Assalamu'alaikum WW
Mamanda Rangkayo Mulie...
Lai ambo pahamo prolog dari Mamanda...., tetapi nan ambo bahas adolah hanya solusi dan mamanda tawarkan......okay...
Ambo agiah pulo prolog dulu....
Bagi ambo nan namonyo ilimu itu bebas nilai , dalam arati indak ado kapitalis dan atau komunis bagai di dalam itu do...., sahinggo kok ka mancari ilimu itu ndak paralu awak liek dari ma datang-nyo doh....
itu ilimu ..... kok raso...yo lain pulo tampuaknyo... kok raso iyo ado raso kebangsaan, raso kesukuan, raso agamo dan kebudayaan dll didalamnyo.... kok iko iyo ado hubungan jo tapangaruah dan indak tapangaruah....
Nah maliek kato-kato kalau lulusan lua nagari itu lah kanai cuci otak dan cenderung kapitalis.....dari segi keilmuan ambo raso alah out of topik ....., dan jadi tendensius.....
Nah maliek solusi nan mamak tawarkan :
1. Tidak usah mengirim mahsiswa keluar nagari, labih rancak mengontrak dosen
lua nagari, 1 org dosen akan dapek maaja puluhan mahasiswa awak di nagari
awak ko jo paralatan dan kondisi nan awak punyoi, Dan mahasiswa awak ko
dapat diantisipasi dari panyakit nan indak katuju diawak di lua nagari tu,
dan tidak akan ongas !. serta biaya yang dikeluarkan negara irit. serta
dapat mencegah larinya mahasiswa unggulan minggat keluar nagari karano inyo
indak tau dimaa lua nagari tu, tapi sabaliknyo kalau inyo disekolah kan
kaluar nagari apolai jo biaya negara ybs, wallahu a'lam, kok lai namuah inyo
pulang !. Kok iyo lai namuah inyo pulang, lai ka bisa bakarajo jo kondisi
nagara awakko ?, baik disegi gaji dan fasilitas serta peralatan nan ado ?.
Iko katakuiktan nan balabiahan (paranoid) ... awak bisa maliek nan di palanta ko sajo...bara banyak member rantaunet iko nan kuliah di lua nagari dan babaliak ka kampuang dan mengabdi untuak kampuang tanpa terpengaruh dek kapitalis dll... dan tidak ongas raya...., misalnyo sajo Ibu Des di UNP Padang, Uni Rita di UBH Padang, Mak GIndo di UNRI dll.....kalau St Sinaro di M'sia
... baa manuruik Ayang St Sinaro ??......
Untuak mangontrak dosen dari lua nagari ...rancak juo...suai ambo tu...surang dosen bisa maajai puluhan mahasiswa jo paralatan dan sumber daya nan awak punyo...., tetapi sia nan manjamin si dosen tsb indak mamasuakkan ide kapitalis pulo ??? Soal biaya labiah irit.. terlalu relatif...apo dosen tsb bisa dibayia satinggi gaji dosen negeri ??
Untuak mencegah mahasiswa unggulan minggat ?....huahahaha....be realistic lah Mamanda.....fenomena iko ndak ka lua nagari sajo doh....., kalua daerah sajo lah liek...., liek lah di Mamak... baa kok banyak anak rang sumbar masuak ka PT di tanah jao...apolai jurusan nan samo ado di PT di SUMBAR....,misalnyo Pertanian , peterkanan, perikanan, kehutanan, Ekonomi, Hukum, Teknik Mesin, Teknik Elektro, dll ado sadonyo di Sumbar tu...pls liek kualitas nan ado....
Nan soal babaliak ka kampuang... ambo sajo lah contoh soalnyo.....Niaik untuak karajo di kampuang itu ado sasuai jo idealis ambo...tapi urang kampuang maliek hanyo jo sabalah mato dek para SARJANA penganggur itu banyak bana di kampuang.....nah ambo sandiri maraso labiah diharagoi di LN atau sakurangnyo perusahaan berbasis LN... jadi liek ka dalam dululah......
Ok babaliak ka hal no 1. biasonyo maliek urang nan labiah maju mambuek awak juo ingin labiah maju....intinyo itu sajo....
2. Kalau memang tapaso mangirim dosen keluar nagari, dosen ko harus
menterjemahkan buku pokok yang dipelajari di lua nagari tu, dan buat
kesimpulannyo apokoh teori tu cocok, atau perlu dipertimbangkan sesuai
dengan kondisi kito. Jadi mahasiswa kito dapek langsung ilmu nan dikanduang
buku tu, tanpa melalui proses menterjemahan nan mamakan waktu bagi mahasiswa
yang kurang mampu berbahasa inggris, sarupo nan ambo danga dari urang, bahwa
sistim ko dianut oleh Japang, mahasiswa Japang indak paralu pandai bahasa
Ingris doh.
