Ceuk kuring mah, naon anu nuju dihanca k Ua Sasmita, hiji anu penting, aya pakait sareng masalah budaya, upami teu didokumentarisir, bakal leungit hilang tanpa karana. Mun tos didokumentasikeun, aya anu langkung penting nyaeta direinterpretasikeun deui. Masalah budaya hiji bangsa aya patalina jeung kaayaan harita (konteks). Aya anu sifatna universal, Hartosna ti titinggal budaya ti jaman baheula nepi ka jaman ayeuna, nya siga kitu. Contona, budaya urang Kanekes miara lingkungan (leuweung) pikeun kalestarian alam, Ti baheula nepi ka ayeuna ngalestarikeun lingkungan alam teh penting. Tinggal perkara carana miara lingkungan alam, disesuaikan" jeung kaayaan ayeuna. Masalah budaya teh masalah anu dinamis, pasti aya robahna diselaraskeun jeung kaayaan kiwari/perkembangan jaman, jeung kumaha kalolobaanana kahayang masyarakatna. Hal ieu teh hiji pakem sangkan budaya tetep bisa "survive". Kuring oge ngarasa, "rumusan" budaya ieu sifatna masih "debatable". Bisa salah bisa bener. Teu naon-naon, tina perbedaan-perbedaan rumusan perkara budaya ieu, engke ngahasilkeun rumusan anu sifatna ngajurus ka universal (umum). baktos, mrachmatrawyani (AA UI)
From: opiq_benteng <[email protected]> Subject: Re: [Urang Sunda] Milarian nu aralit. To: [email protected] Cc: "MSasmita" <[email protected]> Date: Friday, October 16, 2009, 2:40 PM mun lewat tangkal gede atanapi kuburan kudu menta ijin sabari ngahareos "ser ser ser....numpang. ..numpang. .." Mun nunjuk hileud kudu dilamot eta curuk anu nunjukna Mun katinggang kudaun kudu di ciduhan ita daun anu nimpa sirah urangna naon deui nyah....rada pararoho... ----- Original Message ----- From: MSasmita To: urangsu...@yahoogro ups.com Cc: MSasmita Sent: Thursday, October 15, 2009 9:05 AM Subject: [Urang Sunda] Milarian nu aralit. Milarian nu aralit, enya niat mah kitu, sigana eta ge kaasup "budaya dasar". Upamana : 1. Ngangon meri. Aya elmuna atanapi henteu ngangon meri teh. Anak meri nu kakara megar naon ngaranna, mun geus rada gede naon ngranana, mun geus diajar ngendog jeung saterusna nepi ka meri nu geus kolot, umur produktifna sabaraha jste.Tangtu nu sok ngangon meri di pilemburan mah apal. Aya henteuna "kearifan lokal" didinya, boa aya. Cek beja jadi tukang ngangon meri mah kudu jalma jujur, sabab lamun teu jujur merina sok ngendog dimana clona, bener kitu ieu teh..? 2. Miara lauk sapuratina, upamana sok manggih lauk emas nu bau taneuh, naha kitu, kumaha ngaleungitkeunana (cara tradisional) . Mun teu salah aya prasasti di Tatar Sunda nu ngalarang ngala lauk ti walungan. Naha? 3. Pacilingan. Cek beja baheula mah masarakat teh lamun rek kabeuratan cukup ka reuma atawa ka susukan ka walungan komo kahampangan mah cukup ku dina conggang. Ti iraha aya pacilingan di urang? kumaha sajarahna?. Naha ieu teh aya keneh pangaruh baheula nepi ka WC Umum di ruang publik sanajan di kota gede di Tatar Sunda sok jorok bae. Padahal rek ngurus WC sangkan beresih mah teu kudu jadi nagara maju heula. Geura sok tingali WC di terminal beus, di stasion kareta di Bandung asa jorok. 4. Ngasah peso atawa bedog. Kaur budak kungsi dibejaan ku kolot, batu asahan teh ulah kalengkahan, nepi ka ayeuna can kapaluruh naon maksudna. Peso atawa bedog teu meunang dipake ngali taneuh, sok tereh mintul cenah, ari ieu mah kaharti. Boa-boa didinya aya kearifan lokal. Pakarang, ngasah, tatanen jste. Boa boa aya kearifan lokal. 5. Nyadap. Kecap nyadap aya dina sababaraha naskah kuna Sunda, nyadap boa boa ulah ngan sakadar ditingali ngala lahang wungkul (pangupa jiwa). Meureun didinya aya elmuna, aya jangjawokanana (sistem religi masarakat), jste. 6. Ngaseuk. Paranti ngaseuk biasana tina dahan kai sagede leungeun panjangna satangtung. Naha ieu teh aya pakaitna jeung lingga yoni? jste. 7. Nutu. Paranti nutu aya lisung jeung halu. 8. Sarung. Ti iraha bangsa Sunda sok make kana sarung? pangaruh timana, asli lokal?, jste. 9. Jste (jeung sajabana ti eta). Ka baraya sadayana, diantos artikelna ngaguar nu kararitu, diberendelkeun soteh eta mah mung sakainget teu aya maksad mapatahan ngojay ka meri. Panuhun teh artikelna tina tinjauan arkeologi sareng tafsirna, teu mung sakadar tina tinjauan ekonomi. Tapi ketah mangga we eta mah teu langkung nu gaduh maksad. Manawi we kabiruyungan urang muat dina Cupumanik. Hatur nuhun, diantos artikelna. MSas
