Waalaikumsalam w.w. Sanak Boediman Moeslim dan para sanak sa palanta, Rasonyo indak ado lai nan paralu ambo tambahkan taradok apo nan Sanak sampaikan di bawah ko. Alah cukuik langkok. Nan paralu kito karajokan dalam wakatu nan indak talalu lamo adolah manulihkan sacaro obyektif, sistematik, komprehensif, konsisten, -- kalau bisa padek -- sagalo nan takaik jo kaminangkabauan kito, dahulu, kini, dan kalau bisa juo perspektif maso datang. Supaya indak bagalau juo pangaratian kito taradok kaminangkabauan nan manjadi payuang kito basamo. Sakadar untuak pambukak wacana, patuik kito batarimo kasih ka Fakultas Sastra Unand nan alah basadio maambiak langkah paratamo ka arah itu. Kok nanti taraso kurang, kito tambah malah. Kok balabiah, kito karek malah. Sangaik ambo haragoi saran Sanak supayo jaleh bateh-bateh wilayah rajo dan wilayah adat, baiak dalam artian fisik maupun dalam artian norma dan kaidah.. Gagasan ko juo ambo sampaikan kapado jajaran masyarakat hukum adat dima-dima, takaik jo proses inventarisasi masyarakat hukum adat dan pambantuakan dasar hukum jo peraturan daerah kabupaten. [Jan lupo baru-baru ko ado cakak banyak di nagari Saningbaka karano indak jaleh bateh-bateh wilayah ko sacaro fisik]. [PS: ambo alun tabiaso mandanga dan manarimo pasambahan adat, saparati nan juo disampaikan dek Prof Emil Salim di Batu Sangka ateh namo kami-kami nan diagiah gala sangsako tu. Kalau bisa Sanak sabuik sajolah namo ambo, saparati biaso].
Wassalam, Saafroedin Bahar (L, masuk 72 th, Jakarta) Alternate e-mail address: [email protected]; [email protected] --- On Mon, 1/19/09, Boediman Moeslim <[email protected]> wrote: From: Boediman Moeslim <[email protected]> Subject: [...@ntau-net] Re: Gelar Sangsako Adat untuk Persatuan Bangsa. To: [email protected] Date: Monday, January 19, 2009, 9:27 AM Sambah babaliak ka Nan Mulie Tuanku Pujangga Diraja Bapak Dr. Saafroedin Bahar nan kami hormati jo karib karabaik nan di palata, Assalamu'alaikum warrahmatullahi wa barrakatuh, Tulisanko sabananyo indak sajo ditujukan ka Nan Mulie Tuanku Pujangga, tapi ka sado Para Ahli Limbago Adaik Minangkabau jo Karajaan Pagarruyuang. Sabalunnyo kami maucapkan tarimo kasih atas jawaban nan dibarikan ka kami dek Nan Mulie Tuanku Pujangga Diraja Bapak Dr. Saafroedin Bahar. Taraso nasi nan dimakan lah agak manganyangkan, jo auih nan tadinyo sabana auih lah agak mamuehkan. Ikolah nan paralu dijaniehkan, jaan sampai sifulan mangatokan "a", awak lah ikuik-ikuik manyontek "a" tu. Maklumlah zaman kiniko, kalau awak manantang aruih mako makin talendo awak dibueknyo. Untuanglah kamiko masih "urang minang", nan takana indak namuah mancontoh-contoh, itupun kalau bana nan dicontohtu. Urang minang harus bisa manganalisa baiek buruaknyo suatu perbuatan, baitu pulo bisa menganalisa salah bananyo perbuatantu. Satantangan kato Tuanku bahaso 'luhak bapanghulu, rantau barajo' lah cukuik dimangarati dek diri kami. Mungkin hal ikolah nan paralu dipilah, jaan sampai baeko manjadi banang nan kusuik, saling bapilin antaro babagai limbago. Luhak bapanghulu kama mudiak hilienyo (maaf indak mamakai hilie jo mudiek, sabab awak mamulai dari mudiek ka hilie indak dari hilie ka mudiek), baitu pulo rantau barajo kama pangka-ujuangnyo (baitu pulo indak mamakai ujuang jo pangka, sabab awak mamulai dari pangka ka ujuang indak dari ujang ka pangka), alah patuik dipajalehkan ka urang banyak. Rajo ado di Pagaruyuang jo Adaik ado di Minangkabau tantunyo. Mungkin paralu pulo dipajaleh bateh-bateh wilayah rajo dan bateh-bateh wilayah adat. Dan antaro kerajaan jo adat di maa simpue takaiknyo nan saling tasangkuik. Di adat kami raso ado pucuak adat, baitu pulo di bagian karajaan tantu nan mangausai adolah rajo. Kalaulah dipajaleh itam putiehnyo tantu urang banyak indak ka batanyo-tanyo, karano satu samo lain mampunyai HIRARKHI jo KABIJAKAN nan dianuik. Misalnyo di luhak nan tigo baa bantuak kakuasaan rajo, apokah ado samacam perwakilan, sia nan manyandang "region" tu jo apo gala nan dipakai. Baitu