Ahaa..dek carito ambo masuak sakali ka terowongan jadul Andiko Ralat dulu bukan kondisi kini ambo sadang mandah dihutan, tapi carito maso2 acok masuak kalua hutan saumua2 andiko lah sampai manjalang _umua 40 an, terakhir bacubo lo baliak sakiro tahun 2008 di hutan gambut daerah Kubu Rokan Hilir..salamo
Satantang piriang kanso jo cangkia kanso tu yo manarawang lo ambo kakampuang mande iyo itu lo piriang kami, sabana tagok tahampe talantuang bana badantang2 masih co itu juo piriang kanso jadul, kebetulan etek ambo (alm) marantau sajak gadih ka Tanjuang Balai Karimun jadi piriang kanso kami dikampuang dibaoknyo dari pulau tu nan keceknyo piriang kanso barang dari tanjuang pinang diimpor dari Singapur Lalu satantang lalok ditenda biru nan kami pasang sedemiian rupa..iyo banyak rangik kok dihutan gambut, ambo jo krew mamasang kalambu kok ka lalok Nan paliang syahdu lapeh magrib salasai ritual makan malam di tenda jo asam padeh tu Andiko bantuak iko Diputa kopi angek sacangkia ketek, dipatiak rokok sabatang (dulu ambo marokok kini lah stop) dicaliak ka ateh langik nan bertabur bintang genintang, lalu kok basuo bintang nan paliang tarang fokus dan fokus mato mamandang, tatap dan tapap Ya Allah maha besar engkau, begitu indah andiko menatap langit bertabur bintang ini ditengah keheningan hutan yang hanya diiringin bunyi simponi aneka binatang malam hutan Lah pueh..di rabahkan badan biasonyo ambo sabalun lalok menikmati saketek musik art rock jadul sarupo Led Zeppelin, Genesis, Queen, Deep Purple dll melalui gadget hape Kok ndak mandanga siaran radio ketek Soni (analog) 9 Band nan lah setia mendampingi ambo survey sajak 1995 ka Hutan, Kantuak datang dek panek makan lamak, lalok ambo raso ditalan rimbo gadang amboi..subuah lah jago kami mempersiapkan sarapan pagi, biaso dadar talua jo digoyang sarden, diputa kopi susu..batanak nasi di pariuk badiang juo, diisok rokok diiruik juo kop susu..ondee pria punya selera bananyo Lah sarapan sagalo alaik paragaik lah disiapkan survey kami lai dari pagi sampai sore, kadang ambo ikuik samo crew setelah maagiah arahan teknis, biaso ikuik partamo saruman manantukan strating poin dan titik GPS dima. Mulai jalur rintisan. Salanujiknyo anak buah ambo satingkek mandor lah jaleh dek inyo mangompas jalur selanjutnyo Hari2 barikuiknyo ambo tingga ditenda sajo jo 2 urang nan mambantu mamasak disinanlah ambo bajadi-jadi "mangguguah" dalam acara masak memasak ala forester, dicaliak juo lukah nan dipasang , bosan ditenda di cubo juo pai mamapeh ka sungai2 sekitar tenda Datang crew sore hari ka tenda lah siap dek ambo jo anak buah nan tingga tadi untuak makan malam Bagi ambo ka anak buah masalah los lambuang ko harus nomor satu, disiko lahg sagalo awal aktivitas mulai, asupan energi, kok paruik tarisi sasuai standar gizi di hutan kan terhindar crew ambo dari sakik sarupo damam, flu dan sakik kapalo karano ndak masuak angin dek paruik lapa, dan juo ambo harus memperttimbangkan masalah rasa walau bahan makanan nan dimasak pilihannya terbatas tapi katiko dibuek palai pangek didaun pisang tantu akan memberikan sentuhan rasa yang berbeda jika hanya sekedar di goreng saja walau crew2 ambo nan nafsu makannyo gilo2an tantu lalu juo deknyo Kesimpulan Dek bantuak itu alhamdulillah kok Pak Jepe turun survey anak buahjo mandor sumangaik sakali, apolai rokok mereka gratis insentif dari ambo walau ndak rokok bamerek, sakali kali lapeh makan tantu di kaluakan juo dari ransel jisamsu nan lamak tu ha ha ha..mantap Pak Jepe kecek crew ambio ko, silahkan caliak foto2 ambo survey di multiply ambo Itu babagi pangalaman jo Andiko nan sabendi jadul jo ambo Putalah rabab pasisia tu malam ko, apo caritonyo sinopsiskan lah..buek ringkasan dendangnyo, yo taragak ambo Salam-Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: andikoGmail <[email protected]> Date: Sat, 06 Feb 2010 19:18:36 To: <[email protected]> Subject: Re: [...