Kok iko ambo indak sapandapek....ambo jawab dari bawah.. mungkin paralu Mamanda liek rang japang kini.... rato-rato lah bisa bahaso inggirih...., dan di tampek ambo basawah..... kok daulu si Advisor japang ko indak bisa babahaso inggirih cuma bisa mambantak-bantak dan manampa nampa.......dek karano japangnyo... kok kini indak bisa lai do..., syarat jadi advisor tu lah harus bisa bahas inggirih.....,
Soal buku....harus diterjemahkan...hhmm....di satu sisi rancak supayo ilimu nan dikanduang buku itu dapek lansuang dimangarati tanpa proses terjemahan.....tetapi.... di sisi nan lain ado esensi nan hilang kalau buku tsb di terjemahkan dulu......cubolah rasokan di Mamak kok indak...., misalnyo buku soal hadist...., kok lah diterjemahkan ..diterjemahkan iyo mamakai metoda terjemahan bebas tetap sajo paralu tafsirannyo....hal iko kan bisa mabuek versi versi...tafsiran versi si A...tafsiran versi si B...apo indak tambah mambuek kalimpasiangan....
Nan rancak manuruik ambo adolah cari ilimu dari tampuaknyo..., misalnyo kok soal gerakan coriolis urang soviet labiah unggul....baco buku dari soviet...., kok soal tanaman herbal rang cino labiah unggul...baco buku dari cino...., dll.... Dengan mangarati bahaso inggris dan bahaso-bahaso nan lain mambuek awak labiah PD kok.....
Kok ambo babaliak ka paradigma... kembali Mamanda maliek kecenderungan mahasiswa di Sumbar..nan selalu dimanjo jo Diktat.....itu nan salah sabananyo..... cubo suruah mambaco dari buku-nyo lansuang.... pasti hasia-nyo labiah positif........, iko juo bukan generalisasi.....tetapi nan ambo hadapi lansuang.... adiak ambo sandiri kuliah S2 di Padang Jurusan Bahasa Inggris.....tetap sajo ado diagiah diktat dek dosennnyo...... hal nan paliang mangherankan ambo... apo iyo anak S2 masih harus disuapin diktat ??....
Cubo disuruah lansuang mambaco buku babahas inggris...toh jurusannyo bahasa inggris...hhmmmm spektakuler tu hasia-nyo
3. Bagi sekolah/perguruan tinggi yang majaan keahlian rekayasa atau
teknologi, laboratorium dan peralatan nyo harus dilangkapi sasuai jo buku
nan dipakai dari luar nagari tu, jan bacarito sajo awak, nan paralu dicuboan
teori tu di labor. Lai kamungkin awak kamaajaan mahasiswa maracak
sepeda/motor ?, kalau dicaritoan atau disuruah baco sajo buku ?, lai ka
pandainyo kiro-kiro kalau indak di suruah inyo maracak sapeda/motor tu ?,
iko
contoh sederhana sajo dunsanak ! Apolai kamambuek oto, atau kapatabang kalau
bengkenyo sajo indak ado ?
Soal teori jo praktek...., hhmm nan sabananyo ndak sagampang itu doh mak.....
nan namonyo ilimu murni itu jalannyo baensuik-ensuik.... itu nan paralu di pakuaik....
kok dasarnyo lai kuaik...., untuak aplikasi lah labiah gampang se tunyo....
Disitu paralunyo labor....., dan iko bukan karano dosennyo dari lua nagari...., dosen dalam nagari sandiri tatap mamaralukannyo......
Soal iko ambo ado pulo pengalaman snek...., pado wakatu ambo semester duo , lah mulai baraja soal sensor dan tranducer.... dll.... kebetulan dosen ambo wakatu iko dosen lokal....., masuak semester tigo ado dosen baru pulang dari jerman..... dan dek lah semester tigo lah mulai akrab jo lab.... eh sadang mambarasiahkan lab... tampaklah salah satu modul praktek.....si dosen interlokal iko basorak gadang-nyo...." ini nich yang saya cari-cari "......usut di usus di dosen lokal yg semester dua itu barang dianggap tidak ada apa-apanya...eh di dosen interloka itu barang malah jadi modul praktek yang paling menggasikkan...., padahal sensor-sensor yang ada di modul tsb adalah yang dipelajari di smt 2.....
hh,,,, itu dulu Mamanda...., tetapi bahasan ambo tidak dan alun manjawab masalah awak lai.... soalnyo postulat tantang dosen lua nagari itu cenderung kapitalis itu bana nan ambo indak sapandapek....
Dan Dek Mak Rangkayo Mulie lah idul fitri sadang ambo masih manunggu ampek limo ari lai...., samo bakarilahan sajo lah awak ko....
Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ======================================================================
From: "Zulfikri" <[EMAIL PROTECTED]>
Assalamualaikum, ww. Sanak Z. Chaniago dan urang palanta RN yang ambo hormati !.
Posting ambo ko ado kaitannya jo posting ambo nan tadahulu yaitu ungkapan Rektor Universitas Gadjah Mada (UGM) Yogyakarta, Prof Dr Sofian Effendi di depan orang tua mahasiswa baliau mengungkapkan bahwa :
"Mahasiswa asal Indonesia yang tersebar di Universitas Singapura, dicuci otak dengan pemikiran kapitalis. Jika mereka menduduki jabatan penting, penyelenggaraan pemerintahan jauh dari semangat kebangsaan"
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
