Wow Mak Ngah...keren abis ... Suko bana ambo mambaco uraian Mak Ngah ko Takadang memang urang mancaliak kehidupan Rang Sumando ko dari ciek suduik sajo sahinggo indak nampak sacaro kasaluruahannyo. Makonyo banyak timbua nan ganjia-ganjia pandapek ko. Kalo di ambo ukatu ambo kaciak-kaciak saisuak di kampuang, sabana taraso baralah lamaknyo kehidupan keluarga gadang ambo. Ampia tiok minggu ado-ado sajo Mamak atau Inyiak ambo nan datang ka rumah. Inyiak ko Nyiak haji nan Mamak dek Mama ambo. Baliau tiok datang salalu mambalian gulo-gulo jo kacang tujin babungkuih sagitigo jo karateh minyak warna warni. Kalo lah nampak Liau di ujuang jalan ka ka rumah, kami nan kaciak-kaciak lah basorak-sorak maagiah tau Mama kalo Nyiak Aji datang. Mama lah lansuang manyuruah kami mangambangan lapiak mambukak an pintu laweh-laweh. Nanti Inyiak tibo kecek Liau. Nan liau basugiro ka dapua manyiap an nasi untuak ka makan basamo jo Inyiak. Baitu juo jo Mamak-mamak ambo dunsanak laki-laki Mama. Kebetulan kami punyo ampek urang Mamak sabana lapeh salero kami dek Mamak-Mamak kami tu. Bukan hanyo salero atau pai raun-raun sajo nan lapeh dek mereka tapi juo nasehat-nasehat nan kami baok sapanjang hayat.
Nan Papa tetap adolah Maharaja termanja di rumah kami sebab baliau adolah junjuangan. Nampak kerukunan dan saliang jago-manjago diantaro mereka di mato ambo nan masih kaciak waktu tu. Jiko ado masalah di kampuang misalnyo padi di sawah atau parak, pembicaraan diadokan di burando di bawah. Antaro Mamak-mamak jo Mama sajo. Jikok ado pembicaraan satantangan sakola kami biasonyo pembicaraan diadokan di muko diruang tamu. Sadonyo maklum mamaklumi dan saliang mambantu. Sadonyo hadir bilo pas kebetulan ado Mamak nan datang, nan biasonyo kalo ado Mamak nan indak mancogok dari kebiasaan maka Mama akan manalepon mananyoi kaba mereka tu. Kalo baliau sakik kami lah bahondoh lo maikua Mama pai manyilau sambia mambaok kacok a nan jadi kasukoan Mamak kami tu. Biasonyo mintuo atau etek kamipun lah manyiap an lo nasi untuak kami makan basamo-samo jo anak-anak baliau.. Sanangnyo punyo Mamak... Banyak maaf Wassalam Rina, 33, batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
