2009/12/25 Svavar Lúthersson <[email protected]>:
> Ég er nokkuð nýr á þessum póstlista en frétti þó af OSM fyrir eitthvað
> um ári síðan þegar ég reyndi að redda ókeypis korti á Garmin tækið mitt.
> Ævar rifjaði upp kynni mín af OSM verkefninu þegar hann kom með
> tilkynningu um gengi þess síðastliðið ár á FSFÍ póstlistann. Stuttu
> eftir það nefndi ég á sama póstlista að ég myndi glaður redda punktum ef
> ég fengi lánað tilsvarandi tæki. Baldvin hjá Rögg stökk á það boð og
> sótti ég tækið til hans svo ég gæti safnað punktum yfir eina helgi. Þar
> sem ég gat ekki tekið þá úr tækinu sendi hann mér punktana og setti ég
> þá inn með hjálp JOSM. Það ferli tók enga stund miðað við þann tíma sem
> það tók að safna þeim.
>
> Reynslan var nokkuð dýrmæt þar sem ég bæði safnaði punktum fyrir OSM og
> kynntist nágrenninu betur (í sumum tilvikum rifjaði ég þau upp).
> Nágrennið sem um ræðir er Vallarhverfið í Hafnarfirði ásamt
> Helluhverfinu (iðnaðarhverfi) en þið ættuð að geta séð afraksturinn á
> OSM vefnum. Í einhverjum tilvikum þurfti ég að leiðrétta punkta en í
> langflestum tilvikum bætti ég þeim við. Því miður skráði ég ekki alltaf
> hvað göturnar hétu svo að sumar þeirra eru nafnlausar þessa stundina.
> Einnig yfirsást mér nokkrar götur en ég setti þær á OSM bugs. Ef einhver
> hefur tillögur um það sem mætti fara betur hjá mér er það velkomið.
>
> Það væri betra ef ég þyrfti ekki alltaf að fá tæki að láni og langar mig
> því að kaupa mitt eigið tæki punktasöfnunartæki. Það væri betra upp á að
> geta safnað punktum án mikils fyrirvara og í smærri skömmtum. Review
> listinn á OSM er (því miður) alltof stór og torlesinn svo ég efast um að
> ég muni nokkurn tímann getað notað hann til að finna hentugt tæki. Ég
> væri þakklátur ef þið getið bent á ákveðið tæki sem ég ætti að geta
> notað hvort sem það er í bíl eða fótgangandi. Það má alveg kosta nokkra
> þúsundkalla og þarf ekki að vera ódýrasta tækið á markaðnum (þó ekki of
> dýrt).
>
> Það er mikið verk fyrir höndum í Hafnarfirðinum þar sem það vantar mikið
> af götum. Sem Hafnfirðingi sárnar mér að sjá götuskortinn í Hafnarfirði
> og langar mig að bæta úr því sem fyrst. Bara svo þið fáið nasaþef af því
> sem þarf að laga er hér grófur listi.
>
> Vantar í Hafnarfirði:
> * Góður hluti af Hvömmunum.
> * Götur hér og þar í Holtinu.
> * Götur hjá suðurhluta hafnarinnar (Suðurhöfn).
> * Nokkuð margar götur sunnan Lækjargötu.
> * Góður hluti gatnanna sem liggja út frá Hlíðarbergi (afgangurinn af
> Setberginu virðist vera nokkuð ítarlegur).
> * Vantar götur í miðbænum.
> * Vantar mikið af götum í Hraununum vestan Fjarðarhrauns.
> * "Gamli bærinn" að mestu ókortlagður.
>
> Vantar í nágrenni Hafnarfjarðar:
> * Ýmislegt milli Hafnarfjarðar og Álftaness (vegir, sveitabæir o.s.frv.)
> * Ýmsir bæir á Álftanesinu (aðallega þeir sem eru að Suðurnesvegi og
> Norðurnesvegi).
> * Götur hjá Stígunum á Álftanesi ásamt tilheyrandi sveitabæjum.
> * Eiginlega allt Ásahverfið í Garðabæ.
>
> Ef ég kemst ekki í þetta eða einhver vill hjálpa mér með þetta, þá hafið
> þið allavega listann.
Gaman að sjá einhverja virkni í Hafnarfirðinum, þetta hefur verið það
svæði á Höfuðborgarsvæðinu sem hefur verið hve minnst virkni á,
vonandi er það að fara breytast. Gaman að sjá heilt hverfi birtast
þarna.
Eitt sem ég vil benda þér á er validator viðbótin í JOSM, það er mjög
auðvelt að finna ýmsar villur og annað sem má bæta með henni. T.d.
vantar nöfn á nokkrum vegum hjá þér, t.d. þessum:
http://www.openstreetmap.org/?lat=64.04167&lon=-21.96912&zoom=15&layers=B000FTFT&way=46965923
Til að finna fleiri athugasemdir getur þú letiað að user:Kjarrval með
JOSM leitarvélinni og svo smellt á "Validate" (eða "Athugun" ef þú
notar JOSM á íslensku) til að sýna möguleg vandamál.
Svo væri gott að fá place=suburb nóður á kortið (og jafnvel svæði) til
að sýna hvar sum þessara hverfa sem þú ert að tala um eru, ég veit
ekkert hvar Hvammarnir eða Holtin eru :) Álftanesið eða Akranesið eru
ágætis dæmi um hvernig svona er merkt, þar eru líka landuse=* svæði
sem er gaman að hafa ef þú nennir að teikna þau gróflega.
Svo væri mjög gott ef þú gætir hlaðið upp ferlum á vefinn hérna:
http://www.openstreetmap.org/user/Kjarrval/traces
Það er mjög gott að hafa þessa ferla til hliðsjónar fyrir síðari
breytingar, sérstaklega ef þeir eru merktir sem auðkennanlegir
(identifiable).
Ég get lítið ráðlagt þér með GPS tæki, ég Garmin tækin eru góð
all-round tæki, sérstaklega eTrex línan eins og Christoph minntist á.
Svo er líka fínt að setja svona TODO lista inn á OpenStreetBugs, en ég
sé að þú hefur uppgvötað það nú þegar.
Þá held ég að mínu síðnæturblaðri sé lokið í bili, endilega sendur
spurningar á listann ef eitthvað vefst fyrir þér, og velkominn á
OpenStreetMap!
_______________________________________________
Talk-is mailing list
[email protected]
http://lists.openstreetmap.org/listinfo/talk-is
