Oier,
urrutiegi akaso joango nintzen, lorontzia gainezka jarriko nuen akaso, baina
parrastada barrura joan dela esango nuke.
Lehenengoaz arrazoi ematen nizula esango nuke: argazki sorta erreportaje
grafiko bat da eta hori soilik horrela publikatu balitz ez legoke arazorik.
Arazoa dago horko argazki batekin, bakarrarekin, albistea egin duzula (edo egin
duela Sustatuk, baina zure izena irakurri dut nik bidaltzailetzat). Horri buruz
jardun dut nik eta horregatik bereizi ditut erreportaje grafikoa eta albistea.
Lorontzi barruan, ene iritzian.
Argazkia ez dela iraingarria? Ados, "inozentea" da, baina akaso berak
iraingarria ez dena ere ateratzerik ez du nahi. Horretaz ari naiz ni.
Erabilera makurra eman ez eta ez duzula sentsazio hori? Sinesten dizut, gainera
zuk lehenik bitxikeria moduan zerrendara igorri eta albistea geroko beste kontu
bat izan da. Baina lehengoan nago ni: sentsazio eta asmo txarrik gabe ere,
argazkia albiste bihurtu da.
Eta azkenik, hitzen "interpretazio makurra" zuk ere egiten duzu. Arrangura izan
dezaket, baina ez behintzat blogarien exhibizionismoa kritikatzen dutenen aire
horrekin, hola orokorrean; izatekotan bere bizitza "publikatzen" dutenena...
baina, ezta hori ere. Niri oso ondo iruditzen zait, berriro diot, nork bere
bizitzarekin nahi duena egitea. Are: oso osasungarria. Baina horixe detalle
inportantea: "bere" bizitzarekin (eta hau filosofia alorrean hartu, ez dut esan
nahi argazki hori argitaratzean inoren bizitzan sartu zarenik).
Ez diot daukana baino garrantzi handiagoa eman, ez nuke nahiko behintzat, kontu
intranszendente honi, baina asmatu duzu ene erantzunaren bulkada epaitzean,
halako auziek hunkitzen naute.
Nik uste ekibokatu egin zarela (edo dela Sustatu), argazki hori albiste
bihurtuta. Besterik gabe, jakinda ez doala urrutiago. Erantzun-hari honetan
urrutiegi joan banaiz eta nolabait "mindu" bazaitu, bada ez hori zen nire
asmoa, ekibokazio hori nabarmenaraztea baizik.
Aio
Mikel
----- Original Message -----
From: Oier Araolaza
To: Eibartarrak zerrenda
Sent: Wednesday, March 11, 2009 3:16 PM
Subject: Re: [eibar] Irudi eta intimitate eskubideak (lehen:
BernardoAtxagapirata bat da)
Ez zaitez pasa Mikel!!! Lorontzitik kanpo pixa egin duzu parrastada bat...
(Gotzon Garatek jaso zuen esaera hori?)
Iruditzen zait nahiko urruti jo duzula. Nahi duzun informazio zatia hartu
duzu eta gogor jo duzu, baina baldar xamar. Leporatzen dizkidazunak tokiz kanpo
daude.
Parrafo hau adibidez, erabat okerra da:
> Eta ez behintzat albistea Inauteriei buruzko erreportaje grafikotzat saldu.
Hala balitz,
> dozena bat argazki Zalduondoko inauteriei buruz, ba bale. Atxaga zegoen
tartean
> beste batzuk bezala. No problem. Baina zuk ez duzu hori egin, zuk albistea
egin
> duzu Atxaga mozorrotuaz, ez Zalduondoko inauteriez.
Nik hauxe da egin dudana Zalduondoko argazkiekin:
http://www.dantzan.com/albisteak/inauteri-igandea-zalduondon
http://www.dantzan.com/argazkiak/tokian-tokikoak/zalduondo-inauteriak-2009
Ikusten duzunez, inauteriaren erreportaje fotografiko bat da, besterik ez,
eta hor tartean ageri da Atxaga argazki batean, baina inolako aipamenik gabe,
beste mozorrro guztiak bezala. Beraz, nik albistea ez dut egin Atxaga
mozorrotuaz, Zalduondoko inauteriez egin dut, eta bai, inauteriei buruzko
erreportaje grafiko bat izan da.
