Haarrr*ari Mang Bona * tuda nyebat ka abdi Rongrong*pan dina majalah Bobo ge Rongrong mah cs na Bona*heheh. Nya tangtos tos nyobian mah atuh, matak nyebat raos oge* Sok ras emut waktos di lembur keneh, pun biang remen nyeupan kayaning hui boled, sampeu, jagong, cau, boros, srrd kanggo capekrahem. Sakapeung sok aya nu ngintun boh titatanggi atanapi padamel pun biang, malahmah sok ngahaja meser gatot. Tadinamah ningalna ge ni gila da hideung, jaba saurnamah matak weureu deuih*tapi tos diseupan dipurulukan uyah, raos kacida*liat, kenyil-kenyil, matak deudeuieun. Dina hiji boboran, bakating ku leneng nuang nu aya santenan wungkul (enek), pun biang nyeupan gatot. Nuju raos-raos emam gatot sakulawarga, eh aya tamu munjungan. Enjingna pun biang ngadangu wartos ngeunaan kulawarga abdi,"Karunya teu boga beas keur sangueun merureun*" hihihihi* Waas pasmi ngadangu sale. Pun eyang (alm) sok remen nyale, pami lebet ka bumi teh*sugan mah seungit we ku sale heheh. Teu sale bae, asem ge sok pirajeunan dipesekan, dipoe teras digulaan, dipajangkeun dina keler. Ari nuju hoyong nu haseum2 kantun ditinyuh kucipanas, digula kawungan, tiiskeun * mmmmm*janten sirop gula asem. Pami nuju M, kantun tambihan ku koneng, lumayan lancar heheh. Hish, Kang Ihin.. sabangsaning seuseupanan teh sanes kuliner kampungan. Buktosna di unggal pasamonan gegeden sok disayogikeun eta katuangan rendah/teu aya kolesterol-an. Katuangan sehat, matak panjang umur. ro2.
>>> [EMAIL PROTECTED] 02/19/08 08:15PM >>> teh rongrong, tos nyobian gatot? gatot, salian ti jadi kadaharan usum paceklik, saenyana aya fungsi sejen, nyaeta keur ngawetkeun sumber bahan kadaharan. di lembur sim,uing, pasisian garut kaler, pakasaban jalma teh salian ti nyawah, nya ngebon. tah salah sahiji ladang ngebon teh sampeu tea. upama geus usum panen sampeu tara kahakan kabeh. nya salah sahiji tarekahna diawetkeun: dijieun kiripik, opak, sale, jeung gatot tea. gatot jeung sale mah adi lanceuk, ngan beda pakulitan.sampeu dipesek kulitna, dicacag, terus diawurkeun dina kenteng imah atawa kandang, teu dipirosea, kahujanan, kapanasan, tah upama geus cukup umur bakal jadi gatot nu kulitna lestreng tea. ari sale mah dinangna-nengne moena dina giribig atawa tampir, mun hujan diampihan ka imah. ieu sale jeung gatot teh, engkena bisa diolah jadi rurupa kadaharan: awug, peuyeum, jsb. (mh)
