Asw, dunsanak sadonyo nan budiman.
Di Minang Kabau Pangulu indak paralu urang nan basikola tinggi, namun harus
pandai tulih baco.
Tapi nan diparalukan bana adolah urang nan cadiak cando kio, arif jo budiman,
nan adia jo bijak sano, jujur dan tapicayo.
Makonyo diantaro syarat manjadi pangulu adolah harus mamakai sifat nan ampek :
Sidik, Tablih, Amanah, Fathanah, disampiang pulo inyo harus mangarati jo
sandi-sandi adat, tarutamo adat nan salingka nagari, tamasuak apo nan sabananyo
nan manjadi tugas-tugas atau hak dan kewajiban seorang Pangulu.
Tasabuik didalam kato "Pangulu nan gadang basa batuah" inyo gadang di galanyo,
inyo basa didalam sukunyo, inyo batuah didalam kampuangnyo, dek karano itulah
fungsinyo pai katampek rang batanyo pulang katampek babarito, tibo dikusuik
nan kamanyalasaikan, tibo dikaruah nan kamampajaniah.
Pangulu di MK dilambangkan "Bak baringin ditangah koto ureknyo tampek baselo,
batangnyo tampek basanda, dahanyo tampek bagantuang daun rimbunnyo tampek
bataduah"
Tasabuik pulo dalam kato "Pangulu nan diamba gadang nan dianjuang tinggi"
gadangnyo kalau diamba tingginyo kalau dianjuang dek anak kamanakannyo baru
maikuik urang kampuang, tapi kalau anak kamanakan lah marendahkan pangulunyo
mako urang kampuang lah sato melecehkan urang lain tibo mahino.
Tapi kini baa lai, gadang pangulu bapaso-paso, basanyo babueak-buek, tuahnyo
baajan-ajan.
Dahulu Pangulu jadi Tuntunan, tibo di senteang kamambilai, tibo di kurang
kamanukuak, tibo di sipi kamanangahkan, tibo di hanyuik kamaminteh.
Kini Pangulu jadi Tontonan, kapanyambuik alek kok tibo, kapanunggu rang gadang
datang, kadipajang dipesta rami, makonyo pakaian pangulu kini difisiknyo bukan
dibatinnyo.
Terjadinyo pergeseran nilai ko adolah disebabkan babarapo hal diantaronyo :
1. Terjadinyo perubahan sistim pemerintahan dari Nagari ka ba Desa-desa dan
balurah-lurah.
2. Menurunnyo dominasi mamak dan pangulu kapado kamanakan nan dusebabkan hilang
dan bakurangnyo fungsi harato tuo.
3. Kurang terjalinnyo komunikasi antaro mamak dan kamanakan nan disebabkan
sagalo kebutuhan kamanakan lah dipanuhi oleh ayahnyo dll.
Satu nan manjadi pantiang bana kito sadari dan mungkin untuak direnungkan pado
waktu awal kemerdekaan dulu para pemimpin kito nan ikuik mati-matian berjuang
lupo memintak hak istimewa Minang Kabau dengan Matrilineal/Mantriakhatnyo dalam
menata sistim pemerintahan dan kekerabatan adat nan kuaik nan satu-satunyo di
Indonesia.
Sakian dulu dari ambo
Mohon maaf kok ado nan salah
Afrijon Ponggok
43, Pekanbaru
Powered by Telkomsel BlackBerry®
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
