tibo nan punyo rarak surang.
Buya nan dihormati bana nan tibo..
Sairiang balam jo barabah
Balam tabang barabah mandi
Sairiang salam jo sambah
Salam datang sambah kumbali.
Salam ka Buya nan dihormati
Sambah babaliak ka Allah swt.
Bukan basoka nan dipasang
Sinapan patah nan baadokkan
Angku Arnoldison nan di arang
Buya nan kamuko maantokkan
Namun samantang pun baitu buya,
Kok lai tarang nan diurang
Nan diawak lindok juo baru,
Dima kanai silang salisiahnyo
Tampek tagak nan indak samo.
Nan diambo buya, Islam ko ciek nyo,
Indak bapisah-pisahkan bana,
Buliah diungkai diuraikan
Tapi nan kabek indak ka tangga
Kok nyampang ado urang manyabuik
Islam jamah kecek urang
Islam Hadhari kecek Badawi
Islam Liberal kecek Abdalah
Indak nan turun dari Allah kecek ambo.
Jadi baa ?...
Nan Islam ko iyo ciek,
Diragang buliahnyo panjang
Dipunta buliahnyo singkek
Kok nyampang ditanyo di dalam kubua
Maa diinuka tanyo malaikat
Al-Islamu diini kecek ambo
Kalau balain caro jawek
Al-Islamu liberal diiini bakecekkan
Alamaik panggado nan katibo
Sansaro badan karanonyo
Nan Bak Kecek Prof Satar Khairi pulo
Islam is not only a religion
It is a complete civilization
Islam indak hanyo agamo ritual samato
Tapi adolah perikehidupan nan langkok
Kok kito bukak sijarah pulo
Kutiko Taurat di tangan Umar
Merah muko Nabi karanonyo
Kok iduik lah Musa kiniko Umar
Nan ambo nan kadituruiknyo
Ndak ado lain nan dibuek dek Umar
Nyo campakan abih alaian Taruat tu
Kutiko Umar sampai di Parsi
Sakian banyak kitab nan basuo
Parintah Umar ka tentaranyo
Baka abih kasadonyo
Diawak cukuik Qur-an sajo
Nan dari Allah sajo nan kadipicayo
Kok buya lai namuah
Kito samokan tampek tagak kito
Bukan Islam nan ka dipisah-pisah
Caro nan lain nan ka diubah
Kalau dibalah manjadi teologis
Sudah tu manjadi sosiologis
Ditambah pulo bumbu nan lain
Alamaik karam iman kito
Mari kito bapikia sacaro Islam
Bukan bapikia caro nan lain
Indak kacomato urang nan dipakai mancaliak Islam
Tapi Kacomato Islam nan dipakai mancaliak caro lain
Banyak sabananyo nan ka dikecekkan
Tapi kito punta nak nyo singkek
Singan iko dulu Buya nan ambo hormati
Nak jaleh pulo nan ka dipakatokan
Kok salah ambo bakato
Talantuang buya dek ka naiak
Tasingguang buya dek ka turun
Rila jo maaf ambo mintak
Ka Allah swt. ambo mintak ampun
Wassalam
St. Sinaro
--- On Tue, 4/14/09, buyamasoedabidin <buyamasoedabi...@gmail.com> wrote:
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
