Salam ka baraya Kusnet,
Ieu mah asli pangalaman pribadi alias kisah nyata. Lain fiksi. Opat minggu ka tukang kuring geus narima surat wawaran ti Tenn. DOT (Tennessee Departement Of Safety) Title & Registration Div. - Nashville,mun di Bandung mah Kantor Pelayanan Samsat, yen kuring kudu mayar pajeg mobil paling telat tanggal 30 April 2006. Tadi beurang
alhamdulillah kuring kabeneran keur nganggur pedah 'Spring Break'.Estu poe ieu mah teu kudu kokoreh oge teu kudu maca buku atawa ngingkig ka perpustakaan. Wah pokona mah tadi beurang bener-bener ngarasa jadi jelema bebas.Sapoe hidup tanpa beban tea, nu ceuk basa deungeuna mah 'Enjoying Myself' bin 'Having A Great Time' . Basa rek kaluar imah ku kuring kareret surat ti 'samsat Amrik' nu ku kuring ditapelkeun dina kalender yen kuring kudu mayar pajeg bulan hareup . Ah teu basa teu carita si surat teh ku kuring dijewang maksud teh rek mayar pajeg mobil poe ayeuna najan sa bulan
keneh deui oge kana due-date na .Pikir kuring ngarah salse jeung kabeneran keur nganggur deuih. Bari sakalian ngopor hayam di warung Bangkok tukangeun kantor samsat pisan ,ongkoh beuteung geus kukurubukan hayang dieusi .
Teu sa parapat jam kuring geus nepi ka kantor pajeg kandaraan, katingali ku kuring aya sababaraha welas wajib pajeg nu boga maksud nu sarua jeung kuring ,juljol ka eta kantor .Bus kuring ngasupkeun STNK heubeul jeung biaya pajegna. Teu kungsi lima menit ngaran kuring geus dipanggil.'Thank you,' ceuk mojang bule geulis jeung seungit bari ngasongkeun pelat nomer anyar nu masa berlakuna nepi ka April 2007. Ah kuring oge thank-you deui bari leos balik. Lima menit bereeessss, euy !
Meureun ceuk mojang Amrik mah sing saha bae nu aya di nagarana teh lain jelema cicing, padahal kuring mah harita keur nganggur.
Tah ayeuna mangga geura urang toong babarengan GALAMEDIA Salasa 28 Maret 2006 dina kolom Interaktif CeplasCeplos, aya
baraya urang nu rek mayar pajeg mobil kudu ngadaweung cindeten en dipeuyeum heula di eta kantor samsat Bdg Tengah sababaraha jam pedah (jigana mah) teu nitah 'jelema nu dijero' alias abdi rayat (pulisi + Dispenda) . Beu kacida teuing ! Padahal si bapa teh rek mayar kawajiban, lain rek menta. Bener pisan yen spanduk nu ditulis 'BAYARLAH KENDARAAN ANDA DENGAN TIDAK MELALUI CALO/PERANTARA' teh wadul alias bohong badag ! Kuduna mah tulisan eta teh kieu yeuh 'BAYARLAH KENDARAAN ANDA DENGAN MELALUI CALO/PERANTARA'
Ngarah gancang anggeus !
Komentarna mah teu langkung baraya.
Baktos
Misan .
Tennessee-Amrik .
Yahoo! Messenger with Voice. Make PC-to-Phone Calls to the US (and 30+ countries) for 2ยข/min or less.
Komunitas Urang Sunda --> http://www.Urang-Sunda.or.id
SPONSORED LINKS
| Corporate culture | Business culture of china | Organizational culture |
| Organizational culture change | Jewish culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
