Kang Tebe oge para wargi ieu masalahna nu coba dipesek, intina hayang neang dimana posisi urang baduy. Masalah rek cicing teu obah (lestari/stuck) atanapi obah (change/posiition shifting) eta nu gumantung ka strategi urang baduy. Jadi masalah atikan/pendidikan formal eta gumantung pisan kumaha pimpinan urang baduy, nya pastina pakait jeung strategi nu diagem/dicekel.
Kaayaan ideal nyaeta lamun apal strategi urang baduy, tapi hal eta pan pastina "pakarang rusiah". Sim kuring yakin urang baduy geus boga gambaran kumaha-kumahana pendidikan formal, jeung kuring yakin eta salah sahiji unsur tina taktik/strategi urang baduy. Komunikasi sistematis nu intesif lalaunan tiasa ngagambarkeun kumaha kahareupna masyarakat sunda baduy ceuk pimpinan sunda baduy. salam Catetan: Masalah atikan/pendidikan geuning ayeuna geser kulantaran teu dianggap cop/sreg/cocok ku sistem pendidikan nu aya, nya aya parobahan ku tuwuhna "homeschooling". salam JP Makarya Mawa Raharja ________________________________ Dari: Tubagus Rifki L <[email protected]> Kepada: [email protected] Terkirim: Sab, 11 Desember, 2010 07:56:44 Judul: [kisunda] Paradox Baduy -- Antawis Lestari jeung Robah dina hal pendidikan budak Ongkarana Sangtabean, Pukulun Sembah Rahayu, (tah rada di luhur ayeuna kecap bubukana) Baduy deui. Hampura lamun kula ukur nyarita Baduy atawa Banten di na ieu waktos. Jiga oray manggih pameupeuh kula panggih parakanca nu bisa diandelkeun panalungtikanana ngeunaan masalah nu kiwari keur pacemut di na kaengeuhan (kasadaran?? teu diteken ka handap, bisi gelo atawa split pribados) kula. Ku kula dijudulan Paradox Baduy dumasar, kahijina, ka kanyataan 'ambigu' (naon tah kecap sundana) pamikiran sorangan, dumasar ka pamadegan yen barudak di Baduy teh boga hak geusan anclub meunangkeun elmu pangaweruh sakumaha nu ku di alaman ku kula jeung parakanca nu aya dina milis ieu, nyaeta sakola formal sampe ka paguronluhur S1, S2,S3,S4,S5 jeung sajabana. Kaduana, dumasar ka pangagem nyalira yen kaunikan budaya urang kudu Lestari (tah kaasup di na kula ngilu ka milis ieu, pan kula bisa ngilu uyun ngalestari babasan Sunda, kitu len?) Salah sahiji budaya Baduy nu tetela dibuktoskeun ku pamingpin jeung dilaksanakeun ku rahayatna nyaeta budaya teu sakola pedah teu meunang ngarempag buyut. Nu lojor tong dipopondok, nu pondok tong dilolojor tea. Tah, kitu dulur-dulur. Lantaran kitu, kula nyuhun asupan ka para dulur ngeunaan pertarosan ieu, * Dadasar moral etika nu kumaha nu ngabebener sikep satuju Lestarina kahirupan masyarakat Baduy sakumaha ayana, kaasup dina masalah teu ayana pendidikan formal barudak baduy, atawa * Dadasar moral etika nu kumaha nu ngabebener sikep satuju Robahna kahirupan masyarakat Baduy sakumaha dulur-dulur liana, kaasup dina masalah pendidikan formal barudak baduyCatetan, kecap Lestarina jeung Robahna. Ngahaja kula teu make kecap Ngarobah atawa Ngalestarikeun. Kunaon? Sabab kula bisi ditanya ku Pu'un. Ari makna Robahna mah pan hartina robah sorangan, pek Baduy robah sorangan. Tah, ambeh Pu'un teu melengek ka kula. Katuran, Kathah karya kabecikan, gawe baluwarti bata kalawan kawis, terelek
