Assalamu'alaikum.w.w.
... Ndeh,.... Palai Rinuak ko panggageh,... ndak dapek mintak ancik kito
dinyo doh.
Iyo lah,... kito sabuik kapatang bahaso
"Dalam hal iko tujuan kito ndak ado lain adolah baa caronyo supayo
bisa Islam sacaro kaffah. Aratinyo kito memang mancari keridhaan Allah jo
melaksanakan sagalo perintah-Nyo dan maninggakan sagalo larangan-Nyo
(Iko kalau ndak salah alah tamasuak kategori urang-urang nan bertaqwa nan
dalam konteks di ateh diparuntuakkan sarugo)..."
Kalau baitu, amuah indak amuah, nio indak nio, sagalo peraturan nan alah
diturunkan dek Allah swt. dan di praktek-kan dek Nabi saw., kito harus ikuik,
supayo kito salamaik. Bak kecek Nabi saw. di khutbah terakhir, sacaro garis
besarnyo "Barang siapa yang berpegang kepada kitabullah dan sunnahku, maka dia
akan selamat". Arartinyo bana Z, segala bentuk perikehudipan kito harus merujuk
ka situ.
Tamasuak hukum-hukum nan harus diberlakukan dalam suatu negeri atau negara.
Kalau balain agak sangenek, tapencong agak sangenek, dikhawatirkan kito
jatuah ka urang-urang nan "mengamalkan sebagian, membuang sebagian". Urang
takah iko tampeknyo dalam narako. Untuak itu kecek ambo harus ado lembaga nan
mamaciknyo. Sacaro sederhana sajo awak bapikia, kalau indak ado lembaga ko,
baa pulo caronyo memberlakukan hukum ?. Baa "manguat kuasakan" nyo bak kecek
urang Malaysia. Dan itulah nan tajadi di kito kini. Hukum jo peraturan ado,
tapi indak diberlakukan dan indak dikuatkuasakan.
Bacarito ambo sangenek, dulu kito ambo di Japang, bi tacangang-cangang kami
dek mancaliak nagari nan aman dan batanyo-tanyo dalam hati baa mangko bisa
takah itu.
Sahinggo komentar ambo wakatu tu "Hukumannya berat, jadi orang takut
semuanya". Aa kecek kawan Ambo dari Aceh Samsu Rizal (kini lah Dr.), "bukan
begitu pak, di Indonesia bukan tak ada hukum, bera-berat malah, tapi tidak
diberlakukan". Tamanuang ambo dinyo.... aaa iyo lo mah.
Nah, iko nan ambo sabuik paralunyo lembaga nan akan manguat kuasakan
hukum-hukum ko. Sarancak apo bana perturan, yang bagi awak sangaik yakin bahaso
hukum Allah tu lah nan paliang rancak, indak akan bisa diberlakukan kalau indak
ado limbago nan memberlakukan dan menguat kuasakan nyo. .... baitu...
Ok.... nan lembaga ko, di zaman Nabi dulu untuak maangkek ketuanyo atau
pemimpinnyo hanyo bermodalkan kepercayaan ka pemimpin. Kalau kini tantu jo caro
pemilihan sarupo nan alah kito tahu.
Katiko Nabi saw. di Makkah tigo baleh taun, saketek bana urang nan picayo,
sahinggo lembaga tu indak "valid" dek karano mayoritas indak picayo dan indak
namuah mangaku sahinggo lembaga ko indak terbentuk. Tapi katiko di Madinah, dek
mayoritas urang tarutamo mayoritas suku Aus jo Khazraj, picayo ka Nabi saw.,
dengan sendirinyo lembaga ko lah terbentuk dengan Nabi saw. sebagai pucuk
pimpinan sacaro aklamasi. Dan satiok urang picayo bahaso aturan-aturan atau
hukum yang dikaluakan dek Nabi adolah hukum yang turun dari Penguasa Jagad
Semesta ko. Dan Nabi jo para sahabatnyo lah nan manjadi "Penguat kuasa" nyo.
Kalau istilah dek awak mungkin "Pengawas dari pelaksanaan hukum dan dibenarkan
"mendakwa" bilo hukum dilanggar". Karano lembaga ko lah ado, semua peraturan
dapek bajalan sasuai jo nan dimukasuik sampai kapado mambuek perjanjian jo
pihak Yahudi dan Quraisy. Kalau ndak ado lembaga tantu indak bisa takah itu
doh. Dan pengakuan ateh lembaga ko nan terbesar adolah katiko
ditanda tanganinyo perjanjian Hudaibiyah. Di sinan lah pihak Quraisy alah
mengakui adonyo lembaga yang mereka tapaso mambuek perjanjian jo lembaga tu.
Cieklai, katiko ado hukum-hukum nan harus dijalankan tapi indak bisa
bajalan karano Islam mewajibkan bahaso hanyo lembaga nan bisa batindak, mau tak
mau lembaga ko mesti ado. Aa contohnyo dek si Z.
