Assalamualaikum w.w. Dunsanak Yulnofrins, Tariomo kasih Dunsanak, alah bagulir bola tu mah. Susunan Paguyuban indak usah kaku bana. Nan penting adolah kito samo-samo baminat manyalamatkan kureta api di Sumatera Barat. Salain Ketua tantu paralu ado Sekretartis nan mabuek undangan jo nolulen rapek sarato surek-surek kalua. Kalau bisa ado bagian Humas untuk mamaliharo hubungan jo baliau-baliau pandukuang gagasan ko, tamasuak keluarga besar eks PJKA Sumatera Barat. Sebagai Ketua Pak Chaidir sabaiiaknyo acok muncul di muko publik untuka manggalang dukungan di dalam dan di lua nagari. Mungkin urang Ulando ado nan masih banostalgia jo kureta api bagigi di Sumatera Barat. Ambo bia manyadiokan tampek rapek jo snack a la kadarnyo. Wassalam, Saafroedin Bahar.
----- Original Message ---- From: Yulnofrins Napilus <[EMAIL PROTECTED]> To: Saafroedin BAHAR <[EMAIL PROTECTED]>; [email protected] Cc: [EMAIL PROTECTED]; IPMPP <[EMAIL PROTECTED]>; [EMAIL PROTECTED] Sent: Sunday, September 3, 2006 1:45:14 PM Subject: Re: Paguyuban Pecinta Jaringan Kereta Api Sumbar Waalaikumsalam wr.wb. Pak Saaf, ambo confirmed. Dan Head of Artistic RCTI pun juo alah confirmed untuk hadir sekaligus dg usulan2 agenda acaranyo. Urang RCTI iko dl juo terlibat mambantu team acara Megalitikum Kwantum di Garuda Wisnu Kencana Bali bbrp waktu lalu. Kalau susunan Paguyuban iyo alun jaleh bana dek ambo lai do. Tapi ambo insya allah akan sato didalamnya. Usulan Ketua ambo tetap mandukuang Pak Chaidir N Latief. Biaso no kalau indak basabuik namo utk DIUNDANG, kadang agak anggau juo ka datang. Jadi bia lah ambo mulai dari nan ambo kenal2 dulu, setidaknya di milis, untuang2 lah kok "terketuk" pulo sato urun rembuk iko sbb: Katik Sati, Mak Darul, Chairul Alfie, Elfie Malano, Erwin & Is (Cimbuak.net), Taufik Sembiring, Kkd. Asadi Rasyid, Z. Chaniago (Maninjau.net), Miko (Rantau-Net), Havitra, Proto, Hasnil, Mesra Eza, Zukri Saad, dll. Walaupun indak tasabuik tp kok lai baminaik dan ado kainginan mambantu basuaro, usahokan juolah hadir. Silahkan ditambah dan diusulkan namo2 nan kasato. Kan iyo baitu kan Pak Saaf? Wassalam, Nofrins St. Batuah NB: Utk Admin, mhn maaf email nan ciek iko agak tajelo-jelo ikuanyo. Spy dunsanak2 nan baminaik bisa marunut baliak apo pangka caritonyo ko. Thanks. Saafroedin BAHAR <[EMAIL PROTECTED]> wrote: Assalamualaikum w.w. Dunsanak Yulnofrins, Ambo alah manghubungi pak Chaidir Nien Latief. Baliau siap basuo jo kito nan baminat ka kareta api Sumbar tu. Wakatunyo alah kami sapakati: Hari Rabaa tanggal 6 September 2006 jam 16;00 di Komnas HAM, Jalan Latuharhary 4B, Menteng, Jakarta. Tolonglah diundang sakalian dunsanak nan baminat, tamasuak urang RCTI tu. Kalau bisa susunlah sakalian rencana susuban panguruih Paguyuban. Ambo jadi pambantu umum sajo. Sampai basuo. Wassalam, Saafroedin Bahar. ----- Original Message ---- From: Yulnofrins Napilus <[EMAIL PROTECTED]> To: Saafroedin BAHAR <[EMAIL PROTECTED]>; [email protected] Cc: [EMAIL PROTECTED]; IPMPP <[EMAIL PROTECTED]>; [EMAIL PROTECTED] Sent: Sunday, September 3, 2006 8:56:55 AM Subject: Paguyuban Pecinta Jaringan Kereta Api Sumbar Waalaikumsalam wr.wb. Alhamdulillah. Stlh kito samo2 mancaliak kondisi rel Mak Itam iko, akhirnya "terketuk" juo hati kito sadonyo