Tah ieu nikmatna ngadongeng sareng sepuh teh, seeur pisan pulunganeunana. alhamdulillah hatur nuhun bah. keun weh nya urang adugundemkeun deui bah, asa resep kacida ngobrol kieu teh, sanajan ceuk nu lian mah mereun kaasup debat delman tapi ceuk kuring mah mangfaat kacida.
Enya sapuk eta para mujahid teh "ceunah" didikan Afghanistan, oge asa nyambung deuih mun ngengklokan perkara 'turunan' yen Afghan (kayakinan nu diagem ku pemelukna) pepeta siga kitu runtuyanana ti Saudi. Atuh kitu deui kunaon sababna bet jadi rame kajadian kaayeunakeun, eta teu leupas tina sajarahna tea. Tah anu jadi implengan Simkuring, naha atuh anu dijadikeun sasaran teh angger bae hiji nagara eta tug nepika ayeuna? Padahal apan mun nyebutkeun kalimah "urang kulon" teh lega kacida lain hiji nagara wae, nu kasebut nagara maju apan lain manehna bae, ieu ciciren aya nanaona nyangkut eta nagara anu dijadikeun musuh nyata ku pihak-pihak "garis keras", boa teuing tepika iraha mah dendam ieu moal leungit. Geuningan bruh breh wawales anu ditujukeun ka pihak nagara eta, tapi ari nagara nu lian mah rada teu pati ka toel alias rada reugreug. Si kuring ngan ngarti tepika belah dinya, kunaon sababna si kuring remen mairan palebah jelegurna bomb salah tempat tea (kaasup di urang) patali jeung wawales kusabab "tinggaleun tehnologi", enya eta oge bisa wae nali nalikeun hubunganana, saperti misalna kusabab teu boga sanjata mutakhir, jadi weh ngabeledugkeun bom bari susulumputan, da lamun boga mah mereun perang dunya teh bakal ceuyah deui ayeuna (lamun diniatan kitu). Tapi apanan urang-urang arab sabenerna lain teu bisa juan jieun nu kararitu, sanajan mereun teu sarua, ngan teu kaop boga niat der ngadon digamahan tepika aya basa anu ngarahib-rahib kana pitenah. Kitu deui perkara tehnologi sejenna, ieu madungdengkeun urusan monopoli dagang mereunan sanajan bruh breh jalma nu manggihna mah nya ti kulon-kulon keneh, ngan nu ieu mah asa teu pati dipirosea da can ngadenge kaluar fatwa ngeunaan colokan listrik (kacuali telepisi anu masih keneh jadi catur tepika ayeuna, ieu oge loba musababna jeung pertimbanganana). Sakitu we heula ti abdi, Baktos, pun Karta From: [email protected] [mailto:[email protected]] On Behalf Of waluya2006 Sent: 06 Agustus 2009 10:15 To: [email protected] Subject: Re: [Urang Sunda] Fw: Si Buntung > "Simkuring" <alkarta_...@...> wrote: > > Aya kana kituna panginten bah, tapi keun weh da mereun etamah urusan 'dalam > negri', eta kajadian oge dialaman ku sababaraha nagri lianna sanajan beda > kasusna. Da ari Simkuring mah nyaritakeun teh patali antara bom anu pating > beledug saperti nu anyar-anyar ieu di urang, terus di Mumbai, jrrd.. eta > main cause na asa teu aya riak-riak kana urusan dendam pedah tinggaleun > tehnologi, enya eta ceuk simkuring sorangan anu ngan wungkul bisa > ngira-ngira. Upami kang Karta nonton wawancara TV1 sareng Brigjen (pol) Suryadarma oge sareng Jendral Hendropriyono, bakal katingali "benang beureum"na anntara bom nu sababaraha kali ngabeledug di urang, jeung Al Qaeda di Afghanistan/ Pakistan. Sedengkeun Al Qaeda pamimpinna Osama Bin Laden, urang Arab Saudi. Saha Osama? Salah saurang anak pangusaha beunghar nu deukeut jeung kulawarga karajaan Arab Saudi. Naha Osama jadi kitu, ngewa satengah paeh ka Amerika/ Barat, padahal Arab Saudi teh deukeut pisan jeung Amerika? Ieu cenah dimimitian kulantaran manehna ngarasa hanjelu ku cara Pamarentah Arab Saudi dina mareuman KARAMAN di Mekkah di taun 1979. Karaman di Mekkah di taun 1979 akibat kakuciwaan sabagian urang Arab ku asupna pangaruh budaya barat nu dibawa bareng jeung teknologina. Loba ulama Arab Saudi (wahhabi) nu teu resep kana hal ieu. Kakuciwaan ieu akhirna ngajelegur jadi "pendudukan" Masjidil Haram di Mekkah. Kulantaran aya dalilna teu meunang aya "pertumpahan darah" di jero Masjid, pamarentah Arab Saudi teu wani kitu wae mareuman kalakuan para perusuh, nya menta fatwa ka kaum ulama Arab Saudi. Aya negoisasi nu hasilna dikaluarkeun fatwa meunang ngayakeun peperangan di Masjidil Haram tapi kompensasina pamarentah Arab Saudi nyadiakeun dana keur numuwuhkeun aliran/ faham Salafi Wahabbi ka sakuliah Dunya. Karaman Mekkah taun 1979 ditumpes, tapi kakuciwaan mah tetep teu leungit ... Kabeneran Afghanistan diserbu jeung diduduki ku Uni Soviet. Arab Saudi saperti nagara2 Islam sejenna ngambek, kitu deui Amerika. Keur ngabebaskeun Afghan ti Uni Soviet, Arab Saudi ngagolontorkeun duit bari sakalian nyebarkeun faham Wahhabina di Afghanistan. Salian ti eta ngirim para pemuda Arab idealis keur bajuang. Salah saurang pamuda ieu teh Osama Bin Laden nu sabenerna mah manehna mamawa kahanjelu kana kaayaaan nagara manehna sorangan. Para pamuda idealis nu rek bajuang ngusir soviet di Afghan, oge aya nu ti Indonesia jeung ti Malaysia. Gabung timana-mana jadi para Mujahidin, tapi sigana nu dominan urang Arab Saudi da puguh mekel DANA anu gede, beda jeung para mujahidin ti Indonesia nu ukur ku kawani wungkul. Saterusna? Ah panjang keneh dongengna, tapi "benang beureum"na natrat nu ngahubungkeun kaayaan di ARab Saudi terus ka Afghanistan, para mujahid ti Indonesia & Malaysia............ hasilna, bom-bom weh ngabeledug di Indonesia. Tapi ieu ceuk cenah ... Baktosna, WALUYA __________ Information from ESET Smart Security, version of virus signature database 4312 (20090806) __________ The message was checked by ESET Smart Security. http://www.eset.com
