Euleuh meuni rame kieu nya diskusi ngeunaan teori evolusi vs teori intelligent design teh...??!!Mimitina ti Abdi naroskeun ngeunaan dinosaurus tea, teras ngarembet ngeunaan manusa purba, kadituna deui ngarembet ngeunaan teori evolusi sareng intelligent design. Tetela, Abdi ngaraoskeun hiji mangfaat anu nyata ku ayana ieu babakan kusnet, minangka media kanggo nambihan wawasan.
Atuh ngeunaan teori evolusi sareng teori intelligent design, sacara pribadi Abdi teu gaduh gambaran teori nu mana nu leres. Ngan Abdi mah gaduh hiji pamadegan, Al-Quran teh asalna ti Gusti Alloh, kitu deui elmu asalna ti Gusti Alloh. Kusabab dua-duana damelan Alloh SWT, pasti moal aya elmu anu patukangtonggong jeung eusi Al-Quran atawa sabalikna. Mun misalna oge aya elmu anu teu sajalan jeung Al-Quran, ieu nandakeun yen elmu-na manusa masih aya watesna. Sabenerna mah, dina Al-Quran sorangan 'sarat' atawa pinuh ku elmu pangaweruh. Ngan elmu pangaweruh ieu aya nu jentre disebatkeun dina Al-Quran, aya oge anu disilokakeun (dikiaskeun). Pami teu lepat mah aya dawuhan Gusti Alloh anu unggelna kirang langkung kieu (punten pami lepat pang lereskeun) : "Jeung saenyana Kami geus ngulang sababaraha kali ka manusa dina Al-Quran ieu, ngeunaan sagala rupa hal siloka (kiasan), ngan hanjakal teu saeutik manusa anu ingkar" (Al-Israa : 89). "Jeung saenyana Kami geus nurunkeun hiji kitab (Al-Quran) ka maranehna, anu dina eta kitab Kami jentrekeun ngeunaan 'dadasar' pangaweruh Kami, anu jadi pituduh jeung rohmat pikeun jalma-jalma anu ariman." (Al-A'raaf : 52). Tah, dumasar kana hal eta, ngeunaan asal muasal mahluk hirup nu aya di alam dunya ieu, sakuduna teu patukangtonggong jeung Al-Quran. Misalna we ngeunaan asal muasalna manusa. Apanan dina Al-Quran oge disebatkeun yen Nabi Adam AS didamel ku Gusti Alloh tina taneh, langsung kun fayakun, sanes katurunan tina 'monyet' jeung sabangsana. Kitu oge urang sadaya didamel ku Gusti Alloh, hakekatna mah, tina taneh (saripati taneh). Ngan bedana jeung Nabi Adam, ari urang mah aya proses-na ti mimiti saripati taneh, teras janten 'segumpal darah', jst.... Kawajiban urang sarerea, ngagali elmu pangaweruh Gusti Alloh, kujalan neleman 'ayat-ayat' Mantenna, boh ayat-ayat Al-Quran atanapi ayat-ayat anu nyampak di alam dunya katut eusina ieu. Cag ah...teu karaos geuning tos ngayayay seratan teh. Punten sanes mamatahan ngojay ka meri....rumaos Abdi mah teu bodo-bodo acan.... Sakali deui bilih aya anu lepat, punten pang lereskeun. Salam Baktos, Ono Taryono "Ari R. Fikri" <[EMAIL PROTECTED]> Sent by: [email protected] 02/20/2006 09:37 AM Please respond to [email protected] To [email protected] cc Subject [Urang Sunda] Ba: Re: Ba: Re: Wikipedia: papatong ==> Dinosaurus...??!! Hatur nuhun, kang, kana waleranna. Leres pisan kang teu tiasa di jantenkeun referensi ilmiah eta seratan Harun Yahya teh upami kitu mah. Tapi ieu mah pamendak sim kuring wae salaku muslim ; Dina Qur'an teu disebatkeun yen asal-muasal manusa teh tina monyet. Janten manusa mah manusa, sato mah sato. Naha abdi make percanten kana paham kieu. Mangga we pilariang pertentangan dina Qur'an tanwande(pasti ?) akang moal mendakan. Malahan mah seueur seratan dina Qur'an anu ngabahas kajadian alam dibuktoskeun ku panalungitkan ilmiah jaman kiwari, contona : Yen gunung, taneuh teh bergerak sanes cicing. Teras aya deui aliran cai tawar anu teu ngahiji sareng cai laut tapi ayana dina jero laut, Fir'aun di teuleumkeun di jero laut teras di salametkeun jasadna ku Allah, Kaum Ad anu digulung ku angin beureum nu kacida panasna. Sareng rea-rea deui. Saur abdi mah ieu teh sanes mung kaleresan tapi hiji buktos leresna Al Quran. Malahan seueur nu ngabuktoskeun kana teori dina Al Quran ieu teh sanes urang muslim tapi urang non muslim. Sim kuring sanes arkeolog janten teu tiasa ngabuktoskeun kana leresna teori ieu mung upami aya arkeolog anu jembar (luas ?)elmuna sareng ageung ka imananna kersa ngabuktoskeun kana teori ieu tangtos bakal kabuktosan kana leresna teori ieu teh. Tapi ieu mah mung kasauran (pendapat ?) sim kuring. Hapunten kana ka kiranganna sareng kalepatanna. Sareng nyungkeun koreksina utamina kana kecap sunda anu kuring teu terang/lepat. pun Ari. > Kang Ari, kuring kungsi maca, Buku Harun Yahya teh, aya nu mostingkeun > kahiji millis Islam. Ieu mah ceuk kuring, eusi buku ieu ( "Runtuhnya Teori > Darwin/ EVolution Deceit") leuwih mirip karangan buku pangaweruh populer > tinimbang buku Ilmiah. Janten teu tiasa dilebetkeun karya ilmiah. Eusi buku > ieu meunang cutut-cutat tina artikel tina jurnal Ilmiah, atawa majalah semi > Ilmiah jiga majalah "Nature". Nu dicutatna nyaeta padungdengan para ahli > (nu sadayana oge pro Teori Evolusi) dina hiji masalah ku kapendakna buktos > enggal. Contona umpami mendakan tulang fosil. Ceuk ahli si A ieu teh tulang > mangkeluk nu engkena jadi manusa, Ceuk ahli si B, lain, ieu mah tulang fosil > monyet, Ceuk ahli si C, beda deui. Ku Harun Yahya, padungdengan ieu, dicutat > sapotong-sapotong, dina bagean nu nguntungkeun "teori" manehna. Atuh puguh > we siga enya, da disalenggorkeun tina maksud nu sabenerna. [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
