Wah sabana lakek bana kenangan pinggan kanso ko da. kalau di Amrik,
nampaknyo hanyo tampek peternakan Coboy nan langkok sagalo kanso ko.
Tando urang kayo dikampuang itu yo banyak sagalo macam kansonyo, sampai
ka rantang bagai. Biasonyo nyo susun di lamari bopet, kalau indak tamuek
lai, nyo susun di kapalo lamari. Biasonyo ikui kansonyo ba merek namo
anak padusinyo. Jadi kalau di salang urang untuak baralek, ketahuan iko
kanso sia.
Masuak rimbo ko yo sabana sero, ambo dek tagiah masuak rimbo, talalok
sorang di pinggang Singgalang, suaro siamang se nan manjagokan pagi
hari. Panah lo kemping di pemancar di Baso, turun ka aia sarasahnyo, eh
dibaliak ayia tajun tu ternyata ado pulo lubang japang, antah baa
caronyo inyo mambuek lubang ko. Katiko hari alah malam, kami pandang
baso dari puncak, saraso Si Giriang-Giriang perak di rimbo Bukik Tambun
Tulang atau raso si Bungsu-Tikam Samurai di Rimbo Gunuang Sago. Kok
lalok, tapaso dakek-dakek jo kawan, dek subana dingin bana.
Mambaco curito uda ko, mode curito pemetaan partisipatif nan acok dibuek
kalangan ambo, ba GPS ditanganyo, ba ambiak sagalo titik koordinat bateh
kampuang manuruik urang adat. Marancah-rancah rimbo manacri titiak tu.
terakhir nan agak berkesan yo di Malianu Kaltim, naiak kapa tabang dari
Baliak Papan, sasudah tu maminteh sungai salamo 3 jam. Dari Malinau,
naiak oto ampek gardan ka kampuang nan di tuju, badampingan jo Taman
Nasional Kayan Mentarang, basubalahan jo Malaysia. Nan urang disinan,
babiduak sabatang kayu ketek se inyo ma ilia sungai, baa bana kalam
bakatuik, nan ketintingku tetap jalan. Sampai di kampuang tu, kok badan
yo sabana raso ka rontok, tapi dek sumangaik tabuso, yo indak taraso
sagalo panek.
Radio ampek Band....he..he..., takana dek ambo ukatu batusangka baru
partamo punyo radio. Radio Gumarang jo Radio Carano. Mulailah urang
mambali karatu pesan, baik pesan ka kawan ataupun ka mamasan lagu. Limo
ratuih rupiah ciek. Kalau bahaso penyiarnyo, bapasokan ba bahaso Jakarte
jo logat padang...tagalak-galak sengeng se kito mandanganyo.
Ado pulo radio komunitas di Kabupaten Melawi Kalbar. Ukatu itu alun di
balah kabupaten, nan melawi masih rimbo, radio ko tagak. Pailah ambo
kasinan, lalok di Pastoran tampek kawan ambo manjadi Romo. Batamu jo
kawan nan mambuek radio komunitas ko, tonggaknyo dari batuang
basambuang. Untuak mambali genset nyo bueklah karatu pesan lagu jo pesan
ka kawan, dijuanyo saribu salai. Banyak urang mambali, akhianyo jadilah
tabali genset tu. Lagu nan laku di tangah rimbo tu yo lagu dangdut jo
lagu melayu, tapi nan mambuek sakik paruik, yo penyiarnyo manyapo
pendengar mode penyiar ibukota, kiro-kiro mode iko "Halo guys......gua
putarin lagu.....Hamdan ATT". tagalak-galak masam ambo deknyo. Katiko
kabupaten Malawi terbentuk, radio ko manjadi radio satu-satunyo,
akhianyo inyo kebanjiran iklan, terutama iklan urang manggaleh onda.
Caronyo inyo rekam dulu penyiarnyo mambacokan iklan, baru di puta tiok
sabanta.
Ado pulo pangalaman nan agak gali, dek kawan ko Romo nan agak metal,
rambuiknyo panjang, acok masyarakaik takicuah deknyo. Suatu kali, pailah
ka hulu sungai untuak sebuah acara, naiaklah speedboad kasinan. Dek
urang kampuang tahu Romo nan ka datang, dibueklah acara penyambutan,
disambuik jo tari tradisional Dayak. Abih tari ditampilkan, dikalungilah
bungo ka rombongan kami. Sasudah tu disuruahlah duduak ditampek nan
tatenggi. Katiko dipersilahkan Romo manyampaikan katubahnyo, takajuiklah
sagalo masyarakaik, kok nan katubah bukan urang nan dikalungi bungo
tadi, kok nan katubah urang lusuah nan rambuiknyo panjang. Ternyata
masyarakaik, salah sangko, romo ko nyo sangko tukang parahu kami. Nan
ambo galak takakah-kakah....
