Como xa foi anunciado nesta rolda hai tempo, Mancomún, a través do seu 
coordinador Suso Baleato, asumiu a coordinación oficial das traducións 
dos produtos Mozilla.

Para facilitar a xestión da tradución e para unificar os procedementos 
cos das outras traducións coordinadas tamén por Mancomún, decidiuse 
crear unha rolda de correo propia /*mozilla at mancomun.org*/

O obxectivo desta rolda é servir como ferramenta de coordinación da 
tradución de todos os produtos mozilla polo que a ela envíamos toda a 
información relacionada con dito proceso, p. ex. datas de períodos de 
tradución, erros de tradución... Esta rolda é pública e precisa 
subscrición para poder participar activamente nela.

Xa que esta foi a rolda na que orixinalmente se levaban estas cuestións, 
consideramos conveniente facilitarvos ao máximo que continuedes 
participando na tradución de Mozilla como fixestes no pasado, polo que 
pensamos en facer o seguinte se ninguén lle ve inconveniente:

Subscribir  galician at mozdev.org a mozilla at mancomun.org de maneira que 
todos os correos que se reciban en mozilla at mancomun.org chegarían tamén 
a esta rolda e vos evitaría o traballo de tervos que subscribir 
individualmente á nova rolda.
Se ninguén ten obxección procederemos a realizar isto o vindeiro luns.

Saúdos.
-- 
Frco. Javier Rial Rodríguez                                                    
   
Técnico
Centro de Referencia e Servizos de Software Libre  www.mancomun.org
Praza de Europa,nº 10A,6ºB,15707  Santiago de Compostela (Galiza/ES)
Tel/ Fax: (0034) 981 957 867/ 881 999 113        <fjrial at mancomun.org>

Responderlle a