pulo di ranah "rantau", apokah ado perwakilannyo jo sia nan bakuaso. Kalaulah bisa dibagi-bagi saromantu, tantu nan itam ka tacaliek itamnyo, nan putieh ka tacaliek putiehnyo. Atau saumpamo bisa "berdinamika" mungkin sajo wilayah rantau bisa dipaleba, di babagai provinsi punyo wakie-wakienyo (sarupo duta) wah............... sangaik dinamis kerajaan ataupun adaik awak. Anak kamanakan nan barado di ujuang duniepun akan "Takemot" (bak kato urang Sunda). Awak indak ka ba andai-andai, tapi kajalehan sarupoko nan paralu awak "clear"kan. Hanyo itu, tapi ........ado ciek nan masih bagalau.....apokah "adaik basandi syara' "masih balaku? Syara' kadang-kadang tatutuik dek babagai sabab jo babagai kapantingan. Kabatulan kami diagieh dek salah saurang pajabat daerah sakapieng CD tantang pamancangan tiang istano Pagaruyuang, rancak yo rancak pagalaran acara tu, tapi di baliek itu ado satitiek noda, yaitu KAPALO KABAU nan BATANAM (apo iyo?) jo mamakai PAYUANG di ateh tiang. Memang ado makna-makna nan tasuruak dibaliek itu, tapi kalau awak babaliek ka hukum syara', baa iyo? Kadang-kadang pado acara-acara adaik masih tasalubuang WARISAN AGAMO LAIN PANINGGALAN AGAMO SABALUN ISLAM TAKAMBANG di ranah awak. Baa caro mailangkannyo agar ADAIK BASANDI SYARA' bisa dipalakukan nan sabana-bananyo. Jawaban sangaik ditunggu, mudah-mudahan lah banyak nan mangatahui nan manyababkan hal iko indak paralu dikaji lai. Atau sabalaieknyo SANGAIK-SANGAIK PARALU DIKAJI sainggo ADO SUATU KAPUTUSAN agar nan "a" indak paralu dipabuek atau nan "b" patuik ditaruihkan. Mohon maaf bilo ado kasalahan. Ikoko hanyo samato-mato untuak kabaikan awak basamo. Wassalam, BOEDIMAN MOESLIM PILIANG (LL, 52+) Lembang, Bandung. e_mail: [email protected] --- On Fri, 1/16/09, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: [...@ntau-net] Re: Gelar Sangsako Adat untuk Persatuan Bangsa. To: [email protected] Date: Friday, January 16, 2009, 3:51 PM Waalaikumsalam w.w. Sanak Boediman Moeslim dan para sanak sa palanta, Pertanyaan Sanak sabana padek dan paralu dijawab sacaro janiah. Namun disiko pulo justru lataknyo masalah, yaitu baa manjalehkan dan menata sacaro rapi dualisme sistem nilai dan struktur sosial masyarakat Minangkabau, nan pado dasarnyo tadiri dari duo jalur nan nampaknyo indak ado kaitan satu samo lain , saparati nampak pado ungkapan 'luhak bapanghulu, rantau barajo'. Apolagi kalau masalah dasar ko kito hubuangkan jo akibat rangkaian parubahan sosial nan alah bakali-kali malendo Minangkabau dan alun paranah dikonsolidasikan sacaro mantap. Dalam pandangan ambo, alah balapih-lapih dan alah batumpuk-tumpuk akibat parubahan sosial tu dalam masyarakat Minangkabau, dan alun paranah dikaji dan disalasaikan sacaro mandasar. Patuik kito syukuri bahaso akhir-akhir ko pak Gubernur Gamawan Fauzi alah maambiak prakarsa -- antaro lain -- untuak manjaniahkan apo bana nan kito mukasuik jo ABS SBK. Dalam hubuangan ko, paralu kito paratikan kanyataan bahaso para panghulu kito tu sandiri juo banyak nan mangaluah tantang baa eloknyo hubungan baliau-baliau jo anak kamanakan maso kini, nan salain alah bakambang biak juo alah banyak nan cadiak, sahinggo indak mudah baitu sajo manarimo 'parentah' para panghulu. Karano itu, ambo yakin bahaso indak --atau alun -- banyak paratian para penghulu kito ka masalah rajo-rajo Minangkabau ko. [Sekedar catatan : masalah rajo-rajo dari karajaan tradisional ko indak hanyo ado di Minangkabau sajo, tapi tadapek dis eluruh Indonesia.]. Sabagai langkah paratamo untuak manduduakkan masalahnyo, ambo alah maajak para sejarawan dari Fakultas Sastra Universitas Andalas untuak mancurahkan paratian ka masalah ko, supayo jan kabinguangan juo kito, baiak nan tuo maupun -- atau apolagi -- nan mudo-mudo. Alhamdulillah alah ado kesediaan dari baliau-baliau nan ahli dalam soal ko. Untuak mambulekkan pandapek kito manganai sistem nilai dan sistem sosial Minangkabau maso kini, ambo mandukuang panuah gagasan Bp Drs Farhan Muin Dt Bagindo dalam partamuan jo Tim Perumus ABS SBK di Restoran dakek Patuang Tani di Jakarta babarapo wakatu nan lalu, yaitu paralu kito adokan suatu Kongres Minangkabau untuak maambiak kaputusan.