Ondehhhhhhhhhhhhhhhhhhhhhhhhhhh, cabiak bana puro kenangan deknyo. Apo nan uda jalehkan, itu bana malah inyo. Kok tek jalang iko, tabao sakali ka rumah makan padang, itu mangkonyo rumah makan padang nan alah lamo umuanyo selalu ma agiah teh jalang ka awak. Kalau padeh agak manyangek, mako teh angek bana nan ka mambunuah. Karano itu kali kakek ambo kalau ka sawah dulu selalu mambao termos, isinyo ayia manggalagak. Tangah hari tagak itu, sudah makan nyo bueklah teh paik. Batua kecek uda, bukan isi bakanyo nan pantiang, tapi disinan kasiah bundo marupo.
Kalau nan sero pai ka Tanah Data da, yo pailah kito ka Bukik Batu Patah, turun di bukik apik di balakang ustano pagaruyuang, tapi antahlah lai talok juo dek badan ambo ko...he..he... Kalau indak, ka Bukik Batu Patah kito. Akhir bulan ko, rencananyo ambo ka bajalan agak salayang ka Solok Selatan, Ranahnyo Sutan Mudo (Noven), nak bacurito jo beberapa niniak mamak disinan. Kok lai rasaki sampai, taraso bana dinginnyo Alahan Panjang, tabayang sakali nagari surian, maminteh ka erfpachnyo Sutan Balun. Kok bisa baranti di Kadai Tuo di Alahan Panjang ko, di buka baka, nasi bungkuih dari mandeh kanduang. Mungkin sajo minyak samba alah agak mambaku, tapi bialah, lai ado sambalado jariang mudo. Indak ka taraso bana padeh karano dingin. Di Tape bendi nantik, ambo mintak puta lagu "Solok Bacangkeh" jo "Urang Surian Mandukuang Anak". Ndehhhhh da, jauah-jauah paratian deknyo, alah tabayang sakali di palupuak mato, yo maracun bana rindu ka ranah bundo. Salam Andiko Pada 15 April 2010 01:21, <[email protected]> menulis: > Andiko > > Kok mandanga kisah nasi bungkuih ko yo tasantuah perasaan uda mah > > Uda bisa masuak bana ka "roh" nasi bungkuih dari mande Andiko ko > > Nasi bungkuih walau samba talua balado jo pucuak ubi tapi dari sisi atau > aspek manapun diliek nasi bungkuih mandeh ko penuh sentuhan hati,jiwa dan > emosi betapa kasih sayang mande tu memang terbukti sapanjang jalan, > > > Sacaro penampilan fisik uda bisa sangaik mambayangkan baa mode nasi > bungkuih mande nan Andiko baok ka bekal makan siang manonton pacu kudo di > bukik gombak > > Nasi angek bareh baru kampuang bana harum putiah merekah kambang jo bungo > limau, padek di bungkuih nan dipuncaknyo dicukamkan talua goreang balado > minyak tangguang ko plus samba lado jariang nan bapulun agak tapisah saketek > uok pucuak ubi > > Daun bisa yo lah layua dek di sangai api warna hijau tuo mambayang hitam > saketek, tapi sabana tagok mambungkih nasi, padek bungkuihnyo sabana pas > dikabek jo tali palapah pisang nan lah kariang satagok-tagoknyo > > Sabana bajaso bekal nasi dari mande ko banyak manganduang philosopy nan > bijak baa bana kasiah sayang mande ka anak > > Jiko buliah ambo baandai2 > > Jampang talatak nasi bungkuih ko wakatu ka makan andiko lalu ado urang > manghino nasi ko sempat lo disimbeknyo..ndak ado lai jampang Andiko mambaok > ladiang amuah hati mancatuak urang nan mancimeehkan nasi bungkuih dari mande > nan dibuek jo "hati dan jiwa kasih sayang ko" > > Lah sabendi ambo mah, bagi ambo kok bajalan2 dulu jo kawan2 memang ambo > indak ka gengsi mambaok nasi bungkuih mande jo daun pisang ko > > Mande ambo tahu jo salero anaknyo, salero anaknyo nan dibueknyo jo kasiah > sayang dan itu adolah baluik goreang balado jo patai goreng baiirih serong, > dimasuakan uok kacang pancang, uok pucuak ubi jo uok labu siam (bisa juo > dipisahkan) > > Nasinyo jaan disabuik, bagi mande ambo bia lah makan jo samba lado jariang > uok pucuak ubi jo bada ketek tapi nan nasi wajib hukumnyo nomor 1, bareh > solok nan tanamo bana, ka sakolah subuah mande lah jago mananak nasi si > bareh solok, lah wajib dan diharuskan kami makan pagi walau samba dadar > talua jo "rasan2" samba lado apo sajo bekas samba makan malam, badaceh suok > kami makan pagi, kasakolah full power dan energy alias ndak loyo > > Lalu satantang aia bekal dari mande Andiko dalam tabuang tu, iko pengajaran > dari mande ambo bana, > > Ubek padeh dan auih nan pas adolah aia angek kuku nan baagiah the salatang > sajo atau aia the pirang sajo parono, mande ambo sampai kini pantang bana > minum aia es > > Jadi yo pulo aia teh pirang angek kuku ko sabana santiang mailangkan padeh > lado katiko awak makan tu, paliang pas bana kalau ditukuak jo pisang buai > (ambon) atau pisang rotan agak ciek duo sasudah makan padeh ko, yo lambuik > lidah awak dibelai deknyo sambia diminum juo aia teh jalang ko..baa gak ati > lai taraso dek Andiko tu penjelasan Uda > > Lalu satantang nasi bungkuih andiko jo talua goreng tu..ahammingek pak etek > ambo dikampuang nan paburu..persis co itu pulo baka nan diaboknyo untuak > makan siang pai baburu nan dibuekan etek ambo, talua itiak abuih nan > digoreng balado dicukamkan ka puncak nasi tu sabalun dibungkuih jo daun > pisang > > Yo bilo2 taragak jo Andiko awak baputa di kampuang, bia awak lapehkan rindu > jo mande pagi2 mande mambungkuih nasi jo daun jo samba2 buruak sudah tu awak > lacuik kudo bendi baputa2 di kanagarian tanah data, kok tangah hari kito > tibo di puncak pato, awak cari rerimbunan pohon disinan awak "cak" nasi > bungkuih mande..mantap bana rasonyo > > Salam-Jepe > > Sent from my BlackBerry® smartphone from Sinyal Bagus XL, Nyambung > Teruuusss...! > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