Katiko sampai di ayat "Yaa ayuhal ladzzi na aamanu kutiba 'alaikummus
siyaam..."
Kasado urang Islam maraso wajib dan terpanggil untuak malaksanakan puaso ko.
Dek karano picayo bana bahaso kato-kato "kutiba" tu adolah wajib
dilaksanakan.
Dan iko memang "bisa" dilaksanakan dek satiok urang Islam karano untuak urang
per-urang dan ndak paralu lembaga.
Tapi katiko tabaco ayat nan labiah dulu dari ayat puaso tu babarapo ayat,..
ado juo kato-kato "kutiba" tu, urang-urang baa kok malengah see ?....
Kalau diambo sabananyo ko bukan malengah tapi indak dapek dilaksanakan dek
ndak ado lembaga.
"Yaa ayyuhal ladzii na aamanu kutibal 'alaikumul Qisas"...
"kutiba" juo tapi belengahan, baa dek bitu ?, dek indak dapek dilaksanakan.
Kok ado urang nan tabunuah, urang nan mambunuah harus dihukum bunuah atau
baia "diyat". Kalau Islam mabuliahkan urang-per-urang buliah melaksanakan iko,
mako hukum ko pasti dilaksanakan urang dek karano ado kato "kutiba" nyo.
Sahinggo akan tajadi pembunuhan tiok sabanta atas nama "Qisas". Tapi Islam
indak mambuliahkan takah itu. Yang dapek manjatuahkan hukum "QIsas" ko hanyolah
lembaga. Lembaga nan bisa mamareso baa pakaronyo dan apo hukuman nan ka
dijatuahkan, disangajo atau indak dan sebagainyo... aaa kan... paralu lemabaga
tu..?. baitu...
... Ok disiko ambo maambiak kesimpulan bahaso lembaga tu memang "mesti" ada
untuk dapek manuju Islam sacaro kaffah tu.
Nah, kalau iko lah dimangarati mari kito taruihkan jo soalan arato pusako ko.
Kalau si Z lah paham jo apo nan disabuik dek buya Hamka tantang iko. Ambo
hanyo maagiah pandapek sangenek bahaso para ulama Indonesia sampai ka Buya
Hamka masih mencari-cari caro baa manjalankan hukum Islam ko saketek ka
saketek. Kompromi-kompromi masih sangat banyak dilakukan sahinggo urang manjadi
rancu dan sampai picayo pulo bahaso "iko ko ndak baa... iko ko ndak baa.."
Padahal sabananyo "baa.." barang ko. Keadaan ko tajadi dek karano baliau-baliau
tu maliek alun sado urang nan "melek" Islam lai. Dan tapaso ditunggu-tunggu
sahinggo dakwah bajalan indak bainsuik dari pangka ka pangka. Apo lai lembaga
nan ado indak mendukung sepenuhnya apo nan dipelajari urang tentang Islam,
bahkan pernah menentang sahinggo maanggap urang-urang nan lah paham jo Islam
dan ingin melaksanakannyo sacaro kaffah sebagai "ekstrim kanan".
Makonyo kecek ambo, kini ko,... tunggu ka tunggu ndak ado lai do...
lembaga ko lah harus ditagakkan ...
Sabab...
... aalaah... banyak lai ko..., tapi lah panjang ko Z...
ibo awak jo urang nan ketek kompornyo...
Kito sambuang barisuak Z...
(mungkin alun bausuo jo kecek si Z wacana ka wacana do... tapi bisuaklah).
Wassalam
St. Sinaro
Z Chaniago <[EMAIL PROTECTED]> wrote:
Assalamu'alaikum WW
Okay dech Mak St Sinaro....., ambo tunggu lah jawabannyo....kok dapek nan
tarang dan aplikatif.....
soalnyo kalau wacana ka wacana.....tatap sajo wacana ka wacana juo .....
Misalnyo bak awak berencana ka pai ka bulan....tantu dimulai dari one
step....taruih ado milestone-nyo.....hehehe...nah tahapannyo kan lah
dimulai....dimulai dari diri sendiri...taruih kok ado lembaga yang
samparono......, tingga kini....nan alun ... aa bana tujuan- akhir awak
ko...soal harato pusako iko....
Misalnyo kok awak tatap jo pandangan Inyiak Dr (H Abdul Karim
Amrullah-Ayahnyo Buya HAMKA) baraso harato pusako itu adolah harato wakaf
dari moyang zaman daulu....tantu lain bana jo harato pusako ka dibagi-bagi
sasuai jo hukum waris Islam.....atau apopunlah..... step-step-nyo akan
balain dan batujalan-nyo akan balain pulo.....
Sakali lai...ambo akan manunggu jawaban barek dari Mak Sinaro......
Wassalam
Z Chaniago - Palai Rinuak - http://www.maninjau.com
======================================================================
Alam Takambang Jadi Guru
======================================================================
---------------------------------
Blab-away for as little as 1ยข/min. Make PC-to-Phone Calls using Yahoo!
Messenger with Voice.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