@ntau-net] Rumah Makan Bundo Kanduang Ndeh yo samakin taraso ka ma ambua ka rimbo tu da. Ado pulo pangalaman maso ketek nan berkesan. Dulu katiko manyabik, urang ba konsi di rumah bako ambo di Balimbiang. Malam setelah salasai manyabik, diundangnyo kito dek urang punyo padi ka rumahnyo makan malam. Biasonyo ambo di bao sato dek pak etek ambo. Sampai dirumah urang tu, alah tahidang goreng ayam kampuang, gulai jangek jo pucuak juha. Takana dek ambo makan di piriang kanso, minum teh tawa angeknyo jo tekong kanso juo. Barasok dek angeknyo, tapi yo sabana mati padeh lado deknyo. Oh yo da, kalau di Manado ikan jo bumbu itu dimasuakkan ka dalam talang, baru di baka. Mamasak nasi mode itu juo, bamasuakkan kadalam talang, mode malamang kito di kampuang. kalau talakik, cubolah teknik ko, mungkin lain pulo rasonyo. Oh yo, kok lalaok di tangah rimbo itu, baa caronyo uda malawan rangik, apokah bagalumun sajo. Kalau pakai kain saruang, di elo ka ateh, kaki tasingkok, tapi di elo ka bawah, mungko tasibak, akhianyo bakaluak jadinyo lalok. Oh yo da, paralu ambo infokan, yo sabana lamak asam padeh cindawan ambo ko. Lakek taraso sagalo bumbu, nan lado yo padeh tangguang. Salam andiko [email protected] wrote: > Pas bana Andiko > > Lah banyak ambo tulih baa episode Uda masak mamasak di dalam rimbo katiko > survey (mandah ditenda biru dakek tapi anak2 sungai) > > Jaan disabuik kok manuka ka balai sabalun masuak hutan yo ado nan kurang > kalau ambo ndak turun tangan tabayang sakali ambo ka mamalai mamangek di > tenda bumbub utama masakan bundo ndak kalupo > > Sabuik sipadeh, langkueh daun kunyi, sarai, daun limau, asam kandih bawang > merah putiah, lado bulek jo lado giliang nan haluih rancak, asa tahu sajo > sutan..minta bungkuihkan lo ambo dari pakan jo urang rumah carikan daun ruku2 > onde yo padeknyo > > Bajadi ambo mambuek asam padeh jo palai ala forester > > Lukah dilatak pagi di rawa2 pulang survey sore diangkek, dilatakan baliak di > caliak pagi bantuak itu taruih ado ikan kepar, gabus jo toman taoarangko dan > anak2 ikan lain alun lai panciang nan ditanyuikan jo rantiang kayu umpan > koncek iduik kok lai barasaki dapek bakok sagadang paho barek 3 kiloan kok > ndak si ikan tapa > > Ado tigo genre aliran "musik" mamasak asam padeh ko > > Nan partamo dibungkuih daun pisang ikan ko dilepoh jo lado giliang langkok jo > sagalo bumbu bisa di baka bisa dikukuih > > Nan kaduo yo dipalai jo karambia biaso sakali trip sajo dek ndak ado karambia > di hutan, karambia nan lah diparuik bali sabalum masuak hutan > Tapi iko jarang ambo buek dek karambia alah masam sampai di hutan kok ndak > disagirokan > > Nan katigo tantu dibinjek talingo kuali atau balango di bayakan aia jo lado > giliang nan lah babumbu lengkap asam padeh dimasuakan ikan2 nan kami tangkok > ko > > Ndak do lai sabana pakak hawo harus si daun kunyik, tingkah batingkah jo > alunan nada nan manyayat hiduang pangka sarai, daun limau puruik jo si daun > ruku2..marapuang-rapuang "si buruak"asam kadih nan mambuek asamnyo taraso > alami > > Kok lah bisa rasonyo hape online ndak suaro sajo nan sampai ka urang rumah di > Pakan dari tangah hutan ko, bisa lo manyalurkan baun asam padeh ambo, > diujuang telepon nan diganggam urang rumah ambo raso amuah poangsan inyo > ditikam baun si asam padeh ala forester ha ha co itu bana mah andiko > > Tolonglah ambiak si sendok tampuruang Andiko, sanduak kuah asam padeh > cindawan tu agak saketek, bayakan ka tapak tangan ambo, bia ndak ambo cilek > marasoi asam garam padehnyo > > Ondehhh..lah pas bana angekan saketek lai manggalagak tangguang jo api nan > sayuik sayuik sampai manjilek ikua balango, angkek capek, makan sakiro sadang > angek2 tangguang jaa biakan dingin maleok.. > > Kok ka padehan sagirokan tulak jo aia teh angek pirang > > Kabakan ka urang rumah tu nan sadang mandanga lagu Afghan..oiii diak kanduang > lah tahampe lo badan dirantau jo samba bundo kanduang nan manikam raso > > Wass-Jepe > Sent from my BlackBerryŽ smartphone from Sinyal Bagus XL, Nyambung > Teruuusss...! > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
