Waalaikumsallam wr wb Mak Lembang Alam, Pak Taufik, Andiko, Roni dan sanak sakiro pemerhati episode ayam dek akuak di lapau maya ko
Nan kompor ketek saganggam tangan sadang ba cas baterainyo, yo takalok ambo dek lah litak bajalan ka lapangan tadi, pas tasentak ka sumbayang isya di caliak kompor ko onde lah disambuangnyo carito dan penjelasan seputar ayam tarutamo nan jolong ka sakik dek akuak ko dek Mak Lembang Alam Lah jaleh bin tarang bana mah Roni, yo pas bana nan di jalehkan Mak Lembang baa bana ayam nan jolong ka sakik dek akuak ko nan ubeknyo yo diadu sajo lai jo pisau Iko tambahan sajo dari ambo baa bana ayam ka sakik dek akuak ko indak bergairah lai do Bak kecek Mak Lembang kok nan jantan jampang lai ka bakukuak juo lah lamah bana, sakali angguak kokok ko lah lamah sajo indak sampai lai bunyinyo Jampang kalua kandang sato lo bamain2 jo man teman ayam nan lain, Ado ayam gadih rancak mudo tangguang di mukonyo bukan sesuatu yang menggugah selera ayam jantan ko, jaan kan ka agresif manggisia bin maredeang maogoh batinoko, mancaliak sajo lah patah samangaik, amba pusek ayam ko ha ha ha Nan batino bantuak itu pulo kok jolong sakik tando dek akuak ko Mabuak maram sajo dikasiak, kawan bakotet salasai batalua, nan batino maram dikasiak ko lalok2 ketek bantuak dek akuak sajo, Godaan penuh tantangan dari si jago..ndak diambiak asinyo, bagi batino nan bantuak iko lah pas bana di putakan lagu dang dut nan bajudul "Aku Pasrah" :-) Jago dan batino nan tando2 dek akuak jaman dulu tu yo sagirokan sajo ambiak pisau diadu kalihia ayam ko, ujuang2nyo ayam ko manuruik pengalaman dan pengamatan yo bapisah sajo lai nyawo di badan Dari pado litak lo awak mambuek lubang untuak mangubuakannyo rancak dikubua sajo didalam paruik sabalun parah sarupo sakik dek akuaknyo Di Goreng balado baminyak tangguang balah ampek kasukoaan ambo sip bana, dikalio baminyak2 sadang nan dirancah jo kacang putiah untuak randang tu..jadi juo badendang kulek, di gulai jo naneh mudo atau kamumu jaan disabuik "klik" bana rasonyo Ndak ado gai kito2 ketek dulu ka jijokpatah salero mamakan ayam ka jolong sakik dek akuak ko ha ha ha Lalu satantang ayam kampuang balah ampek balado minyak tangguang ko, yo sabana kasukaan ambo bana samba mode iko di kampuang, apolai jo minyak tanak nan harum ko lado giliang ayam ko di goreng sabana harum dan gurih tak tertahankan rasonyo Jadi kok adolah makan bajamba sambah manyambah urang baralek di ateh rumah gadang mamak2 jo datuak2 nan ambo sato pulo, tapi mato ambo yo agak lia stek dima dulang nan baayam goreang mode ko talataknyo, pantang tasonggeang di baliak dulang lah ambo tandoi dan dakek-dakek duduak disinan ha ha ha Mamak2 jo Datuak2 lah asyik sajo samba manyambah jo pepatah petitih, tapi bagi ambo muaro dari sagalo acara ko ka makan juo nyoh, alun ado sakiro ambo temui dalam sambah manyambah ko ndak putuih paretongan lalu berakibat gagal makan ha ha ha ha Baa kecek dan pasan mande ambo "Ikuikan sajo lah acara diateh rumah gadang sambah manyambah pepatah petitih tu, nan dipakecekan dan dibahas "bungkuak pungguang sabuik" tu nyo" Aratinyo lah jaleh pungguang sabuik ko bungkuak tapi disigi, dibolak balik,diamati, dipacaritokan, dipadebatkan, baa lai namonyo adat Kok lah tadanga kato..lah..lah mulai lah lai..cuci tangan baco biusmillah sanduak nasi Ndak do lai lincah sakali tangan ambo mangupia ayam kampuang mudo balado minyak tangguang ko Yo lah mantap bana rasonyo, ndak peduli dek ambo do bisa sajo ayam di dulang ko ayam nan kajolong sakik malakik dek akuak, nan penting hepi hati sanang paruik kanyang :-) Samantaro itu dulu Mak Lembang sambungan carito dari ambo, silahkan lanjuik kok masih ado juo episode salanjuiknyo Wass_Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
