Kang Kumincir, aya nu ngaguar ngeunaan 'dinosaurus' teu...??!Abdi mah panasaran Kang...??!!Sagede naon eta sato teh...??!Teras, sacara ilmiah numutkeun ahli arkeologi naha leres aya kitu...??!
Basa mangkukna, alo Abdi nanya meuni teu eureun-ereun ngeunaan 'dinosaurus' ieu.... Salam Baktos, Ono Taryono "kumincir" <[EMAIL PROTECTED]> Sent by: [email protected] 02/15/2006 12:59 PM Please respond to [email protected] To "Kusnet" <[email protected]>, "Kisunda" <[email protected]>, "[EMAIL PROTECTED]" <[EMAIL PROTECTED]>, "barayasunda" <[email protected]>, [EMAIL PROTECTED] cc Subject [Urang Sunda] Wikipedia: papatong Papatong téh serangga nu asup kana ordo Odonata, subordo Epiprocta, jeung, dina jihat husus, infraordo Anisoptera. Cirina nyaéta panon majemuk nu badag, dua pasang jangjang ngalangkang, sarta tungtung awak nu panjang. Kadaharan papatong ilaharna mah reungit, laleur, nyiruan, kukupu, sarta sarupaning serangga leutik lianna. Lingkungan hirup papatong biasana di sabudeureun situ, pasawahan, pokona mah deukeut ka cai, sabab larvana, nu katelah "kini-kini" téa, hirup na cai. Papatong mah tara ganggu, nyoco atawa nyeureud manusa; malah mah, papatong téh gedé pisan ajénna salaku pamangsa nu mantuang ngontrol populasi serangga nu bahya samodél reungit. Daur hirup Daur hirup papatong, ti endog nepi ka paéhna nalika geus kolot, rupa-rupa, ti genep bulan nepi ka genep-tujuh taun. Papatong bikang napelkeun endogna dina atawa deukeut cai, misalna dina dangdaunan/jukut cai. Anu lila mah mangsa jadi kini-kini, dina jero cai, ngarénghap maké insang, sarta ngahakan invertebrata atawa vertebrata lian kayaning lauk leutik jeung buyur. Nalika geus sawawa dina ujud papatong, spésiés nu gedé mah bisa hirup nepi ka opat bulan. Fakta umum Catetan rékor Papatong jaman baheula mah ukuranana leuwih badag batan papatong kiwari. Nu pangbadagna, kapanggih salaku fosil, nyaéta Protodonata nu ngaranna Meganeura monyi ti mangsa Permia, nu bébér jangjangna nepi ka 70–75 cm; bandingkeun jeung papatong jaman kiwari, nu pangbadagna ukur 19 cm, nyaéta papatong éndemik kapuloan Hawaii: Anax strenuus. Spésiés pangleutikna nu kungsi kacatet nyaéta papatong libellulid, Nannophya pygmaea ti Asia wétan, nu bébér jangjangna ukur 20 mm. Papatong mangrupakeun serangga panggancangna, bisa nepi ka 60 mph [1]. Papatong Common Green Darner, (Anax junius), mangrupakeun salahsahiji papatong pangbadagna tur panggancangna, bisa hiber nepi ka 85 km/jam (53 mph). Téténjoan papatong mah hadé pisan, ku ayana struktur panon nu ahéng: 30.000fasét nu masing-masing mangrupakeun organ pangrasa cahya nu misah (ommatidia), nu ngahasilkeun panénjo ampir 360°. Kamuflase Anyaran ieu kapanggih yén papatong bisa metakeun ilusi optik, nu disebut "kamuflase gerak" (motion camouflage), pikeun ngadodoho serangga séjén nu asup ka jajahanana. Nalika nyerang mangsana, papatong bisa metakeun gerak nu justru kawas nu teu usik, kitu cenah ceuk para panalungtik. Klasifikasi Papatong Purba (Anisozygoptera) Sacara konvénsional, Anisoptera subordona aya gigireun "papatong purba" (Anisozygoptera, dua spésiés hirup kénéh, nu lianna mah geus lastari), tapi anyaran ieu aya katangtuan yén Anisozygoptera téh ngabentuk susunan parafilétik salaku dulur primitif Anisoptera. Ku kituna, Anisoptera diturunkeun kana infraordo, jadi subordo anyar Epiprocta (papatong sacara umum). Papatong vs. papatong jarum Papatong jarum (Subordo Zygoptera) di urang mah sok disaruakeun jeung papatong biasa, padahal béda: papatong jarum mah mun keur eunteup jangjangna tara mébér, béda jeung papatong nu salawasna mébér. Ogé panonna, papatong jarum mah misah, sedengkeun papatong mah ampir paadek. Duanana kaasup Odonata, nu mibanda daur hirup nu sarupa. Sumber rujukan * Dragonfly, Wikipédia édisi basa Inggris per 8 Januari 2006. Disalin ti "http://su.wikipedia.org/wiki/Papatong"; Kategori: Serangga | Odonata -- sikandar kumincir.multiply.com www.urang-sunda.or.id [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