[Kito kan indak ka namuah 'manarimo pisang bakubak' doh]. Samantaro alun ado kasapakatan lai, sagalo pandapek kito tampuang, baiak nan pro maupun nan kontra, untuak salanjutnyo dikaji sacaro mandalam dek ahli-ahlinyo. Untuak samantaro ko, dalam pandangan ambo pribadi gala kehormatan sangsako adat tu -- apopun arti dan maknanyo -- ado manfaatnyo dalam mampaarek persatuan, baiak sasamo kito urang Minang maupun untuk sasamo bangso Indonesia. Namun, tantu sajo ambo indak bakabaratan kalau ado di antaro kito nan indak satuju, sasuai jo kato pepatah juo: " rambuik nan samo hitam, pandapek balain-lain". Wassalam, Saafroedin Bahar (L, masuk 72 th, Jakarta) Alternate e-mail address: [email protected]; [email protected] --- On Fri, 1/16/09, Boediman Moeslim <[email protected]> wrote: From: Boediman Moeslim <[email protected]> Subject: [...@ntau-net] Re: Gelar Sangsako Adat untuk Persatuan Bangsa. To: "Dr.Saafroedin BAHAR" <[email protected]> Cc: [email protected] Date: Friday, January 16, 2009, 9:14 AM Assalamu'alaikum Warrahmatullahi wa barrakatuh. Nan Mulie Tuanku Pujangga Diraja Dr. Saafroedin Bahar nan kami hormati. Sabalunnyo kami mohon sambah ka Tuanku sarato salam hormat ka sado rang tuo kami nan mandapek kapicayoan sabagai pamangku sangsako adat dari Nan Mulie Pemangku Daulat Yang Dipertuan Raja Alam Pagaruyung. Kami cukuik bangga bahaso "Urang tuo-Urang tuo" kami mandapek panghargaan gala tasabuik. Walaupun sakileh tacaliek panghargaanko agak talambek dilatakkan ka baliau-baliauko bak kecek uni Dr Ir Puti Raudhah Thaib sabagai pamangku karajaan, tapi satu langkah lah bahasia dipabuek dek "Kerajaan Minangkabau". Kerajaan nan lah tasohor ka babagai balahan dunie sajak daulunyo. Apo nan di uleh dek Tuanku sangaik bakasan ka diri kami. Nan tadi kami alun tau baa itam putiahnyo, kini lah agak ramang-ramang isi dari kulik nan tasuruak salamoko. Samantangpun baitu, supayo jaleh sirahnyo isi buah samangko ko, supayo indak banyak manduga-duga apokah sirahtu sirah manyalo nan manih, sirahtu agak mudo, atau samangkoko tanyato samangko kuniang nan maha haragonyo, kamipun bakainginan batanyo nan mungkin patuik kami mangatahuinyo.... Di Minangkabau kalau indak salah, takana kakuatan adat, agama jo nan cadiak pandai. Satantangan jo limbago adat mungkin disiko ado hubungannyo jo gala-manggala adat atau karajaan awakko. Baa hubungan struktural atau fungsional antaro gala nan tapakai atau panghulu adat/suku jo gala nan talakek sabagai kahormatan dek adonyo baleh budi ka nan mamakai? Baleh budi nan dimakasuik adolah dek adonyo suatu perbuatan nan ka manjadi motivasi bagi urang banyak agar urang banyak bisa balaku jo babuek sarupo nan dibuek dek "urang tuo-urang tuo" awakko. Mudah-mudahan urang tuo kami nan balaku sabagai motivator, inisiator, sekaligus sabagai pejuang dapek manjadi contoh tauladan bagi anak-kamanakan di maso-maso kini dan nan akan datang. Kalau buliah kami mangatahui, apokah ado perbedaan antaro gala nan balaku (tamasuak hubungan fungsionalnyo) katiko pado wakatu saisuak jo maso kini? Dan apokah "bisa balaku" bilo tajadi parubahan di maso mandatang? Cuma itu, kalau salah kami manyampaikannyo, mohon maaf sabanyak-banyaknyo. Ituang-ituang pertanyaan-pertanyaanko sabagai pertanyaan anak ka apaknyo, atau kalau di ranah awak dari kamanakan ka mamaknyo. Sakali lagi kami sampaikan salamaik buek "urang tuo-urang tuo" kami nan lah di tambah gala dipundaknyo, samoga indak manjadi baban. Dan untuak karajaan Minangkabau, kami ucapkan tarimo kasih atas panghargaan nan dibarikan ka "urang tuo-urang tuo" kami tu. Akhia kato, dek kami bukan dari urang nan tau sakali lagi kami mohon atas sagalo kakhilafan. Wassalam, Tan Lembang (52+ LL) basuku Piliang Lembang-Bandung --- On Thu, 1/15/09, Dr.Saafroedin BAHAR <[email protected]> wrote: --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
