Waalaikumsalam w.w.
Ananda Sutan Sinaro, ambo satuju sakali kalau topik nan samandasar iko
dibahas sampai tuntas dalam sabuah seminar khusus, langkok jo pamakalah dan
penyanggahnyo. Di jajaran panguruih Gebu Minang kan ado Katua Bidang Adat dan
Syarak, yaitu Angku Dt Bagindo Malano. Labiah rancak lai bilo LKAAM Sumbar dan
LKAM di Jakarta ikuik jo makalah nan dipasiapkan bana-bana.
Supayo mampunyai kakuatan hukum, sasudah seminar itu, baok ka Kongres
Minangkabau, nan paranah direncanakan dek Kantua Gubernur akan diadokan tahun
iko.
Wassalam,
Soetan Madjolelo (69th)
Sutan Sinaro <[EMAIL PROTECTED]> wrote:
Assalamu'alaikum.w.w.
Komen ambo pak. Jo maaf ko aa.
Kalau urusan iko iyo rancak kito duduak di palanta nan sabananyo.
Kalau di dunia maya ko rasonyo agak sulik untuak dapek marumuskan apo nan ado
di kapalo. Kok dapek kito duduak basamo-samo di Gebu Minang (bak kecek Datuak
Mulyadi) atau di ma sajolah tampek (kok di kandang singo bagai... he he he he..
kebetulan kini ambo dakek jo junaidi nan ado dikandang singo) untuak dapek
marumuskannyo.
Tapi .. iko baru usul...
Baa ...agak agak ?.
Wassalam
St. Sinaro
Saafroedin BAHAR wrote:
Assalamualaikum w.w.
Lai buliah ambo manyalo ? Pabincangan manganai harato pusako iko sangaik sehat,
karano apopun kasimpulan nan akan kalua dari pabincangan ko akan ikuik
manantukan apo Minangkabau bisa maju ka muko apo akan taruih jalan di tampek.
Baa juo, masalah harato pusako iko marupokan salah satu masalah sentral dalam
iduik urang Minang, karano itu rancak rumusannyo kito finalkan, kalau dapek
masuak ka dalam rumusan Kompilasi Hukum ABS SBK nan ambo usulkan dulu antaro
lain ka Ananda Rahima.
Ado babarapo hal nan tapikia dek ambo manganai soal harato pusako iko: 1)
Basamoan jo sibuknyo pambicaraan tantang harato pusako nan alah ado, baa kok
kito imbangi jo topik lain nan indak kalah pantiangnyo, yaitu 'manaruko'
mambuek HPT baru, karano bara juo banyaknyo harato pusako tu, kalau dibagi dan
digadaikan taruih lamo-lamo pasti habih; 2) apo alah ado catatan bara kini
harato pusako tu nan masih tingga di tiok kaum jo suku, sasudah malalui proses
manjua jo manggadai salamo iko ?; 3) mungkin ndak pangaratian 'harato pusako'
tu dipamodern, misalnyo mambuek yayasan nan assetnyo manjadi samacam HPT bagi
suatu kaum atau suku ?; 4) apo hukumannyo kalau baliau-baliau nan haruihnyo
mamaliharo HPT kudian maabihkannyo untuak kapantiangan baliau surang ?; 5) baa
caronyo mangurangi silang sangketo tantang harato pusako iko, nan alah manjadi
salah satu pinyakik dalam masyarakat urang awak, sampai balaruik-laruik ka
pangadilan ?
Ambo basimpati ka partanyaan nan disampaikan dek Ananda St Sinaro, yaitu baa
caronyo manyatukan kaidah adat nan alah ado sabalum Islam datang, jo kaidah
ugamo Islam nan memang datang kudian? Rumus umumnyo alah ado yaitu ABS SBK,
tapi kan dalam masalah harato pusako nan takaik jo masalah hukum kakarabatan,
masih jalan surang-surang. Kan itu kabanyo nan dikritik padeh dulu dek Syech
Achmad Chatib al Minangkabauwi.
Sampai di siko dulu.
Wassalam,
Soetan Madjolelon (69th)
---------------------------------
New Yahoo! Messenger with Voice. Call regular phones from your PC and save big.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
