Bu, Aswita dan dunsanak Palanta RN nan berbahagia Minta ampun ambo kapdo Allah maaf dimintak kanan banyak ka urang nan cadiak pandai nan tau dalam masalah adaik maadaik ko, kok sasek pikie rusak pangana tatuang kadalam kato-kato tatulih kaateh media nangko, kok salah ambo manulih salah pulo urang manarimo rusaklah adaik nan usali padi ditanam lalang nan tumbuah tibolah upek jo caraco, sababkan baa dek baitu ambo nan bukan cadiak pandai pangaja kurang sikola tangguang alemu jauh sakali Tapi dek cinto karanah Minang dek bangga jo adaik awak nak ambo cubo mananggapi salah tatumpah kaambo surang indak basangkuik jonan lain nan bana adat usali. 1. Masalah mangaku induak atau nan disabuik malakok sacaro adaik dalam daerah Minangkabau itu adolah hal nan biaso dan harus dilakukan tarutamo untuk urang Minang nan marantau dalam nagari Minang namonyo marantao ketek tapi marantau juo tumah namonyo, tasabuik dalam papatah "tabang basitumpu hinggok mancakam" dalam bidaraipun disampaikan "kok jadi anak kalapau ikan bali palanak bali ikan padang bali dahulu, kok jadi anak marantau kawan cari dunsanak cari induk samang cari dahulu" Manga kok awak marantau masih di ranah Minang tatap juo harus mangaku induak atau malakok ?, karano supayo awak mandapek-an hak nan samo jo masyarakaik nan lain tarutamo dalam segi adaik istiadaik dek adaik salinka nagari, dengan malakoknyo kito kapado suatu suku atau kaum mako kito akan mandapek-an hak pembinaan, perlindungan, pembelaan dll dari mamak tampek malakok, dan dengan sandirinyo kitolah tamasuak kadalam anak kamanakan suku tampek malakok tu dengan hak-hak nan samo jo kamanakan nan lain, kecuali hak manjadi pangulu dan hak pusako tinggi atau harato tuo karano awak urang datangg, memang kok tajadi sialng sangketo dinagari tampek marantauko mamak tampek malakokkolah kusuik nan kamnyalasai, karuah nan mampajaniah. Adopun suku tampek malakokko adolah : nan partamo kok ado suku nan samo jo suku nagari asa awak mako malakoknyo kasuku itu juo namonyolai malakok mamak, nan kaduo kok indak ado suku nan samo jo suku nagari asa awak mako dicarikan suku nan sa asa, kok awak katurunan Bodi Caniago mako dicari turunan suku Bodi Caniago, baitu juo Koto Piliang dll. Contohnyo adolah urang tuo ambo sandiri kami barasa dari Nagari Batipuah Baruah Tanah Data Ibuk ambo basuku Pisang / Ponggok / (persamaannyo Tanjuang) Pangulu Datuak Sidi Malano dibawah Pucuak Datuak Maninjun, sadangkan Bapak ambo basuku Jambak Pangulunyo Datuak Sidi Basa, kami marantau ketek ka Malalo ditapi barat Danau Singkarak masih Tanah Data, dek di Malaloko indak ado suku Pisang mako ibuk ambo malakok kasuku Sikumbang mako jadialh kami disiko kamanakan Datuak Datuak Sinaro Putiah dibawah Pucuak Datuak Rajo Lelo, sadangkan Bapak ambo tetap basuku Jambak karano dinagariko lai ado suku jambak tapi Datuaknyo lah batuka jo Datuak Majo Basa. Dalam pakaro malakokoko samo juo jo urang lua Minang nan datang marantau ka Minang Kabau mako inyo juo buliah dan berhak malakok untuak mandapekkan suku, tarutamo kok ado urang Minang nan babini jo urang lua Minang mako bini jo anaknyo dicarikan suku tampek malakok sahinggo inyo mempunyai hak dalam adaik. 