Kawan2 di dunia maya,
Pak Saf, Pak Abraham, Bung Armen, Bung Amri Aziz, dll
Salam,
Ambo tagalitik dengan mancaliak di tv pagi ko, kawan2 awak di Papua Barat
menuntut kepada pemerintah pusat agar rakyat Papua mandapekkan hak bagi hasil
dari pertambangan Freeport. Bayangkan, lah 40an tahun Freeport beroperasi, ndak
ado nan talimpah ka rakyat Papua kecuali limbahan dan restitusi maupun pajak
nan ditarimokan dek pamarintah pusat, nan jumlahnyo ndak sampai 10%. Samantaro
nan dibao kalua, ka Australia dan Amerika, baru barupo biji pasir nan alun
diproses. Pado hal mestinyo diolah dulu di Papua, baru nan lah saparo jadi tu,
nan lah tasisiah ameh jo perak, jo uranium, besi, dsb, nan diekspor untuak
mandapekkan nilai tambahnyo, kalau ndak barang jadi industrinyo sakali.
Ambo dek mancaliak itu, tapikia pulo, manga tuntutan nan samo ndak awak
lakukan pulo di Sumbar, bahkan di seluruh Indonesia, di ma sajo. Iko namonyo
kan "penzaliman" nan barupo kerjasamo duo penguasa: penguasa politik, para
pejabat yang bertindak atas nama negara, dan penguasa ekonomi, yakni para
kapitalis konglo dan pengusaha multinasional mancanegara.
Untuak Sumatera Barat, misanyo, rakyat Sumbar mendapatkan hak bagi hasil dari
tanah-tanah ulayat nan lah manjadi perkebunan besar, entah sawit, karet, kopi,
kina, apapun, dan pertambangan dan galian apapun. Pada hal ratusan ribu dan
bahkan jutaan ha tanah ulayat rakyat lah habih tandeh diagiahkan ka para
kapitalis tu nan hasilnyo ndak dinikmati oleh rakyat kecuali jadi kuli kuntarak
dan pekerja kasar.
Mumpung kawan2 di Fekon Unand mambukakan pintu masuaknyo, manga ndak awak
lanjutkan dengan gerakan menuntut hak bagi hasil dari seluruh apapun yang
dilakukan di ateh tanah ulayat rakyat, yang harus diperhitungkan sajak dari
bamulo usaho ditatak. Pado hal, baik UUD 1945, pasal 33, UU Pokok Agraria th
1965, dan kapatang ko Perda Prov Sumbar tentang Tanah Ulayat, cukup kuat dasar
hukum kito, untuk menuntut diberikannya hak bagi hasil itu kapado rakyat nan
mamiliki tanah ulayat itu. Negara buliah sato manguasai, tapi indak mamiliki,
seperti jiwa UUD1945 dan UUPA itu. Nan mamiliki tetap rakyat sebagai tanah
ulayat.
Dan iko ndak bararti mausia atau mampatakuik-takuik i para konglo
kapitalis mancanegara itu mangambangkan usaho industri perkebunan atau
pertambangan mereka. Yang hak adolah hak, yang kewajiban adolah kewajiban. Di
ma pun, dan kama pun mereka pai, mereka kan harus menghormati hak-hak asasi
rakyat setempat. Masak mereka akan manarimo tanah ulayat rakyat tanpa bagi
hasil sama sekali? Kan itu nan namonyo pencaplokan alias penjajahan ekonomi.
Nah, mari, kawan2 nan piduli, kito perjuangkan hak rakyat kito ko. Kito
susun tanago untuak berjuang sampai kama pun dalam melenyapkan kezaliman nan
dilakukan oleh para penguasa politik dan ekonomi tu.
Mari kito muloi dengan menyusun konsepnyo. Nan para ahli hukum, tolong
dibantu mangumpuakan sagalo undang2, pasal2nyo, dsb. Para ahli politik,
ekonomi, sosiologi, apopun, kumpuakan pulo sagalo kemampuan intelektual kito
untuk memperjuangan hak rakyat ko.
Mochtar Naim
261010
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
