Tapek bana, Riri.
Tapi justru di siko latak masalah jo urang awak ko, yaitu : sia koh nan ka
manjadi tepatan dan tumpuan dalam mambahas, maambiak kaputusan, sarato mamimpin
pelaksanaan, tantang baitu banyak masalah-masalah basamo ko ? Kito nan rajin
mautak-atik internet kan hanyo bisa bacawana sajo di rumah atau di kantua
kito surang-surang. Indak ado hubungan apo pun antaro kito jo baliau-baliau tu.
Sanak kito nan di restoran Padang di Medan tu mungkin malah samo sakali indak
sempat mambuka internet.
Kalau dipikia-pikia, masyarakat Minangkabau kan memang indak punyo struktur nan
tapadu, tapi taserak-serak maurus nasib surang-surang, sasuku-sasuku, dan
sanagari-sanagari. Salalu ado resistensi kalau ado urang nan ingin maajak,
salain untuak mambahas masalah basamo ko, juo untuak mambuek rencana untuak
bakarajo samo.'Curigation' langsuang muncul, baik sacaro anok-anok maupun
tampil tabuka tarang-tarangan ka permukaan.Paratikanlah elok-elok jalannyo
wacana kito di RN ko. Jaleh bana nampak pola tu.
Kaadaan saroman tu juo nampak sangaik jaleh dalam sifat dan nasib pengusaha
urang awak, tautamo di tingkek lapangan. Wakatu ambo jadi komisaris utama di PT
ASEI dan wakatu ambo masih manjadi komisioner Komnas HAM, ambo mancubo tajun
langsuang manolong pengusaha urang awak di Cipulir dan di Tanah Abang, Jakarta,
jo mambuek koperasi industri kerajinan rakyat ('kopinkra') dan bank perkreditan
rakyat (BPR). Ambo gagal total dalam duo kali 'petualangan ekonomi' ko, langkok
jo karugian gadang pitih pribadi tabungan ambo.. Hebatnyo, rentenir dari 'Korea
Utara' nan amuah main kasa malah 'sukses' di kalangan pedagang ketek awak.
Karano itu, ambo bana-bana badoa supayo organisasi Silaturahmi Saudagar Minang
(SSM) mampu mangatasi kendala kultural ko. Tando-tando awal keberhasilan alah
nampak, tapi rasonyo masih panjang jalan nan harus ditampuah sabalun kito dapek
mancapai tingkek solidaritas dan tingkek karajo samo pengusaha Cino, Bugih,
atau Batak.
Sekedar catatan, dalam ukuran ketek-ketek kini sakali lai ambo mangalami
langsuang masalah suliknyo bakarajo samo antaro awak samo awak ko, dalam
manangani baban ekstra nan dilatakkan di kuduak ambo sajak tahun 2006, yaitu
sabagai Ketua Umum MAPPAS. Mintak ampun. Langsuang takana dek ambo 'fatwa' pak
Darul : urang awak ko bisa samo-samo bakarajo, tapi indak bisa bakarajo samo
Sahubungan jo itu, alah duo kali ambo maajukan pamintaan pangunduran diri, dari
MAPPAS dan dari Gebu Minang, tapi alun juo disatujui lai dek pengurus nan lain.
Sabananyo ambo ingin bergerak labiah banyak dalam Sekretariat Nasional
Masyarakat Hukum Adat (Setnas MHA) nan bapusat di Pekan Baru, Riau, nan ikut
ambo dirikan dalam tahun 2006 dahulu, dan insya Allah ado kamajuan nan agak
lumayan.
Jadi kok menurun dominasi rumah makan Padang -- di Medan dan mungkin di tampek
lain -- saroman nan dibaritokan koran, yo baitulah. Sacaro pribadi ambo hanyo
bisa galinggaman sajo.
Wassalam,
Saafroedin Bahar
(L, masuk 72 th, Jakarta)
Alternate e-mail address: [email protected];
[email protected]
--- On Thu, 1/22/09, Riri Chaidir <[email protected]> wrote:
From: Riri Chaidir <[email protected]>
Subject: [...@ntau-net] Re: Dominasi Rumah Makan Padang di Medan Berakhir
To: [email protected]
Date: Thursday, January 22, 2009, 3:24 PM
Waalaikumsalam wr wb.
Maaf, Batua atau indak berita tu, kalau diambo nan diparalukan kini bukan lagi
"kita renungkan bersama". Bahkan dari kapatang2 pun harusnya sudah ada usaha,
karena "handicaps" yang disebut di artikel tu bukan baru sakali ko ambo danga,
dan alah lamo.
Kalau di artikel tu, tampak di ambo 3 hal nan "dikomplen" urang kan:
Bermasalah dengan kesehatan - nah, iko kan lah dari dulu ado isu tentang iko.
Tapi kok indak ado usaho untuak mengklarifikasi iko? Kalaupun ado, itu cuma
terbatas di milis (misalnya di RN pernah ada penjelasan tentang ini)
Padeh - kalau memang selera orang sana tidak suka, atau trendnya berubah, apa
tidak bisa dimodifikasi?
Dulu murah, kini maha - nah, apo memang indak bisa dirubah kesan model iko?
Jadi kalau misalnyo berita itu batua ..., yo memang harusnya lah diperkirakan
dari dulu ...
Riri
Bekasi, L 46
2009/1/22 Dr.Saafroedin BAHAR <[email protected]>
Assalamualaikum w.w. para sanak sa palanta.
Berita di bawah ini menarik dan -- walaupun kita bukan pengusaha restoran
Padang -- masalahnya perlu kita renungkan bersama. Kesannya sebagian besar
berita mengenai urang awak kok bernada mundur seperti ini.
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
