Hapunten ka sadaya anggota KUSnet.. Abdi bade Nepangken diri abdi
Nami abdi : Marwan Faizal A. Bachtiar Linggih di : Karawang No. Telpon : (0267) 400119 No. HP : 08121077388 E-mail : [EMAIL PROTECTED] Nah dina jalaran abdi masih bingung ka diri abdi nyalira, kersana bingung nya tangtos abdi oge asa teu percanten kana kajantenan anu saminggu kalangung, kajantenanana kieu saderek-saderek: Dina dinten Rebo kirang langkung dina wanci sareupna maghrib, pun biang kadongkapan hiji pameget anjeuna nyarioskeun yen tas mulih ti Cirebon dina kaayan hujan, nanging anjeuna heunteu kahujanan atanapi baseuh sakedik-kedik acan..... Nah pun Ibu kan ngabuka Warung Nasi, ku pun Ibu anjeuna dipasihan sagelas Cai tehmanis panas, teras anjeuna nyarios: Abdi tos mulih ti kasepuhan Cirebon, saur Ibu abdi: "..bade ka mana pak ...." , nya dijawab ku anjeuna :"abdi bade wangsul ka Kuta Gandok (rengas dengklok) kota Karawang", waler anjeuna: "Abdi the anu ngageugeuh ti Kuta Kelambu (Kec. Ciampel, Desa Kutanegara, ayeuna dimekarken janten Desa Setya Mulya") Nah teras anjena ngangken diri anjeuna: "nami abdi Maulana Yusuf bu.. anu sering dihadiahan/di bacakeun Al-fatihah ku sarerea" saur anjeuna deui: "geuning warungna sepi bu...", saur Ibu: "emang nuju sepi pa..", "...hoyong warung Ibu janten Rame deui, kersa abdi nyuhunkeun beas 9 siki", "mangga" saur ibu, teras ibu nyandak Beas 9 siki disanggakeun ka anjeuna ku anjeuna di doaan salajengna miwarang ka ibu supados eta beas the di gayem salajengna di tuang ku pun ibu. Pun Ibu nyuhunken alamat anjeuna, ku anjeuna diserat dina kertas, jentre pisan alamatna tea di Kampung Kuta Gandok RT 02/RW 01 Desa Kutagandok kecamatan Kutawaluya, sareng anjeuna nyarios gaduh pesantren Nurul Falah di Kuta Gandok, malihan Pasantren di Johar oge anjeuna janten penasehat di dipesantren Nurul Falah Johar. Teras anjeuna meser rokok 2 Waler anjeuna " rokokna mah meser bu, sakantenan abdi bade mios bae" saur ibu abdi: "kan masih hujan pak..." teras anjeuna ngawaler: " sanaos hujan oge abdi mah moal kahujanan bu..." saur ajneuna bari ngadigdig mapah ka arah Johar Karawang..." Pun Ibu merhatikeun cara mapah anjeuna, teu sakiceupan mata anjeuna tos aya kirang langkung 200 meter mapahna siga anu disered nanging teu ngalayang, sapertos anu maen Ski Es. Nah sarantos kajantenan eta, Pa Maulana Yusuf the dongkap deui dina wengi sabtu malem minggu, nganggo BMW warna Bereum ati (Merah Maroon) platna B-999-XX nyandak dawegan (Kalapa ngora), pas nyampak di teras aya pun lanceuk maturan ngobrol panjang lebar, saur pa Yusuf, eta cai dawegan tea kedah dipandikeun, pun lanceuk geuwat ngebel ka Abdi, dipiwarang dongkap ka bumi Ibu, nya teras abdi gura-giru angkat ka bumi pun Ibu, abdi oge barang mimiti mah asa teu percanten, apa enya jaman kieu aya Syekh Maulana Yusuf tiasa mancala putra-mancala putrid dugi tiasa nyandak BMW. Dina cariosan ka pun lanceuk anjeuna bade ngalebetkeun damel di P.T. Master Steel Pulo Gadung, sareng Serat-serat bumi, sertifikat BPKB anjeuna dititipkeun di Deposit Box Bank Jabar Cabang karawang, Nah pas dina wengi Senen Malem salasa, anjeuna dongkap deui ka rorompok pun Ibu bari nyandak cai anu ti panyepenan anjeuna di Kuta Gandok, samalih bari ngubaran Pembantu anu ngabantosan di warung, saur pembantu dina keur ngubaran, anjeuna tiasa malih rupa janten Aki-aki anu janggotna panjang, Teras anjeuna nyarios upami enjing tabuh sapuluh anjeuna bade ngajemput abdi sareng pun lanceuk damel di Master Steel sareng anjeuna nyarios BMW na tea sering di servis di servis Astra caket Ancol. Dugi ka ayeuna anjeuna teu dongkap-dongkap deui, abdi maluruh ka kuta Gandok ka pa lurahna teu aya anu namina Bp. Maulana Yusuf, gaduh pasantren di kuta gandok, sami ka kuta kulambu oge abdi mendakan kuncenna sareng pejabat lurahna, teu aya anu namina Maulana Yusuf jadi warga di kampong eta. Nah abdi ngontak oge ka Bengkel BMW astra, teu aya Mobil eta atas nama Bp. Yusuf Maulana di servis di dinya, di deposit oge teu aya, Bilih aya saderek anu ngenal atanapi pernah pendak sareng anjeuna, kumaha carana supaya tiasa pendak sareng anjeuna, abdi bingung, bisi anjeuna Aulia atanapi Syekh Maulana Yusuf anu ti banten tea. Ngan abdi can maluruh ka Banten lama ka makam Anjeuna.... Bilih aya anu bade ngabantosan adi tiasa nge bell atanapi bales E-mail ieu, Hatur nuhun ka sadayana permios Baktos, Marwan Faizal A. Bachtiar