2. Terhadap tajadinyo pergeseran sistim hubungan dan komunikasi antaro mamak jo kamanakan nan disebabkan terjadinyo perubahan sistim pemerintahan dari banagari ka badesa jo ba lurah adolah sangaik mampangaruhi. Sabab wakatu sistim banagari fungsi Pangulu dan niniak mamak sangaik gadang terhadap kaum dan masyarakatnyo, wali nagari salaku pimpinan pemerintahan tunduak kapado pangulu dalam karapatan adat dari satiok tidakan nan kadilakukannyo, apopun persoalan kamanakan disalsaikan dek mamaknyo, dan persoalan dalam nagari disalasaikan dek pangulu, mulai dari masalah kriminal, sangketo harato, cakak bakampuang, mambuek cabuah dll, hukumnyopun adolah hukun adat, kecuali indak bisa disalasaikan dek mamak dan pangulu baru disarahkan kapihak nan berwenang. Samantaro sajak sistim administrasi pemerintahan barubah manjadi Desa jo Lurah peranan pangulu jo niniak mamak lah mulai kurang, dominasi peranan Kapalo Desa jo pak Lurah labiah tinggi dari pangulu dan niniak mamak karano atasannyo adolah Camat bukan Pangulu, apopun persoalan disalasaikan manuruik aturan hukum positif nan balaku di Indonesia bukan berdasarkan adaik nan mamakai alaua jo patuik raso jo pareso, dan samanjak itu lah kurang pangulu jo niniak mamak dan pamarintahan nagari maadokan rapek dibalai adat, karano urusan kriminal lah ditangani polisi, sanketo tanah ka perdata, dll sabaginyo, dengan kondisi itulah seolah-olah pangulu jo niniak mamak indak diparalukan lai kecuali katiko pesta banikah kawin sebagai simbol adat. 3. Satantangan manurunnyo dominasi mamak dan pangulu ka kamanakan nan disebabkan hilang dan bakurangnyo fungsi harato tuo adolah disebabkan : 1. dek kamanakan batambah kambang jadi harato tuo samakin indak cukuik, 2. harato tuo itupun mungkin alah abih tajua jo tagadai dek mamak ataupun pangulunyo, 3. kebanyakan ayah lah bausaho skuaik tanago untuak mancukupi kebutuhan anaknyo sacaro moril dan materil jadi fungsi mamak jo harato tuonyo lah mulai hilang tarutamo nan indak hiduik di kampuang halaman, untuak apolan harato tuo karano alah cukuik dek ayah, untuk apo lai mamak karano lah ado ayah. 4. Sistim matrilinial di Minang Kabau justru maanjuang jo maninggikan derajat jo martabat kaum ibu mako Minang Kabau maambiak pasukuan dari garis ibu dan paralu dicatat bukan garis keturunan, karano garis keturunan tetap dari ayah, landasannyo adolah manuruik adaik jo logika seorang ibu tidak akan mungkin tidak mengakui bahwa anak nan dilahirkannyo odolah bukan anaknyo karano inyo nan manganduang jo malahirkan, samantaro seorang ayah tantunyo dalam tando kutip bisa sajo indak mangakui kalau anak nan dilahirkan dek bininyoko bukanlah anaknyo. Sungguahpun kito mamakai kakarabatan matrilinial namunn dalam berbakti kaurang tuo jo mintuo dan dalam manjago pergaulan jo siapo sajo tatap harus mamatuhi hukum agamo, karano disitulah lataknyo adaik basandi sarak sarak basandi kitabullah, indak ado satu praktek adaikpun nan buliah bertentangan jo agamo, dan indak ado satu ajaran adaik pun nan bertentangan jo agamo Islam, kalau dalam prakteknyo ado nan bertentangan itu berarti urangnyo nan salah dan indak mamahami ajaran adaik jo agamo. 