untuk berbuat sesuatu. Iko lah sisi lain misi nan kito mukasuik jo foto2 nan ado di WS.com. Mudah-2an "Paguyuban Pencinta Jaringan Kereta Api Sumatera Barat" iko segera tabantuak dan membuahkan hasil NYATA. Jadi kiot sangat mandukuang usulan Pak Saaf iko. Malahan 2 bulan lalu kito alah sempat berbincang-bincang jo kawan dr RCTI (konseptor iklan Station ID dg nuansa Minang di RCTI itu) untuak marubah cat Jembatan Kereta nan di Anai nan warno hijau itu manjadi warno yang labiah 'eye catching' utk obyek pariwisata, biru atau orange. Krn arsitektur jembatan itu bagus skl. Kabanyo (tp ambo alun pernah liek) Pak Gubernur pun mambuek video klip baliau juo di jembatan itu. Selama proses pengecatan sampai peresmian akan diliput media massa. Org RCTI yg asli Semarang dan tagilo-gilo jo alam Sumbar ini katanya sudah mendpatkan sponsor dr salah satu pabrik cat. Kadis Pariwisata Sumbar jg sdh setuju ketika saya telepon 3 minggu lalu. Mudah2an dari Pak Kadis alah manyampai pulo isunyo ka Pak Gubernur. Ibu Meutia Hatta yang ambo tamui minggu lalu, juo mandukuang. Malahan beliau usul diadakan juga Pasar dan Festival Rakyat (kalau mamungkinkan) disekitar lokasi. Mungkin di lokasi Anai Resort bia indak macet bana jalan Anai itu. Tp dek karano tangan cuman duo, statusnyo sampai kini baru barupo draft proposal. Kok lai nan tagarak mambantu....?? Atau mungkin Paguyuban iko mau melakukan kiprah partamonyo dengan caro iko, ambo dg sangat sanang hati akan mandukuang. Supayo Paguyuban iko nampak pulo eksistensinya. Jadi tidak hanyo paguyuban yg sakadar omong-omong doang...:D Tahapan Awareness ini yg batujuan utk mambukakan mato publik dan calon Investors, sangatlah PENTING sabalun melakukan usulan-usulan ka pajabaik pusat nantinyo. Baa kiro2 manaruik Pak Saaf, Pak Chaidir, Mak Ngah dan dunsanak nan lain2? Lai kah akan bamanfaik utk mandukuang gerakan "Paguyuban Pencinta Jaringan Kereta Api Sumatera Barat" iko...? Kok iyo, sabaiknyo sacapeknyo kito konkritkan. Ini ide yang luar biasa dari Pak Saaf utk mambantuak Paguyuban iko. Jiko ide diateh itu bisa diambiak oleh Paguyuban, itu akan mambantu maringankan moril ambo juo. Krn ambo sendiri msh ado bbrp niaik lain yg sdg ambo siapkan konsepnyo utk tahun iko dan tahun depan. Diantaronyo Lomba Foto Pariwisata Sumbar skala Nasional, 1000 Panari di Ngarai Sianok, Buku Keindahan Alam dan Budaya Ranah Minangkabau melalui Fotografi, dll. Tamasuak inisiatif Ajo Dutamardin jo KBRI nan ingin manyelenggarakan Pameran Foto Pariwisata Sumbar di Amerika (masih manunggu tanggapan dari Gubernur). Ambo basarah ka nan diateh, apakah ide2 iko bisa talaksana sado alahe atau tidak... Setidaknyo niaik baiak iko nanti bisa dijadikan ide-ide buat program pengembangan promosi pariwisata oleh Pemda Sumbar ditahun-tahun mendatang. Ambo siap mandukuang dg sagalo keterbatasan ambo nan basawah di Jakarta ko. Talabiah takurang mohon maaf sabalunnyo. Semoga berkenan. Thanks. Wassalam, Nofrins St. Batuah - 46 thn www.west-sumatra.com Saafroedin BAHAR <[EMAIL PROTECTED]> wrote: Assaamualaikum w.w. para Dunsaak sa palanta, Sabagai anggota keluarga besar PJKA Sumatera Barat -- Ayah ambo adolah konduktur kereta api di Padang Panjang - ambo iyo sadiah bana mancaliak habihnyo kareta api, nan sabagian sababnyo adolah karano abihnyo batu baro di Sawah Lunto. Manuruik sijarahnyo urang Ulando memang mambuek jakan kureta api tu untuk mambao batu baro dari Sawah Lunto ka Padang, antaro lain untuak kaparaluan pabirik Semen Padang, nan kini mamarukan antaro 600.000 - 700. 