Formulation ínclar - noi besona un nov desinentie! To sembla esser un
maladie in li auxilingues. Quam yo vide it "Li cat captet durante li
estive" significa secun me un cat quel on ha captet durante li estive.
Talmen: Vi li cat captet durante li estive, e ta es li cat captet
durante li hiverne.
Por me to postula du questiones:
1. Pro quo ha li usatores obliviat fe?
2. Ca on ne deve usar le medies de expression queles have li
lingue? Mem li cat ha captet durante li estive sembla estranie, tant que
on ne posse saver quó (ha) captet li cat. It have lit li aspectu de un
mal rubrica in un jurnas: CAPTET DURANTE LI ESTIVE e poy on lee un
articul pri un cat quel durante li tot estive captet, quasi maniacalmen,
muses in li ambiente.
Den 2020-08-16 kl. 19:04, skrev Marcos Cruz:
In 2020-08-16 17:40, Kjell Rehnström scrit:
Por me es totalmen clar scrir:
Li cat captat un mus heri.
Li cat ha captat mult muses durante li estive.
Yes, it is tot clar. On sempre posse far li frases clar per li órdine
del frasunes, li punctuation, li sinonimes, etc.
Ma li ambiguitá de «-t» posse esser genant quelcvez, specialmen quande
manca information o contextu (in un titul, in un verse...).
Por exemple, ti frase sol ne es clar:
Li cat captet durante li estive.
Esque it es un «cat quem on captet» o un «cat quel captet alquó»?
Vide con contextus:
--Quel cat is ti?
--Li cat captet durante li estive.
--Quo fat li cat hoannu?
--Li cat captet durante li estive.
Certmen angleses ne trova li ambiguitá de «-t» ínconfortabil. In fact
tal ambiguitás hay in omni nor lingues, e noi vive bon con les, ma it es
me un poc chocant in un lingue auxiliari.
Con «fe» e «-t» apart, nequand vell hayer dúbite mem sin contextu:
--Li cat captet (=participie) durante li estive.
--Li cat fe capter (=pasate) durante li estive.
-=-=-=-=-=-=-=-=-=-=-=-
Groups.io Links: You receive all messages sent to this group.
View/Reply Online (#235): https://groups.io/g/interlingue/message/235
Mute This Topic: https://groups.io/mt/76125002/21656
Group Owner: [email protected]
Unsubscribe: https://groups.io/g/interlingue/leave/5161842/2010256328/xyzzy
[[email protected]]
-=-=-=-=-=-=-=-=-=-=-=-
