Ngahaminan Mh, Carita-carita model "titinggal" karuhun ieu ku bangsa sejen lain wae jadi sumber jadi bahan keur industri atawa ningkatkeun ekonomi, tapi malah dijadikeun model-model majemen jeung nu sejenna sarupa ngawangun kapribadian. Upamana wae, manajeman industri-industri Jepang kasohor ku "kaizen"-na anu dikali (B.Ind: digali) tina akar budayana. Atuh anyar-anyar ieu, profesor salah sahiji sakola bisnis anu sohor di Amrik nepikeun dongeng "Raja nyium Kodok" pikeun pangajaran kumaha pentingna kayakinan jeung tahan uji (B.Ind: keuletan) dina bisnis.
Di Sunda kumaha? Anu samodel "Kaizen" geus nyampak, upamanawa konsep "Galah Cidek Tinugelan" tina Sanghiyang Siksa Kandang Karesian (SSKK, ieu naskah kuno ditulis dina jaman Pajajaran, Sri Baduga Maharaja, nepi ka aya anu nyindekeun enas-enasna mah eta eusi naskah teh taya lian ti pandangan hirup raja jaman harita), eusina mah teu jauh jeung rumus manajemen "Kaizen-na Jepang. Pon kitu deui: Opat Paharaman, Pangimbuhing Twah, jeung Dasapasanta (sadayana aya dina naskah SSKK), eta kabeh estuning muitiara-mutiara anu luhur ajenna pikeun kasuksesan dina bisnis (etos kerja, jsb). Nyakitu keneh, frasa "ulah ngaralieukan ka tukang" tina Wangsit Siliwangi anu bisa ditafsirkeun yen hirup teh kudu "visioner". Hanjakal, di urang mah apan legenda Prabu Siliwangi-na oge ku sawatara golongan mah malah dioyag-oyag karana dipandang te luyu jeung kamajuan jaman. Muga-muga wae atuh kahareup mah urang Sunda jadi leuwih engeuh kana peperenian anu luhur ajenna anu nyangkaruk dina titinggal-titinggal karuhunna. manAR --- In [email protected], mh <[EMAIL PROTECTED]> wrote: > > On 8/24/07, dudi_ss <[EMAIL PROTECTED]> wrote: > > Loba keneh, lalampahan anu ka alaman ku karuhun urang tapi naha animasina > > jol ti jepang, contona dragon ball, avatar the legend of aang, dongeng > > inuyasa oge aya, aya oge pangalaman anu can aya papada dina dongeng ti manca > > nagara. > > enya kang euy, batur mah hebring pisan, hasanah budaya karuhun teh > jadi sumber inspirasi keur dunya industri, utamana industri hiburan. > jadi maranehna mah geus ngarasakeun warisan karuhun teh kacida > pentingna, sabab diantarana bisa jadi sumber duit. ari urang kumaha? > jigana wae urang mah dina sababaraha periode kungsi kasarung, atawa > ayeuna oge masih keneh kitu. loba teuing noong kaluar, teu pati noong > nu aya di lembur sorangan. > > salam, > mh >
