kadang-kadang, "pembaharuan" teh sok dipitembeyan ti lingkungan paguron, sabab ayana "perbenturan" pamikiran anu engkena ngahasilkeun hiji sintesa tina sababaraha tesa. Sacara sistematis jeung sistemik sagala kamungkinan ide "pembaharuan" digodog, dibeuweung diutahkeun, anu engkena ngajanggelek jadi hiji konsep anu "teruji".
Ku ayana kamajuan dina widang TI (tehnologi Informasi), sagala PR ti generasi bareto dikumpulkeun dihijikeun disimpen atawa dipublikasikeun, supaya dipikanyaho ku publik. Tapi nyaeta kedah aya anu hususon pikeun ngarangkum konsep/pamikiran generasi bareto. Contona siga Mang MJ anu ngumpulkeun sagala hal anu aya pakaitna kana perkara arsitektur atawa wangunan Sunda jaman bareto nepi ka jaman ayeuna. Hiji hal anu kedah diapresiasi ceuk kuring mah. Soalna teu sagawayah satiap urang bisa ancrub dina perkara ieu. Jiga senin kamari, aya ceramah ti hiji pangusaha wanoja lulusan Komunikasi Unpad (Nancy), anu ngadongengkeun kagiatan usahana ti taun 2007, anu ngahusukeun ngajual software motif batik (Batik Fractal) ka sakuliah dunya. Tadina mah iseng-iseng ngomputerkeun motif-motif batik anu aya di Indonesia sacara matematik. Ti dinya ngahasilkeun motif-motif batik anyar, anu heunteu sakadar pikeun nyitak dina "kain batik' tapi oge pikeun motif dina sapatu (cibaduyut), konsumen luar negeri mah malahan motif batik eta di citak dina mobil BMW salah sahiji konglomerat Eropa. Ieu mah contoh, kumaha konsep motif batik heubeul sabada dikonversikeun sacara TI, jadi hiji komoditas dina kahirupan modern ayeuna. Pola atawa cara siga kieu jadi conto ngamodernisir hiji konsep heubeul sangkan bisa ngigelan jaman jeung pajamanan. mrachmatrawyani ________________________________ From: mj <[email protected]> To: [email protected] Sent: Thu, June 17, 2010 1:12:48 AM Subject: RE: [Urang Sunda] Foto-Foto Sunda "Jadul"...kudu aya sintesa pamikiran/ide. Masalahna kang, generasi ganti, teu tiap generasi eta apal baheula teh kumaha. Jadi masalahna siga nu eta-eta keneh. Ongkoh generasi bareto ninggalkeun peer nu teu anggeus-anggeus. Jadi we keukeuh pajuliwet. Cek cenah, baheula pisan mah, karuhun baroga sistim sensor atawa naon ngarana. Nu jelas, candi di urang beda jeung candi di nagara asal agama budha hindu, jst. Hartina, karuhun baheula boga cara nerjemahkeun naon nu asup ka urang ku cara sebut we, cara lokal. Teu ditiru meleg-meleg, tapi diadumaniskeun jeung kondisi, duka kondisi kumaha da candi borobudur, candi budha, beda pisan jeung candi budah di india atawa thailand. Model kieu mun bisa mah nu kudu dikembangkeun. Soal andika andika kitu, nya memang, da baheula teu aya nu bisa dipikareueus. Heuheu. Ari sacara umum mah sajarah dipake pikeun ngeunteung, ulah nepi ka hal goreng kaalaman deui. Tapi da manusa mah nya kitu. ________________________________