Asteburuan Atxaga komunikabide guztietan ikusita akordatu nintzen Zalduondoko
inauteriko argazkiaz eta eibartarrak zerrendara bidali nuen, eta jatorrizko
mezua ikusten baduzu bi lotura bidali nituela konturatuko zara, bata Atxagaren
argazkiarena eta bestea inauterietako argazki multzo osoarena. Eta Serafini
inauterietakoak gustatu zitzaizkiola iruditu zitzaidan, "oso politak
erretratuak" erantzun baitzuen. Atxagarena, bitxikeria bat baino ez zen, gure
idazle famatu bat bere herriko inauterietan mozorrotuta. Komunikabide guztietan
bere erretratua dagoen egunean, beste modu bateko erretratu bat, ekitaldi
publikoa batean egindakoa, eta inondik inora iraingarria. Mezu hori da Sustatun
argitaratu dena, albiste itxura emanda, baina nik ez dut bidali eta ez dut
albiste bihurtu. Konsulta egin zidaten eta ez nion kontrako arrazoirik ikusi.
Hemen nire hitzak zure gogora manipulatu dituzu:
> Kontua da Atxaga festa egitera atera dela --aurpegia ez duela estali propio
festen propaganda egiteko?
> Argazkiak egin eta publika daitezen desiratzen duela esatea bakarrik falta
zitzaizun. Argudioa tristea iruditzen zait--,
Aurpegia estali ez duen bakarrenetakoa zela esan dut. Zalduondoko inauterian
parte hartzen duten mozorroetan normalena aurpegia estaltzea da. Mozorrotuta
baina bere herrikideek ez bezala aurpegia ez estaltzerakoan bere parte hartzea
publikoa egin zuen Atxagak. Nik ez dut esan "festen propaganda egiteko" egin
zuenik, baizik akaso bere herriko inauteriarei babesa eman nahi ziela, alegia,
inauterietan eta herriko bizitzan parte hartzen duela normaltasunez.
> Argazkietan atera nahiko balu, aterako litzateke bera, aldamenekoen
beharrik gabe.
Argitaratutako argazkia jende artean eginda dagoenez eta ez dagoenez lehen
planoan "lapurtu" itxura izan dezake, eta akaso hortik atera duzu ondorio hori.
Eskua okotsean jarrita duen keinu bereizgarri horrengatik aukeratu nuen. Baina
beste argazki pare bat ere egin nizkion. Lazarraga-ren etxe aurrera iritsi
ginenean, jende multzo eder bat zegoen zain. Etxe atarian borobil bat zegoen,
hutsune bat, eta erdi-erdian Atxaga, bakar-bakarrik eta lasai-asko, kamera
guztien erdian. Ez nion eskatu argazkia egiteko baimenik. Hori horrela da. Bere
aurrean jarri nintzen eta argazkia egiteko prestatu nintzen. Bera konturatu zen
argazkia egiten ari nintzaiola. Ez zuen inolako keinu txarrik egin eta ez nion
deseroso sentiarazi nuen itxurarik antzeman. Zegoen posturari eutsi zion eta
lasai atera nion argazkia. Nik ez dakit "Hola"-ko "posado" estilokotzat
kontsideratuko daitekeen, baina lapurtua denik ere ez zait iruditzen. Ez dago
argitaratuta baina hemen ikusi dezakezu:
http://www.dantzan.com/albisteak/2009-02-22_Zalduondo-inauteriak_OA%20015-ret.jpg/image_view_fullscreen
Zure mezuaren tonua irakurrita pentsa liteke ezkutuan ohostutako argazki
iraingarri bat pertsonaiaren irudi publikoaren kontra erabiliz argitaratu
dugula. Uste dut gauzak hori baino arruntagoak direla. Nik ez daukat
sentsaziorik inoren gogoz kontra hartutako argazkia izan denik, ez eta
erabilera makurra eman diogunik ere.
