Zergatik diñozu euskalkiak hil dirala? Nabaria da ez dogula berba eitten gure gurasuek edo aittitta-amamek zeken aberastasunakin, egoera diglosikuak hor eragin nabarmena euki dabelako eta, bestalde, euskera batuan alfabetatuak izateak (zorte hori eduki dogunok, behintzat) buruan kakanaste maila bat sortu dezkulako eta idazterako orduan, ez garalako gai eibarko euskera ondo erabiltzeko, batua baizik...
Agian zuzenaua da esatia euskalkiak kondenauta dagozela eta euskerak uniformizaziño bidea hartu dabela. Edozein kasutan, ez dot uste zerrenda honetako kide euskaldunzarrok eta hernaniar batek berdin eitten dogunik berba. Nik hamasei urte daroiat ixa egunero Donostiara juaten (lehen) eta Pasaiara (oin) eta oso argi dakat bertan bizkaittarrak topatzia neretzat relajantia dala oso, ondiok be askoz naturalao eitten dotelako berba etxian ikasittako eran. Eta pare bat txikito hartu ostian, ixa ezinezko euskera akademikua erabiltzia. Hiriburu ingurukoen euskera oso pobria iruditzen jata: ez dake euskalkirik azken finean euskera batua euren euskalkixan oinarrituta ein zalako. Eurak galtzen dabe aukeria bi modutara aritu ahal izatekua. Esan nahi nebana, baina, zera da: euskalkiak hilda dagozela badiñogu, teorizatzen gaozela, beste modu batian, batuan berba egin behar dogula, gaurtik hasita. Katastrofistegixa iruditzen jata. Iker Rokandio. _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
