RE: Urang Minang Banyak nan Jadi Gelandangan.....Re: [RantauNet] MINANG disiko ,KABAU dimana?

[Dewis Natra]

Astaga! masih sajo urang awak tabanam dalam dongeng 'kebesaran' urang minang; nan bahwasonyo urang minang indak ado nan ajdi pengemis atau gelandangan; di jakarta banyak... dulu urpas iko acok kama-kama naiak bus, kalau masuak terminal; acok tasuo urang minang nan jadi paminta-minta...acok.. nampak dari logatnyo...     jadi, alah tu ma membangga-banggakan hal-hal nan indak paralu; lupo awak dari kenyataan nan sabananyo;   =urpas=   Sato pulo manyolo saketek, Iko ambo satuju jo “URPAS” sabana banyak urang minang nan bangga jo kebesaran maso lalu. Apo lai kalau awak danga inyo bacarito di kampuang, inyo pasti urang paliang santiang dan paliang cadiak, kok tukang sapu yo tukang sapu paliang santiang paliang cadiak. Kalau marandahkan urang jawa sabana paliang randah jo ungkapan “Si lelek nan gampang di ota jo dikicuah” hal iko memang banyak tajadi dikalangan bawah di terminal, pasa tapi hampia sebagian banyak parantau awak basawah disitu. Tampa awak sadari si lelek tu juo nan mangatur negarako kini bahkan di masa lalu si lelek tu pulo mangicuah awak sahinggo negarako porak poranda kini.   Tantang urang awak nan jadi pengemis Nan mangecek indak ado urang awak nan jadi “Gepeng” mungkin inyo indak pernah batamu jo Gepeng gepengtu doh, sabana sambuah urang awak nan jadi Gepeng jan dirantau dikampuangse sambuah. Apo nan jadi pengemis dikampuang tu si lelek juo bukan urang kampuang awak.   Talabiah dulu ambo minta maaf kok ado nan tasingguang. Samato mato tujuan ambo bia awak sadari bahwa awaktu jauh mengalami kemunduran dari generasi dulu, dan mulai bangkik menghadapi untuak kamuko.   Wasalam Is, rang cimbuak, 32