> Batzuek zuen bizitza pribatua publikoan erakutsi nahi bauduzue, horren
aldekoak bazarete, ondo dago.
> Baina ez hedatu irizpidea besteegana. Erakutsi zuen argazkiak eta, gure
herrian esaten den bezala,
> pakean dagoenari pakean utzi.
Arrangura antzematen da hitz horietan. Blogariak "exibizionista" batzuk
direla kritikatzen dutenen airea du komentario horrek. Ez dut uste inoren
bizitza pribaturik publikoan erakutsi dudanik. Urrunegi joan zarela uste dut.
Ondo segi,
oier.
2009/3/11 Mikel Elorza <[email protected]>
Kontua ez da, nere ustez, legerik hautsi duzun edo ez horiek publikatzean.
Zure aurka Atxagak egin dezakeen edo ez. Hori, nere ustetan, gutxienekoa da.
Ez dakit Atxaga, baina ni zurekin haserre nengoke nahiz eta zuk legea alde
eduki. Legetik kanpoko espazioez ari baikara; ni behintzat. Kontua da Atxaga
festa egitera atera dela --aurpegia ez duela estali propio festen propaganda
egiteko? Argazkiak egin eta publika daitezen desiratzen duela esatea bakarrik
falta zitzaizun. Argudioa tristea iruditzen zait--, eta bere argazkiarekin
albistea egitea bere intimitatearen aurkako erasoa dela. Nik oso garbi daukat.
Utziozue festa pakean egiten, izan pertsonaia publikoa edo ez. Mozorrotuta edo
mozorrotu gabe.
Ez dakizula berak zein asmo zuen onartzen duzu xalotasun osoz. Argazkietan
atera nahiko balu, aterako litzateke bera, aldamenekoen beharrik gabe.
Eta ez behintzat albistea Inauteriei buruzko erreportaje grafikotzat saldu.
Hala balitz, dozena bat argazki Zalduondoko inauteriei buruz, ba bale. Atxaga
zegoen tartean beste batzuk bezala. No problem. Baina zuk ez duzu hori egin,
zuk albistea egin duzu Atxaga mozorrotuaz, ez Zalduondoko inauteriez.
Eta neri okerra iruditzen zait.
Batzuek zuen bizitza pribatua publikoan erakutsi nahi bauduzue, horren
aldekoak bazarete, ondo dago. Baina ez hedatu irizpidea besteegana. Erakutsi
zuen argazkiak eta, gure herrian esaten den bezala, pakean dagoenari pakean
utzi.
Mikel Elorza
----- Original Message -----
From: Oier Araolaza
To: Eibartarrak zerrenda
Sent: Wednesday, March 11, 2009 10:07 AM
Subject: Re: [eibar] Irudi eta intimitate eskubideak (lehen: Bernardo
Atxagapirata bat da)
Bai, mamitsua da gaia. Aipatzen duzun AEBtako horren berri banuen.
AEBtako unibertsitate irakasle batek hemengo dantza batzuen bideo grabazioak
eskatu zizkidan beraien webgunean jartzeko. Bidali nizkion eta orduan irudietan
agertzen ziren guztien baimen sinatua eskatu zidan. Sekuentzia desberdinetan,
gutxi gora behera, 300 lagun inguru agertzen ziren dantzan. Asko penatu zen
erantzun nionean ez nuela baimenik. Baina azkenean argitaratu egin zituen...
AEBtako legedia zorrotza omen da horretan, baina gero betetzen da?
Adibidez, argazki honetan ageri diren guztiek sinatu dute baimena? Erabili
zoom-a eta hurbildu harmailetan eserita dagoen jendearengana. Zenbat milaka
aurpegi ezagutu daitezke Obamaren agintaldi hasierako ekitaldi horretan?
http://gigapan.org/viewGigapanFullscreen.php?auth=033ef14483ee899496648c2b4b06233c
Xabierrek esandakoen arabera, badirudi bai Espainiako eta Frantziako
legedien arabera ez dudala legerik hautsi Atxagari argazkia egin eta
publikatzerakoan. Inauterietan mozorrotuta kalera ateratzea ez bada behintzat
zeregin pribatua konsideratzen.
oier.
