Assalamu�alaikum wr.wb.,
Nak awak bayang-bayangkan juo a nan katasuo isuak di akhiraik.
Surek Az Zumar (39) ayat 71 s/d 74
Baondoh poroh urang kapia ditungokan kadalam narako
Katiko tibo di narakotu, dibukak-an pintuno
Batanyolah malaikat panjago, �indakkoh ado saisuak utusan Allah dari golongan kalian, nan mancuritoan ayat-ayat Rabb kalian, manganaan pakaro kajadian sarupo hari iko kini?�
Kecek mareka �Lai.� Tapi aa juo lai, alah kabalaku kalimaik Tuhan, ka jatuah azab lai kini ka urang-urang kapia tu
Kecek malaikat panjago pulo; �tandehlah kalian masuak kapintu jahannamtu! Tinggalah kalian di sinan salamo-lamono!�
Ondeh buruakno tampek tingga urang nan takabua.
Barami-rami urang nan taqwa dibimbiang ka sarugo
Katiko tibo di sarugotu, dibukak-an pintuno
Mampasilokan malaikat panjago ka mareka, �salam salamaik bagi tuan-tuan. Basanang hatilah tuan-tuan. Silahkanlah tuan-tuan masuak ka dalam, basalamaik tinggalah tuan-tuan di dalam salamono�
Dan manjaweklah mareka; �Sagalo puji bagi Allah nan manapek-i janji No ka kami, Sainggo kami dapek tingga dimaa sajo nan kami katuju.
Sungguah nikmaik bana buah karajo amalan kami�
Wassalamu�alaikum wr.wb.,
Lembang Alam
Do You Yahoo!?
Yahoo! Tax Center - online filing with TurboTax
