Ba, pozten naiz. Montoiagatik, liburuagatik, eta gustatu zaizulako.
Nik ere bat egiten dut zure iritziarekin. 25 urte daramatza Montoiak euskal literatura aberasten, aurrena poesian eta gero fikzioan, eta bere liburuak beti onak iruditu bazaizkit ere, aurrerago eta hobeto ari dela esango nuke. Zerrendako irakurzaleei, beraz, "Euskal Hiria sutan" liburura hurbiltzeko gonbita. Abisu bat: lehenengo ipuina bihurri samarra da, eta baliteke baten bat galtzea. Baina ez arduratu: hortik aurrerakoa samurragoa da-eta. Nahiz eta "samurra" hitza Montoiaren testuekin oso ondo josi ez. X. El 07/11/2007, a las 14:12, [EMAIL PROTECTED] escribió:
Xabier Montoia idazleak aurtengo Euskadi Saria irabazi du "Euskal Hiria sutan" ipuin liburuarekin (Elkar, 2006). Uste dut albiste pozgarria dela, liburua benetan bikaina delako eta bigarren aukera bat merezi zuelako: Xabier Montoia gure ipuingile onenetarikoa da (eta, horretaz gain, arraroagoa dena, baita nobelagile aparta ere), eta oso ondo jostutako lana da "Euskal Hiria sutan". Nire zorionik beroenak bidali nahi dizkiot hemendik liburuaren argitaratzaile eta zerrenda honetako kide den Xabier Mendigureni. Ondo izan Iban Zaldua. _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
_______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
