Afghan Kuring resep ka hiji biduan jang Afghan. Keur mah kasep budak teh* ni lucu, irung bangir, pipi kempot, dikaca panon *. Sorana nu halimpu matak dedengeeun, komo mun dina bulan puasa sok ngahaleuangkeun niat puasa di wewengkon Kampung Daun, matak nyerep kana hate. Tapi, kuring mah lain rek ngomongkeun eta budak ngora, bae sina ngahaleuang*
Karek beres maca buku "The Kite Runner" ditulis ku Khaled Hosseini, urang Afghanistan nu pacabakanana jadi dokter, dumuk di San Jose Amerika. Ieu buku ngagambarkeun dongeng hiji kakuatan tina sosobatan, duduluran, silih asah, silih asih, silih asuh, silih pikanyaah, khianat plus kasangsaraan dua budak leutik Amir & Hasan. Nyokot setting di wewengkon Afghanistan & Amerika, digambarkeun ku Khaled kacida pisan alusna. Maca bari galo rarasaan teh, malah mah bari ngingsreuk ceurik sagala, miliuan sedih. Moal didongengkeun ah* sing teu rame*heheh. Pantes ieu novel jadi bestseller & meunang pangajen ti UNHCR. Dina buku eta aya lakon antagonis nu ngarana "Assef". Jadi inget ka bangsa urang, enya urang Sunda tea* rea pisan ngaran Assef = Asep. Kungsi ngadongeng hiji babaturan kuring, hiji poe manehna indit ka bank rek neundeun duit. Salila manehna nungguan nomerna dicalukan, manehna nitenan* "Bapak Asep!..." ceuk teller. Beres ti dinya* manggil deui jelema. "Bapak Asep!..." tellerna biasa keneh.. lila-lila* "Bapak Asep!..." tellerna gogodeg, harita nu setor nepi ka lima kali, beda jelema ngarana Asep* heheh. Salian eta manggih kecap Khosteep hartina tampan, tuh pan sarua pisan jeung basa Sunda? kasep = tampan. Jadi rada kerung, boa-boa Sunda jeung Afghanistan aya hubunganana? atawa ngan saukur kabeneran. Cik baraya, manawi aya nu terang... diantos pedaranana, ro2