5. Satantangan jalan malereang dalam jalan nan ampek disitulah lataknyo adaik Minang Kabau maharagoi mamuliekan keluarga nan datang kudian datang bajapuik, terjadinyo hubungan keluargako dek adonyo ikatan perkawinan, makonyo dalam manjago hubungan harus ekstra hati-hati dengan MALEREANG supayo hubungan jan sampai rusak mako diaturlah tata krama baik caro mangecek maupun caro batingkah, sabaik kalau rusah hubungan dek salah kecek atau salah tingkah mako kabek nan arek bisa unkai buhua nan mati bisa lungga anak jo bini manangguangkan. Mako malereng jo ipa bisan minantu jo mintuo ando pasumando supayo langeng silaturrahmi indak kaputuih-putuih lai sampai ka cucu elok juo, makonyo satiok urang minang nan manjadi minantu, mintuo, ipa, bisaan, andan ,sumandan, haruslah mamakai jalanmalereng supayo tajago elok hubungan kekeluargaan, karano niniak moyang kito dari dulu alah tau kalau hubungan kekeluargaan nan diikek perkawinanko sangaik rapuah, tapi inyo kan arek kalau awak pandai labiah bak cando dunsanak kanduang. Sabatangka-batangka kito jo mamak kamanakan, ayah bundo adiak jo kakak namun hubungan kekeluragan tak akan pernah putuih karano ndak ado bakeh mamak, bakeh kamanakan, bakeh ayah jo mandeh, bakeh adiak jo kakak, tapi kalau itu tajadi jo mintuo, minantu, sumando, ipa, bisan mako sadonyo bisa jadi bakeh. Untuak itulah harus kito dallami baa bana jalan malerengko supayo indak salah samek dan indak salah latak. Kok ado nan jangga dalam pelasanaan menjalin kekerabatan dalam kekeluargaan nan malalui ikatan perkawinanko mako nan salah adolah urangnyo bukan adaiknyo Mungkin itu nan dapek ambo sampaikan salah jo jangga mohon dimaafkan. tks Afrijon Ponggok Katik Basa Batuah 43, Pekanbaru.
--- Pada Sel, 21/12/10, Aswita Taizir <[email protected]> menulis: Dari: Aswita Taizir <[email protected]> Judul: Re: [...@ntau-net] Mohon Input tantang "Anak Dipangku, kamanakan di Bimbiang" Kepada: [email protected] Tanggal: Selasa, 21 Desember, 2010, 7:34 PM Alhamdulillah sanak sadonyo, topik ko nampaknyo samakin manambah sumangaik ambo untuk taruih mampalajari dan manghayati sajauah ma "pergeseran" tu kini nan tajadi, sabab musabab, dan solusi nan mamungkin untuak malatakkan ka asalnyo baliak, yaitu ideal nyo tatakrama di MK nan alah dijalankan dek urang2 sisuak dahulu, Tarutamo kalau dicaliak dari syarat manjadi panghulu tu: siddik,tabligh,amanah,dan fathonah. Syaraik2 ko iyo alah mancaminkan akhlaqul karimah yg diajakan dek Nabi kito Muhammad SAW. Jadi pondasi nan dicaliak dulu adolahdari pemimpin adaik, yaitu penghulu. Apo satiap desa di sumbar "seharusnyo" mampunyai penghulu? satahu ambo ado bbrp desa di dhamasraya, misalnyo desa tarantang, desa ampalu, sialang gauang,dllnyo, indak ado panghulunyo doh. Urang agek ambo sasudah marantau ka padang, lalu baliau marantau ka dhamasraya. Disitu urang tuo ambo "harus" mangaku induak, karano kami dianggap urang pandatang.Konsekwensinyo dari mangaku induak ko, kalau ado hal2 nan tajadi, sprt pertengkaran misalnyo, kami harus mangadu ka tampek "urang nan kami akui sabagai induak" dari urang gaek kami, walaupun urang nan dianggap "induak" tu jauah labiah ketek dari urang gaek ambo. Nan ambo ndak abis pikia, apokah fungsi dari "mangaku induak" samo statusnyo jo "mamak' atau "panghulu?baa nan sabananyo.. Baa kok harus "mangaku induak dulu" kalau awak marantau masih didaerah MK? Sanak afrijon manyabuikkan bhw: Terjadinyo pergeseran nilai ko adolah disebabkan babarapo hal diantaronyo : 1. Terjadinyo perubahan sistim pemerintahan dari Nagari ka ba Desa-desa dan balurah-lurah. 