BK (11) : Tasaok Tarang Bajalan kakien kamarih, biaso. Maota disiko disinan biaso juo , tapi nan dipaotaan urang 'pasa gudang' ko yo ebaik. Balambin bajalan, 'nana' pangana, a nan takana, kamangarik takuik talendo, kok malepok takuik tasaok, duduak manuang kok di 'pulun' pulo dek urang lalu. Co itu bana Buyuang Koboy, raso nan mandasak di dado, abih main baa kicek urang pa'koa', ilang aka, indak tau a nan ka dikakok. Tarago co itu Upiak Leba tabik ibo maliek Buyuang sadang pangana sunsang nantun., duduk tamanuang disuduik Janjang Gudang, disirok saketek dek Upiak Leba.. Upiak Leba... Tuan...baa bamanuang Tuan,... gak kalam riak roman Tuan...nampak di Ambo..mungkin sadang sakik Tuan..atau takana sia Tuan.. Buyuang Koboy. Upiak..Uaden lai indak sakik doh.., tapi tapikiaan bana di Uaden,..a bana awak nan urang di pasa ko nan salah..,dari pagi sampai sanjo awak iduik disiko, mancari pitih, bakuampeh, tapi manuruik urang-urang nan pasa tuo tu,...kurang juo... wak baru.. padahal anyo iduik indak di pasa kito bagai doh 'ha.. Upiak Leba A nan Tuan kicekkan Buyuang Koboy Kau ingek kan piak, garobak kayu untuak maangkuik 'jaga' nan di jua urang kapasa dulu, kok paangkuik minyak manih lah, saka bakaruang lah, takana di Kau indak.. sia nan tukang dorong garobak tu dulu.. Upiak Leba Banyak Tuan...tapi nan takana di Ambo Mak Puak, dek badannyo gapuak, garobaknyo gadang, banyak urang nan maupahan maantakan barang ka inyo dek garobak gadangnyo tu, sakali taangkuik kicek urang, nan anaknyo yo ebaik kini, alah toke karambianyo di pasa tuo tuh , tapi a lo urusannyo.. Tuan, garobak tu kan indak ado lai.. Buyuang Koboy Itulah Piak, indak adonyo.. kan diganti pakai oto pekap kini, nan barang kenek dibaok urang pakai 'onda', kalau indak jo karetangin. Kini urang 'pasa tuo' tu ka maiduikkan balik garobak kayu tu, kiceknyo untuak mambangkik kisah lamo, bayangkan kato urang-urang tuh nanti urang nan mancaliak tacangang, dipakai urang indak untuak maangkuik barang doh, tapi untuak ka dicaliak-caliak, untuak ka dikodak bagai, kan masuak lo pitih liak tu, apolai kalau ditambah pulo diparancak snek.. Upiak Leba.. Kan rancak tu Tuan, batambah pulo 'Peak' masuak.. Buyuang Koboy Itu nan masalah Piak, arago untuak mamelokaan garobak tuh labiah maha dari pitih masuak. Dek awak nan urang pasa ko pitih masuk nan pantiang. Kalau kurang, pitih pelok an di ambiak dari kacio urang pasa, awak juo nan maarangan. Upiak Leba Emang sia nan maaijinkan Tuan Buyuang Koboy Nan manyuruah-nyuruah urang pasa tuo tu, nan maijinkan Kapalo pasa. Upiak Leba Kalau co itu suruah men Kapalo pasa tu manjadi tukang garobak, supayo taraso lo di liau tu. Buyuang Koboy Tu 'mancuru' se Kau Piak, Oi Alai...... DYEK Jakarta, 020209
--~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