000 ton batu baro satahun. [Sakadar catatan, pabirik Semen Padang ko basamo jo Semen Gresik dan Semen Tonasa tahun 1998 ampia tajua habih dek Pamerintah kito ka parusahaan semen Mexico Cemex S.A. Sacaro kabatulan ambo paranah manjadi Komisaris Utama PT Semen Padang antaro tahun 1999-2003, sawakatu angku-angku para mantari BUMN ka manjua pabirik nan umuanyo labiah dari 90tahun tu. Basamo-samo jo para komisaris lain dan direksi di bawah Ir Ikhdan Nizar, dan para dunsanak di dalam dan di lua DPRD Sumbar, yo kami lawan barami-rami manuntuik supayo jan dijua. Alhamdulillah kini akhirnyo hengkang juo Cemex S.A. tu] Karano batu baro alah abih, memang susah juo untuak maiduikkan kureta api tu saroman dulu, kalau ka diiduikkan baliak, paralu diagiah fungsi baru, saparati untuak maangkuik hasil kalapo sawit dari Pasaman ka Padang, atau maangkuik hasil bumi Sumbar ka Riau, atau untuak kaparaluan pariwisata. Dalam hal ini ambo sangaik magharagoi dan mandukuang panuah parjuangan pak Chaiidir Nien Latief SH MS Datuk Bandaro, nan mantan Kapalo Eksploitasi PJKA Sumatera Barat, untuak maiduikkan baliak jalan kureta api tu. Nan jadi soal adolah baa caro maiduiikkan baliak pado saat perekonomian nagara kito sadang kambang kampih sarupo kini. Baa juo jawaban taradok soal iko indak talatak di tangan urang awak, dan indak juo di tangan pamarentah daerah Sumatera Barat, tapi di tangan angku-angku nan duduak di Kementerian Negara BUMN di Jakarta jo Mantari Perhubungan. Sudah barang tantu kalau gerakan manyalamaikkan ko hanyo bagajolak dalam milis RantauNet ko sajo, dan kalau nan unjua anja hanyo pak Chaidir sajo, jaleh indak kaado nan kabarubah doh. Jadi baa? Kok buliah ambo maagiahkan saran, iko nyo ha. 1. Paralu dibuek organisasi supayo ado nan disabuik urang kini sabagai 'bargaining power' taradok angku-angku di Kamantarian BUMN jo Mantari Perhubungan di Jakarta. Sia nan ka manjadi anggota organisasi tu ? Paliang indak sagalo keluarga besar kureta api di Sumatera Barat, tamasuak ambo surang. Sudah barang tantu paralu diajak sagalo pegawai kureta api di Jawa dan di Sumatera Utara untuak mandapekkan dukungan dan solidaritas. Kalau buliah ambo mausulkan namonyo: 'Paguyuban Pencinta Jaringan Kereta Api Sumatera Barat' dan diketuai partamo kali dek Pak Chaidir Nien Latief. Kalau bisa adokan juo jaringan karajo samo sasamo jo urang nan gilo-gilo baso pancinta kureta api sa dunia, mungkin ado di Eropa dan di Amerika Serikat. Nan di Amerika Serikat ko tanyokan ka Dunsanak Ajoduta. 2. Sasudah tu, paliang indak mintak ka Pamarentah supayo organisasi di ateh diajak sato dalam parancanaan, pandayagunaan, sarato pangawasan taradok baitu banyak asset PJKA Sumbar. paliang indak lokomotif tuo nan iduik jo kayu api dapek dirawat dek para mantan masinih daulu atau para pancinto kureta api lainyo. Biso juo sasakal adokan samacam festival nostalgia kureta api, misalnyo antaro Padang - Kayutanam, atau kalau nak mariah, antaro Bandara Katapiang ka Padang. Iyo direhab lah saketek gerbong-gerbongnyo, dipeloki tampek duduaknyo, agiah cat warna warni, adokan 'pramugari' nan rancak-rancak, pandai bahaso Inggirih, bapakaian baju kuruang. Kan sero ? 