On Wed, Mar 11, 2009 at 8:57 AM, Xabier Mendiguren
<[email protected]> wrote:
Gaia apur bat zabalago hartuko dut, badu mamia-eta.
Zure argazki bat egin dezakete, kalean, eta gero non edo han zabaldu?
Espainiako legedian bai, beste toki batzuetan (AEBn esaterako), zure baimena
behar da horretarako.
Baimena behar izate horrek absurdora eraman gaitzake: ekitaldi jendetsu
bateko argazki batean ageri diren guztien onespena eduki ezean inon erabili
ezina, esaterako, baina oro har (legezko xehetasunak eta salbuespenak ez ditut
ezagutzen) sistema horren alde nago ni.
Hemen ez da gehiegi hitz egiten horretaz, bai aldiz (Espainiako
hedabideetan), ospetsuen irudiak ateratzeaz. Konstituzionalak finkatutako
doktrina da, pertsona publikoa leku publikoan dagoenean, zilegi dela haren
irudiak hartzea. (Famosoak hondartzan eta halako kontuak, badakizue).
Frantzian, berriz, leku publiko batean egon arren, zeregin pribatuan baldin
badago pertsona hori (lagunekin bainatzen, esaterako), ez da lizentzi irudiak
lapurtzea.
Ni, famosoa ez naizen arren, sistema frantsesaren aldeko.
X.
El 11/03/2009, a las 8:21, Oier Araolaza escribió:
Bai, seguramente arrazoia eukiko dozu Imanoltxu. Dana dala,
adibideak ez jataz igualak iruditu. Igerilekuak ez dakit, baina karnabal
domekan Zalduondo fotografoz beteta egoten da eta Atxaga bakarrenetakua zan
disfrazauta baina aurpegi bistan zauana. Seguramente herriko festetan ibiliko
zan beste baten modura, baina argazkilariek modu horretan erretratau leikiala
be kalkulauta eukiko zeban.
oier.
On Wed, Mar 11, 2009 at 12:07 AM, Imanol Trebiño
<[email protected]> wrote:
it
----- Original Message ----- From: "Gari Araolaza" <[email protected]>
To: "Eibartarrak zerrenda" <[email protected]>
Sent: Tuesday, March 10, 2009 12:11 PM
Subject: Re: [eibar] Bernardo Atxaga pirata ba da
Oier,
Ez dut ulertu Atxagaren argazki hau publikatzearena.
Askotan entzun dizut karnabalak transgresio momentua direla toki
askotan eta toki autentiko horietan ez zaiela gustatzen beraiei
argazkiak ateratzerik. Turista gehiegi joateak (ondorioz medio eta
argazki askotan azalduz) azkenean festa deskafeinatu egiten duela
eta
nahi dena egiteko askatasuna galtzea dakarrela, azkenean gidoi eta
koreografia bati jarraitzen dien jai batzuetan bihurtuz. Hau da,
gutxi
gora behera Donostiako karnabaletako desfile aspergarri amaiezin
horiek bezala.
Atxagak ez dakit zein mailatako transgresioa izango zuen bere
herriko
karnabaletan (allakuidaos), baina uste dut bazuela eskubidea bere
karnabalak modu anonimoan ospatzeko, eta ez dakit ez ote den
argazki
honekin eskubide hau urratu, jakinik gainera medioei zenbat
gustatzen
zaizkien (Sustatuk publikatu du jadanik).
Seguru nago gauza hauek oso garbi dituzula, eta interesatzen zait
entzutea. Barkatu anaiaren atakea, baina seguru baduzula gaia
aurretik
ondo pentsatuta
eta arrazoituta. ;-)
Gari
_______________________________________________
Harpidetza eteteko, bidali mezua hona:
[email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
_______________________________________________
Harpidetza eteteko, bidali mezua hona:
[email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
<ATT00067.txt>
_______________________________________________
Harpidetza eteteko, bidali mezua hona:
[email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
--------------------------------------------------------------------------
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
------------------------------------------------------------------------------
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko._______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
