Pas bana Andiko Lah banyak ambo tulih baa episode Uda masak mamasak di dalam rimbo katiko survey (mandah ditenda biru dakek tapi anak2 sungai)
Jaan disabuik kok manuka ka balai sabalun masuak hutan yo ado nan kurang kalau ambo ndak turun tangan tabayang sakali ambo ka mamalai mamangek di tenda bumbub utama masakan bundo ndak kalupo Sabuik sipadeh, langkueh daun kunyi, sarai, daun limau, asam kandih bawang merah putiah, lado bulek jo lado giliang nan haluih rancak, asa tahu sajo sutan..minta bungkuihkan lo ambo dari pakan jo urang rumah carikan daun ruku2 onde yo padeknyo Bajadi ambo mambuek asam padeh jo palai ala forester Lukah dilatak pagi di rawa2 pulang survey sore diangkek, dilatakan baliak di caliak pagi bantuak itu taruih ado ikan kepar, gabus jo toman taoarangko dan anak2 ikan lain alun lai panciang nan ditanyuikan jo rantiang kayu umpan koncek iduik kok lai barasaki dapek bakok sagadang paho barek 3 kiloan kok ndak si ikan tapa Ado tigo genre aliran "musik" mamasak asam padeh ko Nan partamo dibungkuih daun pisang ikan ko dilepoh jo lado giliang langkok jo sagalo bumbu bisa di baka bisa dikukuih Nan kaduo yo dipalai jo karambia biaso sakali trip sajo dek ndak ado karambia di hutan, karambia nan lah diparuik bali sabalum masuak hutan Tapi iko jarang ambo buek dek karambia alah masam sampai di hutan kok ndak disagirokan Nan katigo tantu dibinjek talingo kuali atau balango di bayakan aia jo lado giliang nan lah babumbu lengkap asam padeh dimasuakan ikan2 nan kami tangkok ko Ndak do lai sabana pakak hawo harus si daun kunyik, tingkah batingkah jo alunan nada nan manyayat hiduang pangka sarai, daun limau puruik jo si daun ruku2..marapuang-rapuang "si buruak"asam kadih nan mambuek asamnyo taraso alami Kok lah bisa rasonyo hape online ndak suaro sajo nan sampai ka urang rumah di Pakan dari tangah hutan ko, bisa lo manyalurkan baun asam padeh ambo, diujuang telepon nan diganggam urang rumah ambo raso amuah poangsan inyo ditikam baun si asam padeh ala forester ha ha co itu bana mah andiko Tolonglah ambiak si sendok tampuruang Andiko, sanduak kuah asam padeh cindawan tu agak saketek, bayakan ka tapak tangan ambo, bia ndak ambo cilek marasoi asam garam padehnyo Ondehhh..lah pas bana angekan saketek lai manggalagak tangguang jo api nan sayuik sayuik sampai manjilek ikua balango, angkek capek, makan sakiro sadang angek2 tangguang jaa biakan dingin maleok.. Kok ka padehan sagirokan tulak jo aia teh angek pirang Kabakan ka urang rumah tu nan sadang mandanga lagu Afghan..oiii diak kanduang lah tahampe lo badan dirantau jo samba bundo kanduang nan manikam raso Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: andikoGmail <[email protected]> Date: Sat, 06 Feb 2010 17:12:34 To: <[email protected]> Subject: Re: [...@ntau-net] Rumah Makan Bundo Kanduang Ondeh mandehhhhhhh......... Talendo urang rando pulo kironyo.....Ndak paduli di tangah rimbo, nan kapandaian niniak muyang ko yo harus di asah taruih, kok indak ado asam kandih disinan, sibaklah samak, kok lai batamu jo kincuang. Jan lupo pulo mancari "si hati rimbo-Jariang", baka salayang, jo baro angek-angek tangguang, bialah agak babaun sasudahnyo, asa lai ba piuah suok masuak. Kok ikan cukuik di baka sajo, mandikan sajo jo aia garam, tapi kok ka di palai, suruahlah anak buah uda mancari karambia. Dikinca karambia jo lado kutu, agiah salayang kunik parononyo, bungkuih jo daun pisang, tonggokkan diateh baro. Siapun nan lalu, pasti tatagun, indak takacuali Cindaku nan basarang di rimbo tu. Kok lai dapek, tangkok sikua ayam hutan, yo sabana bapilin suok beko tu. Tipak di ambo da, kok mamasak ko yo pa ubek seteres, kalau alah paniang dek karajo, yo dapua bacari sakali. Baitu juo kalau di rumah, alah paniang baputa-puta, alah tahu ma suduik rumah nan basarang lawa, yo taconcongnyo tetap ka dapua. Di kinca lai samba buruak tu. nan urang rumah ambo, dek liau ko urang masa kini, balaki jo urang jadul, yo paniangnyo manyesuaikan lidah. Kok dek awak sambalado asam nan mangguranyam, kok dek inyo pasta nan ka nio. Kok awak saluang nan mambuek luluih, kok dek inyo yo afgan nan mambuek tabang. Akhianyo babuek konsensus jadinyo....ha...ha...ha... Yo sabana sero bana di tangah rimbo tu yo...bilo-bilo sato pulo kito sakaki, ambo kinyam dulu salayang asam padeh ambo ko, ma tahu kurang garam....he...hem... Andiko Sutan Mancayo [email protected] wrote: > Ha ha ampun ambo jo Andiko lah di bae sorang "mangguguah" masak memasak > dirantau jauh dari induak bareh > > Nan dibuek ndak lo tangguang2 lakek tangan bundo kanduang bana asam padeh > bana, yo tampil beda sutan ko biasonyo mambujang dirantau hari hujan > takuruang pai kadupua di tenteng talingo kuali diserakan minyak goreng > dipacahkan talua siram jo garam haluih jadi mato sapi > > Iko indak do ma asam padeh sutan ha ha ha mantap mantap ambo salute mah > > Iyo sabendi bana awak, ambo ko dihutan camping ground mandah yo ndak namuah > nrimo sajo jo samba nan dibuek kru survey ambo turun tangan bagai ambo > bacarilah daun pisang babuek pangek ikan2 rawa nan diluka atau hasil > pancingan, kalau ndak diasam padehlah pantang bana dek ambo dapek ikan angkek > talingo kuali bayakan minyak lalu di goreng sajo tapi walau makan dihutan > ambo yo paralu sentuhan nan agak balain mamasak ko walau dadar talua nan ka > ambo buek walau sarden nan ka ambo goyang yo harus istimewa bahkan mauok > kacang panjang jo buncih bagai ambo, mambuek samba lado matah (lado giliang) > ba irihkan bawang matah nan basiram aia angek sakatiko tu baperasan aia asam > kapeh kok ado ikan bajadi lo ambo mambakanyo babumbui dulu > > Oke de Andiko "guguah" surang mamasak tu..lantuang surang..tabik sakali aia > salero jo mangaranyam ubun2 pangka lihia ambo mambaco Sutan sadang mamasak > asam padeh jamur langkok jo bumbu2 nan pas..dan memang harus ado > > Salam kuliner "life on a plate" > > Wass-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
