Baraya, dinten Sabtu kieu tipada ngalamun teu puguh, ningan ngorong... eh, ngengklokan ah...
Nyanggakeun, ro2 Dua poe katukang, tas balik gawe, biasa we naek jemputan, beus kota Damri tea (punten baraya, ngadongeng teh sok diajak we sangsara ku abdi mah* naek beus. Saur lagu Ahmad Albar tea mah,"Beginilah, jadi orang yang tak punya* kemanapun naik bis kota..." ). Nepi ka hareupeun gedong Bank Indonesia, geus narungguan barudak SMA. Biasa we ari barudak sakola mah sok recok. Aya nu ngabuciay we... ngawangkong jeung babaturanana, aya nu jejeritan we* aya nu cicirihilan, aya nu ngaheureuyan we kenek, aya nu samutut ngadaharan gorengan,..srrd. Kusabab beus pinuh, maranehna nangtung tukangeun kuring, bari angger galecok. "Ieuh, urang mah kabagean tugas ti guru, titah nyieun makalah Global Warming tapi ku Basa Sunda, ni hese aing mah*!" "Nya, hese euy, ngarti mah ngarti naon nu disebut Global Warming teh, tapi ari kudu dikana basa Sundakeun kumaha atuh nya? Hese ngedalkeunana, guru teh aya-aya bae*mangkaningan kudu dikumpulkeun isukan*!" Ngadenge kitu kuring ge ngahuleng, enya bener*ari Global Warming basa Sundana naon? Panas Sarerea?*heuheu*(cik, baraya saha nu terang? Manga, diantos pedaranana. Nuhun sateuacana*). Sabenernamah kuring ge sok keueung, hariwang & raringrang. Ningali kaayaan hawa kiwari nu teu bisa dikira-kira, sakapeung panas mentrang ereng-erengan* teu lila hujan angin dor dar gelap matak pikahariwangeun. Komo di wewengkon Bandung mah loba pisan tangkal nu umurna geus ratusan taun, remen kadange aya nu maot katinggang tangkal badag. Tong boroning keur hujan ngagebret kitu, teu hujan teu angin ge ujug2 runtag we ninggang jelema nu lalar liwat. Ari dina waktuna halodo, kurat karet kurang cai, teu sidikna make cai teh diemet-emet, ceuk nu bohong tea mah mandi ge sasiwur sewang. Tuda teu rek kurang cai kumaha? da taneuhna ge geus teuas, baroraah keur nyerep cai, pori-porina geus katutup aspal jeung beton, datang hujan kalahka banjir. Alhamdulillah ketang, kiwari loba jelema nu geus "insap" jeung sadar kana lingkungan. Dititenan teh Pemkot Bandung geus aya "uget" disisi jalan ayeunamah geus dipelakan tatangkalan lolobana Mahoni. Di Leuwi Panjang nu tadina loba warung liar, geus diincahekun diganti ku pepelakan nu rada kerep. Hanjakalna teh loba keneh jalema nu dipelakan di hareupeun imahna teu malire. Padahal dibere, jaba dipangmelakeun, diantep tara diceboran nungguan hujan ti langit meureun... Tungtungnamah daunna gararing*leuheung mun aya nu hirup, lolobana paeh*mubadir. Sakapeung kuring sok ngimpi, mun di unggal RT teh diayakeun kawajiban melak tangkal gede rek, bungbuahan rek kai* tong loba-loba hiji weh. Eta pepelakan teh mangrupa salah sahiji syarat keur nyieun KTP/KK, jadi daek teu daek warga kudu melak tatangkalan. Mun imahna heureut buruan, nya dipelakkeun di sisi jalan, tegalan kosong, leuweung atawa pasir gundul. Mun ieu ngimpi jadi nyaan & kaumuran, kacipta Indonesia teh bisa hejo ngemplo, sirah cai arayaan deui*cur cor dimana mendi* Kungsi maca dina koran, aya hiji SMP di Bandung (he love deui namina* pokonamah SMP Karesten) nu ngawajibkeun murid-muridna melak hiji tangkal, ti mimiti leutik nepi ka gede tur kudu bener-bener diinguna. Unggal tilu bulan sakali kaayaan pepelakan dilaporkeun ka guruna keur dipeunteun diasupkeun ka salah sahiji mata pelajaran di sakola. Mun kabeh sakola?... Global Warming-na ge ngarengkog deui* ro2 >>> [EMAIL PROTECTED] 11/24/07 12:30AM >>> Kiwari, rea pisan jalma anu ngaributkeun "Global Warming". Ieu Global Warming teh memang sanes masalah nu hampang. ti mimiti soal penipisan ozon, efek rumah kaca, perubahan iklim, proses pencairan es di kutub jeung rea rea deui , matak pihariwangeun wungkul. Saurna, bencana alam sapertos banjir sareng badai teh beuki rongkah lantaran ayana Global Warming. Sok keueung mun ngadangu berita nu ngawanti - wanti bencana naekna permukaan air laut lantaran global warming,,,meureun mun sadaya es di kutub mencair, dunya teh bakal kakeueum. Janten ras kana katerangan ti Alloh nu Maha Kawasa yen sagala karusakan di bumi ieu teh balukarna ti lampah manusa sorangan. memang, manusa ge teu cicing dina nyanghareupan ieu Global warming teh. Seueur program nu dirancang nyaeta membuat bahan bakar ramah lingkungan, penghijauan, dan sebageynya :). Tapi, berhasil henteu na mah duka teuing da geuning nu penghijauan-penghijauan, nu ngaluark eun emisi gas CO2 mah tetep mahabu.