Sakitu dulu da
Andiko Sutan Mancayo
[email protected] wrote:
Ahaa..dek carito ambo masuak sakali ka terowongan jadul Andiko
Ralat dulu bukan kondisi kini ambo sadang mandah dihutan, tapi carito maso2
acok masuak kalua hutan saumua2 andiko lah sampai manjalang _umua 40 an,
terakhir bacubo lo baliak sakiro tahun 2008 di hutan gambut daerah Kubu Rokan
Hilir..salamo
Satantang piriang kanso jo cangkia kanso tu yo manarawang lo ambo kakampuang
mande iyo itu lo piriang kami, sabana tagok tahampe talantuang bana badantang2
masih co itu juo piriang kanso jadul, kebetulan etek ambo (alm) marantau sajak
gadih ka Tanjuang Balai Karimun jadi piriang kanso kami dikampuang dibaoknyo
dari pulau tu nan keceknyo piriang kanso barang dari tanjuang pinang diimpor
dari Singapur
Lalu satantang lalok ditenda biru nan kami pasang sedemiian rupa..iyo banyak rangik kok dihutan gambut, ambo jo krew mamasang kalambu kok ka lalok
Nan paliang syahdu lapeh magrib salasai ritual makan malam di tenda jo asam
padeh tu Andiko bantuak iko
Diputa kopi angek sacangkia ketek, dipatiak rokok sabatang (dulu ambo marokok
kini lah stop) dicaliak ka ateh langik nan bertabur bintang genintang, lalu kok
basuo bintang nan paliang tarang fokus dan fokus mato mamandang, tatap dan tapap
Ya Allah maha besar engkau, begitu indah andiko menatap langit bertabur bintang
ini ditengah keheningan hutan yang hanya diiringin bunyi simponi aneka binatang
malam hutan
Lah pueh..di rabahkan badan biasonyo ambo sabalun lalok menikmati saketek musik art rock jadul sarupo Led Zeppelin, Genesis, Queen, Deep Purple dll melalui gadget hape
Kok ndak mandanga siaran radio ketek Soni (analog) 9 Band nan lah setia
mendampingi ambo survey sajak 1995 ka Hutan,
Kantuak datang dek panek makan lamak, lalok ambo raso ditalan rimbo gadang
amboi..subuah lah jago kami mempersiapkan sarapan pagi, biaso dadar talua jo
digoyang sarden, diputa kopi susu..batanak nasi di pariuk badiang juo, diisok
rokok diiruik juo kop susu..ondee pria punya selera bananyo
Lah sarapan sagalo alaik paragaik lah disiapkan survey kami lai dari pagi sampai sore, kadang ambo ikuik samo crew setelah maagiah arahan teknis, biaso ikuik partamo saruman manantukan strating poin dan titik GPS dima. Mulai jalur rintisan. Salanujiknyo anak buah ambo satingkek mandor lah jaleh dek inyo mangompas jalur selanjutnyo
Hari2 barikuiknyo ambo tingga ditenda sajo jo 2 urang nan mambantu mamasak disinanlah
ambo bajadi-jadi "mangguguah" dalam acara masak memasak ala forester, dicaliak
juo lukah nan dipasang , bosan ditenda di cubo juo pai mamapeh ka sungai2 sekitar tenda
Datang crew sore hari ka tenda lah siap dek ambo jo anak buah nan tingga tadi
untuak makan malam
Bagi ambo ka anak buah masalah los lambuang ko harus nomor satu, disiko lahg
sagalo awal aktivitas mulai, asupan energi, kok paruik tarisi sasuai standar
gizi di hutan kan terhindar crew ambo dari sakik sarupo damam, flu dan sakik
kapalo karano ndak masuak angin dek paruik lapa, dan juo ambo harus
memperttimbangkan masalah rasa walau bahan makanan nan dimasak pilihannya
terbatas tapi katiko dibuek palai pangek didaun pisang tantu akan memberikan
sentuhan rasa yang berbeda jika hanya sekedar di goreng saja walau crew2 ambo
nan nafsu makannyo gilo2an tantu lalu juo deknyo
Kesimpulan
Dek bantuak itu alhamdulillah kok Pak Jepe turun survey anak buahjo mandor
sumangaik sakali, apolai rokok mereka gratis insentif dari ambo walau ndak
rokok bamerek, sakali kali lapeh makan tantu di kaluakan juo dari ransel
jisamsu nan lamak tu ha ha ha..mantap Pak Jepe kecek crew ambio ko, silahkan
caliak foto2 ambo survey di multiply ambo
Itu babagi pangalaman jo Andiko nan sabendi jadul jo ambo
Putalah rabab pasisia tu malam ko, apo caritonyo sinopsiskan lah..buek
ringkasan dendangnyo, yo taragak ambo
Salam-Jepe
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