3. Karano kaputusan talatak di Jakarta, dan banyak saketeknyo akan masuak unsur politik, galang karajo samo jo DPR RI dan DPD, karano Mantari BUMN jo Mantari Perhubungan tu kan takuik bana jo DPR RI walau alun takuik lai ka DPD. Di DPR RI dan DPD kan ado anggota parlemen urang awak nan masih didanga urang, saparati Patrialis Akbar, Azwir Dainy Tara, dan Irman Gusman. agiah amanah ka baliau-baliau ko untuak mampajuangkan iduiknyo baliak kureta api Sumbar tu, antah baa caronyo. Sadangkan maungkik parusahaan multi nasional saroman Cemex sajo baliau-baliau bisa, baa pulo sakadar untuak mampajuangkan kureta api Sumba nan alah ado, pastilah labiah mudah. Jan lupo maajak Mantari Pariwisata dan Budaya nan urang Bali tu. 4. Supayo dapek ditampuang sagalo pikiran dari saluruah pencinta kureta api, baa kok diadokan pulo samacam Seminar Revitalisasi Kereta Api di Sumatera Barat, undang sagalo pihak nan takaik, baik nasional maupun internasional, sambia banostalgia di Ranah Minang. Jan lupo maajak Studio TVRI Padang, sagalo kantua berita jo surek kaba di Sumbar untuak mahoyak hosenkannyo. Baa kok baitu pak Chaidir ? Wassalam, Saafroedin Bahar ----- Original Message ---- From: Sjamsir Sjarif To: lapau Sent: Saturday, September 2, 2006 2:12:47 AM Subject: [EMAIL PROTECTED] 1157 Re: Koto Baru (Re: bekas jalan kereta api) Takana takok-taki rang gaek-gaek wakatu ambo ketek-ketek di Ampek Angkek: Aa du nan malethah-malethoh ka ujuang ka puun di Thimpang Biaro tu? Thirah dadono, Itam kapalono, Barathok ubun-ubunno, Panjang ikuano ... :) Mandanga ota di Lapau ko, barangkali rancak lo du kareta api Sumatra Barat pupuih habih kasadoalahe; jadi indak tadanga lai rakiak koreta Padang jo sahuik koreta Solok tu. Aman utak jo ratok rindu Rang Minang nan suko maratok ko. Lulua sajo aia mato ka paruik ... Marakiak koreta Padang, manyahuik koreta Solok. Marakiak dagang nak pulang, baju lah barek dek panumbok ... Sayangnyo basi tuo nan ditanam tu ka bawah indak baurek ka ateh indak bapucuak ditangah-tangah dilariak karek; indak saroman kapelo batang (ubi parancih, singkong) atau kapelo jala atau kapelo doli. Kok dapek dimakan saroman kapelo jala tu, saindak-indaknyo dapek panolong kalua angin gai tu ... --Nyit Sungut >1157 Re: [EMAIL PROTECTED] Koto Baru (Re: bekas jalan kereta api) >From: chaidir latief - view profile >Date: Fri, Sep 1 2006 8:43 am >Email: chaidir latief > >ass ww > > kareta api sumatra barat kini nan jalan hannyo antaro Pabrik Semen dan > Taluk Bayua Ka Pariaman sakali saminggu Salabihnyo hanyo relnyo sajo nan > mancogok Antaro Padang Panjang dan Payakumbuah alah lamo mati bahkan > relnyo alah tabanam atau diambiak apa basi Itulah nasib mak Itam di Ranah > Ditampek lain seperti di Riau urang akan mambangun kereta api Di Jawa > yang dimatikan akan dihidupkan balik Di Aceh urang Aceh ribut taruih agar > kereta api dihiduikan baliak Selanjutnyo saluang sajo;ah nan akan > menmyampaikan > Ch N Latief Dt Bandaro 78 Want to be your own boss? Learn how on Yahoo! Small Business. Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