2. Menurunnyo dominasi mamak dan pangulu kapado kamanakan nan dusebabkan hilang dan bakurangnyo fungsi harato tuo. 3. Kurang terjalinnyo komunikasi antaro mamak dan kamanakan nan disebabkan sagalo kebutuhan kamanakan lah dipanuhi oleh ayahnyo dll. 1. Tolong di jalehkan sanak afrijon, jo contoh kongritnyo bantuak perubahan nan tajadi dari sistem pemerintahan Nagari,Desa,dll. Sajauah ma kebenaran dari point no 1 ko thd "kurang harmonis"nyo hubungan mamak jo kamanakan. di sisi ma nyo ado perubahan tu.. 2. Apo nan manjadi sabab point no 2. dan baa kok ndak bafungsi lai harato tuo ko..apokah setiap kamanakan di haruskan diagiah tahu ttg harato tuo ko, ataukah kamanakan nan harus "mancari tahu" tth harato tuo ko? kalau ditanyokan masalah "harato tuo" ko ado pulo nan manyangko ingin ndak manguasai harato pusako... 3. Apokah yg dimaksud dlm point 3 iko, kebutuhan "materikah", sprt sandang, atau kebutuhan2 lain selain materi, seperti, kebutuhan "spritual" si kemanakan, atau kebutuhan akan "adaik nan paralu dipelajari" dek si nakan. Mungkin nan terakhir ko nan manyababkan putuihnyo komunikasi, karano mamak ndak ado badiskusi ttg adaik lai doh jo nakannyo, atau si mamak nan indak tahu lai tantang adaik? sahinggo baa ka maaja si nakan ttg adaik ko,kalau si mamak sendiri ndak tahu, atau kurang tahu ttg adaik. Dalam hal nan ampek 4 ko, salah satunyo "kato malereng",contohnyo baminantu/ba mintuo..sajauah ma fungsi mamak dlm hal ba minantu, atau ba mintuo ko.. Ilustrasinyo sarupo ko: Banyak kato2 "miriang" nan ambo danga, kalau bini si kamanakan kurang santun ka urang gaeknyo..kalau urang gaek suami lamo2 dirumahnyo, nan bini kurang sanang, kalau dapek urang tuo si suami tingga di rumah anak padusi sajolah..padahal dlm ajaran agamo kito manyabuikkan bhw mintuo samo statusnyo jo urang tuo kito sandiri nan harus disantuni, dihormati, bukan dgn ladenan muko masam. Akhirnyo hubungan antaro minantu jo mintuo jadi kurang elok... Kalau tajadi hal sprt itu, jarang mamak nan mampaelokkan hubungan tu baliak, karano si mamak sendiri bininyo sarupo itu pulo, kalau alah ortu talalu lamo tingga dirumah si mamak, bini mamak alah ndak maacuahkan lai mintuo..kok dapek dicarikan sajolah tampek lain untuak ka tampek tingga urang gaek, sprt tingga jo anak padusi.. apo ikokah nan dinamokan matrilinial itu, yg hrs baliak ka garis padusi baliak, dgn kato lain, kalau ortu alah balanjuik umua, tingga jo anak padusi, bukan anak laki2. Bukankah dlm agamo iko nan manyabuikkan bahwa kewajiban anak laki2 terhadap orang tuanya sampai si ortu maningga dunia.sedangkan anak padusi kalau inyo alah manikah, kawajibannyo ka suaminyo..namun tidak menghalangi untuak salalu babuat baiak ka urang gaek, walaupun inyo alah manikah. Oleh sebab itu, mamak dlm kondisi sprt itu, manjadi tdk berfungsi krn juga menganut "paham" yg sama dgn si kamanakan.Wallahu a'lam. Tarimokasih banyak mamak2, sanak sadonyo alah manambah wawasan ambo dlm hal ko,smg bermanfaat handaknyo.Kl ado nan salah,ambo mohon dimaafkan. Wassalam, Aswita (P. 46) Long Island,NY 2010/12/21 <[email protected]> Rusaknyo komunukasi antaro mamak jo kamanakan dan komponen masyarakat lainnyo di MK adolah disebabkan kurangnyo pemahaman ajaran adat belakanganko kapado generasi mudo, sarupo "indak tau jo jalan nan ampek " kalau urang tuo-tuo dulu mangatokan indak tau jo ampek anak tu mah katonyo. Kito ketahui dalam manjago sikap pergaulan sehari2 di MK mako kito harus paham jo jalan nan ampek, yaitu 1. Jalan mandata, 2. Jalan manurun, 3. Jalan mandaki, 4. Jalan mlereng. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
