Urang Minang Banyak nan Jadi Gelandangan.....Re: [RantauNet] MINANG disiko ,KABAU dimana?

[Urpas]

Astaga! masih sajo urang awak tabanam dalam dongeng 'kebesaran' urang minang; nan bahwasonyo urang minang indak ado nan ajdi pengemis atau gelandangan; di jakarta banyak... dulu urpas iko acok kama-kama naiak bus, kalau masuak terminal; acok tasuo urang minang nan jadi paminta-minta...acok.. nampak dari logatnyo...   ambo pernah curito, tapi lupo antah di minangnet antah di milis sekolah.. ttg urang minang, laki-laki tagok 40 tahunan, tapi nampak kurang ssumangaik, lusuah, mengemis di ateh oto kopaja P19; mambaok anak keteknyo ciek digendong jo kain, ciek dibimbiang, mangecek luruih sajo diateh oto minta pitih untuak makan; sakali-sakali tasalek bahaso minangnyo;   ka turun dari kopaja, di sipak ikuanyo dek stokar; karano lamo bana tagak di pintu, panumpang basasak ka naiak;   data jaleh tantun ambo indak punyo;   tapi nan jaleh di batam, gelandangan dan pengemis nan urang awak, nan barasal dari sumbar sambua... banyaaakk... ado dulu sebagian datanyo di mimbarminang; tapi ambo search kayaknyo databasenyo alah dikurangi; bisa kontak DEPSOS batam atau padang;   dan, sadiahnyo, wukatu itu; dari ratusan gelandangan pengemis urang awak nan dipulangkan, paliang banyak barasal dari pasisie :((   jadi, alah tu ma membangga-banggakan hal-hal nan indak paralu; lupo awak dari kenyataan nan sabananyo;   =urpas= ----- Original Message ----- From: Muhammad Rijal To: [EMAIL PROTECTED] Sent: Thursday, January 03, 2002 10:48 AM Subject: Re: [RantauNet] MINANG disiko ,KABAU dimana? Ass.Wr.Wb Sasuai ambo tuh mah, ambo tambahkan saketek.... Nan subananyo khan urang awak tuh bafikiran panjang jauah ka muko, sahinggo iyo agak perhitungan iduiknyo, apolai iduik di rantau urang.... Sahinggo kalau terjadi hal-2 yang indak diduga sebalunnyo indak ka paniang bana ( sadio payuang sabalun hujan ) Makonyo dari sakian ribu GEPENG ( Gelandangan jo Pengemis ) yang lalok di bawah kolong jembatan, yang manjadi tukang puluang, nan barumah jo karateh koran nan ado di Jakarta ko....Indak sakarek juo mungkin urang awak do..... Tarui karano urang awak ko nan dari kalangan menengah ka bawah banyak nan bisa mandiri iduiknyo di rantau urang, dengan modal dengkul marantau, taruih manggaleh kaki limo sampai punyo toko jo punyo rumah, sahinggo mamunculkan kecemburuan sosial dek urang lain.... Sahinggo kalau manuruik ambo urang nan mangecekkan urang padang tuh pilik, kemungkinan atas dasar syirik ( Iri ) sajo tuh nyo.... Baa mako mode itu kesimpulan ambo, logika bodoh sajo awak ambiak, koq nio pilik atau indak urang awak ko, itu urusan inyo, inyo jo pancariannyo, inyo jo haratonyo, indak manggaduah ka urang do...... Jadi koq nio ceke atau indak nyo itu khan hak azazi surang-surang....indak manga-2 jo urang lain do..... Sagitu sajo dari ambo... Wassallam,