Assalamualaikum wr, wb. Para warga US, wilujeng tepang deui sareng pribados, Ely anu geulis tea. Abdi tos maca sadaya info di milist ieu, atuh aya carita anu narik, nyaeta posting ngenaan JAY. Sateuacan neraskeun dongeng atanapi obrolan ngaler ngidul, abdi hoyong muji heula kaanu nyerat eta carios "wilujeng, sae pisan tah dongeng teh". Diteraskeun ku basa gaul nya. Abdi kataji kana caritana, carita ieu alus pisan, rada detail keur waktu sajam-mah, sanajan heunteu malapah gedang oge, tapi estu ieu caritateh ngeunaan sajam-dua jam, sapoe-dua poe tina autobiographi atawa riwayat hidup penulisna (upami teu lepatmah ambu saparakanca nya ?). Wilujeng atuh ambu, abdimah resep pisan ambu kersa ngariwayatkeun authobiografi ambu dina milist ieu, atuh etang-etang ngawakilan kaum bodo/miskin/malarat anu sanggem interaksi nganggo alat komunikasi canggih (Internet tea). Atuh saena diteraskeun ambu, utamina lalampahan ambu, napay-mapay jalan Suci, Cicadas, katut gang slamet, atanapi kebon gedang, cipicung, sekeloa, haur-pancuh, Dago pojok, Murarajeun, Sekemirung, Bojong kacor, Cipedes - Sukajadi, Sukasirna, Cikaso, Sukarasa, Asep berlian, Kosambi Lio (sisi rel cakeut gudang utara), Cicaheum, Cimuncang, Jatihandap jeung sajabana. Daerah anu disebutkeun diluhurteh conto daerah di Bandung utara anu kacida arijidna, kalotor, awut-awutan, kumuh, daerah ieuteh asa teu parok sareng sebutan Bandung kota kembang. Teu parok oge jeung istilah anu disebutkeun ku penjajah Belanda baheula di tahun 1900-an yen Bandung dilandih �Paris Van JAVA�, nyaeta Paris nu ayana di Jawa. Padahal Paris jeung Bandung realitana ayeuna jauh tanah ka langit. Realitana Bandung kaler anu dipilih ku Belanda keur tempat istirahat, anu ayeunamah diantawisna, Dago, Setiabudhi, Daerah Jl Dipenogoro, Cilaki jeung sajabana anu baheula endah, resik tur tumaninahteh, ayeunamah ngan sakelas jeung daerah kumuh/slum/Bronx di Kotamadaya Paris di Perancis. Bisa dibayangkeun kumaha ari Jl Suci, lamun daerah dago wae tos setarap jeung daerah kumuhna di Paris-Perancis. Cing ambu kedah dikumahakeun atuh daerah kumuhteh didaerah Bandung kalerteh ?, maenya beuki kadieu Bandungteh asa beuki kumuh. Sanaos pamikiran ambu moal dugi ka tiasa memecahkan mengentaskan kaum miskin/malarat, atuh suganwe paling heunteu ambu anu termasuk golongan ieu tiasa ngabantu heunteu nambihan kakumuhan bandung. Salajeungna. Abdi hoyong ngadongeng wanci dua minggu nyaba ka Garut selatan, kecamatan Bungbulang. Teu aya dongeng anu aheng diperjalanan, tapi katinggali alamna endah, masih keneh seueur tanah kosong anu bangkar teu diolah, duka kunaon, duka ku pamalesanana urang sunda tea, atanapi taak tani teu aya hasilna, tapi ieu tos ngabuktoskeun yen masyarakatna memang teu aya minat maju. Benten pisan sareng masyarakat Koreaselatan, anu ngan boga tanah sacangkewok, tapi para jajaka jeung wanojana teu pegat-pegat tatanen, satiap musim tanahna dipelakan ku pepelakan nu cocok jeung musimna, atuh antukna rakyat Korea selatanmah hirup ku hasil tanenan sorangan (ieu nu disebut swa sembada). Dua minggu di Kacamatan Bungbulang kacida resepna, masyarakat balageur, saromeah, jiganateh hirupna tenang, teu aya nu kuli nepi ka sisuksruk tidungdung, didaerhamah kuli macul oge paling ngabedug. Ku abdi didongengkeun yen aya istri di kota anu buburuh nepi ka subuh kuli nepi kajanari keur neangan sapiringeun. Kitu deui ku abdi didongengkeun aya guru pagawe negri nu ngajar di paguron luhur, kudu tisusut tidungdung ngajar di paguron luhur swasta oge keur nambah risiko dapur. Kitu oge dikotamah loba tukang parkir garelut jeung sasamana alatan parabut lahan parkir, sumawona kenek jeung kenek di ledeng daerah UPI (Universitas Padahal IKIP) atawa kenek nepi ka dordar jeung supir angkot kualatan parebut duit nyalo, kitu oge sok teu kurang para jajaka ngadoger/ngamen diparapatan mentaan receh kapanumpang angkot kusabab ngalanggur tapi butuh dahar. Didongengan kituteh maranehna harookeun, antukna naha cenah hirup dikotateh meuni malarat kadungsang dungsang, nepi ka kudu kitu ?. Komo waktos ngomentaran aya istri anu buburuh nepi kasubuh kuli nepi kajanatimah, nepi ka nganah-naha, naha kumaha ngurus salaki, ngurus budakna jeung sajabana. Abdi teu tiasa ngajelaskeun nanaon da kitu buktosna, sanes ?. Atuh abdi oge sok ngadongeng jeung jajaka/wanoja di Bungbulang, nya abdi sok naros, kunaon tatanenteh heunteu ditingkatkeun, ulah nganggo pacul wungkul, atuh ningkat nganggo traktor saur abditeh. Abdi oge rada kaget cenahmah lamun nganggo traktor, pagawean tereh rengse, atuh kuli anu ngabedug oge bakal ngalanggur. Beu cilaka geuningan pikiran maranehnateh kieu, nya abdimah ngabetem we, maklum atuh ngajelaskeun perluna memodernisasi pertanian kanu tingkat pamikiran jajaka model kieu kudu ati-ati. Sakieu heula dongengna, bade istirahat heula, cape yeuh dua minggu di lembur si AA. Salam Ely Evalita.
----- Original Message ---- From: rosma_ilyas Timanan diudag ku tukang bajigur�r�k lumpat kamana deui iwal ti kadinya? Kaayaan astana nu pikasieuneun, hieum jeung geueuman, maklum astana heubeul ti jaman Walanda k�n�h. Salian ti tatangkalan nu leutik, geus puguh tangkal Samoja mah, loba pisan tatangkalan nu ged� kayaning Jati, Mahoni jeung Caringin nu geus jaranggotan diselang seling ku eurih. ----< dipangneukteukkeun ku k#5 >---- Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> Your email settings: Individual Email | Traditional <*> To change settings online go to: http://groups.yahoo.com/group/urangsunda/join (Yahoo! ID required) <*> To change settings via email: mailto:[EMAIL PROTECTED] mailto:[EMAIL PROTECTED] <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
