In 2021-12-18 05:32, cellus38 via groups.io scrit: > On vell anc posser far quam li esperantistes e traducter lu tot a ”e > tal(men) plu” in analogie con li esperantic ”kaj tiel plu”, german > ”Und so wetier” o mem scandinavi "o så vidare”.
Bon idé, bon alternative. Yo vide un litt diferentie nuancial con "etc": "e talmen plu" monstra que li liste continua sammen quam til nu, con li sam relation ínter chascun elemente e su antecessor, o ínter li partes de chascun elemente, durante que "etc" solmen monstra que manca plu elementes. In Cosmoglotta hay solmen tri "e talmen plu" e null "e tal plu": Numeró A 58 (1929-04): P. ex. in li architectura: un gotic eclesie ni Grecos ni Romanos vell har posset constructer per su tecnica; li arcabuse e ancor plu li fusil esset plu perfect quam li arc. Li ferrin curasse del paladinos medieval esset tecnicalmen plu alt quam ti del hoplites e Roman legionarios. Li caravelles esset superior al Roman galeres, e talmen plu. Numeró B 5 (1936-01): Ti sistema creat por li ordination de colectiones (specialmen por bibliotecas) sta basat sur li categories e subcategories del notiones marcat per ciffres de 0 til 9 e 00 til 99 e talmen plu. Numeró A 49 (1949-10): Li colegos de Dr Ashby ocupa se nu revertente li magnetes, nu juntente du ex ili, e talmen plu. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#464): https://groups.io/g/interlingue/message/464 Mute This Topic: https://groups.io/mt/87787670/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
