Sutan Lembang dan Mak Ngah . Satahu ambo disakitar Pasa Ateh jo Pasa Bawah ado 5 buah musajik gadang antaro lain : Musajik Jamil Jambek , Musajik Raya , Musajik Agung , Musajik Muhammadyah dan Musajik Baitul Jalal . Mungkin nan dimukasuik dek Sutan Lembang Musajik Baitul Haq tu adolah Musajik Baitul Jalal . , namo Baitul Jalal ko tadapek dalam Tourist Map yang dikaluakan oleh Dinas Pariwisata dan Budaya Sumatera Barat . Ambo pernah sholat Zhuhur di masjid Jamil Jambek dan umumnyo jamaahnyo adolah urang nan lah dakek kapintu kubua , jarang ambo ambo liek anak - anak mudo nan sumbayang . Balain bana jo di Bali ampia sabagain besar jamaah adolah generasi muda .
Salam : zul amry piliang ________________________________ Dari: Muhammad Dafiq Saib <[email protected]> Kepada: [email protected] Terkirim: Sen, 28 Desember, 2009 15:30:15 Judul: Re: [...@ntau-net] Pulang Kampung Lagi Wa'alaikumussalaam wa rahmatullahi wa barakaatuhu Mangko nyiak, Fakta nomor satu iyo mantun nyiak. Panah babarapo tahun nan lapeh ambo ikuik jadi makmum sumbayang subuah di musajik raya ko. Iyo sakitar sapuluah urang nan samo jadi makmum no. Makmum laki-laki, sabab ado juo makmum padusi, mareka di dalam ruangan nan dibatehi dek kain sikiram panyaok, jadi indak nampak di awak bara banyakno do. Mungkin labiah rami saketek pado makmum laki-laki. Panyababno, manuruik pandapek ambo di antaro lai dek latak musajik ko tapisah dari rumah tampek tingga. Alasan kaduo, bahampiran, di ujuang jalan luruih di kampuang Cino ado pulo musajik lain, Baitul Haq namono. Disiko jamaahno labiah rami di wakatu subuah. Labiah duo saf a 20 urang jamaah laki-laki. Kalau ambo manompang lalok di mess PLN di ujuang jalan luruih tu, biasono ambo sumbayang ka musajik Baitul Haq ko. Agiah-agiah ndak baacah, ado nan manyumangaik-i ambo pai malintehi jalan mandaki janjang manuju ka musajik raya di hari Jumaat subuah, yoitu dek imam mambaco surah Aliif Lam Mim Tanzil (Surek Sajadah) di rakaaik partamu jo surek Al Insaan di rakaaik kaduo. Katiko lalu di janjang (janjang aa lah garan namo no goah, nan ka lua dakek pintu kaporo kabun binatang), basalisiah ambo jo ibu-ibu mamakai mukena (tingkuluak) nan manuju ka bawah, ka musajik Baitul Haq. Bahkan sabalun itu di ujuang janjang, katiko ka mandaki basalisiah pulo jo imam musajik Baitul Haq tu. Di musajik Baitul Haq, nan aliran no Tarbiyah, sumbayang subuah mambaco kunut, sasudah sumbayang mambaco zikir barami-rami, batambah lo jo ratik mambaco lailahaillallaah basamo-samo..... Walaupun sahari-hari ambo indak maamalkan nan sarupo itu di musajik tampek ambo tingga, bukanlah manjadi halangan bagi ambo ikuik makmum di musajik Baitul Haq. Cuma dek karano sujuik sajadah itulah ambo kajai ka pasa ateh pai sumbayang subuah. Ka tambah carito sajo nyiak. Kalau di nagari awak, di Koto Tuo bana, sumbayang subuah tu iyo sakitar duo puluah urang tu makmum laki-laki no. Itupun alah tamasuak anak-anak panti asuhan. Makmum padusi kadang-kadang labiah saketek pado itu. Di musajik Al Husna namono di komplek tampek ambo tingga, pado puncakno di lua bulan puaso, panah kami sumbayang subuah jo 70 urang jamaah laki-laki ditambah 30an urang jamaah padusi. Tapi nan kini-kiniko hanyo sakitar labiah saketek dari 40 urang laki-laki jo sakitar limobalehan jamaah padusi. Itu sakadar katambah carito saketek..... Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi Buat sendiri desain eksklusif Messenger Pingbox Anda sekarang! Membuat tempat chat pribadi di blog Anda sekarang sangatlah mudah. http://id.messenger.yahoo.com/pingbox/ -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
