> Mi do estas proponinta simple restauxri la ekvilibron, > cxar nuntempe la hx-fobio kaj respektiva steriligo > de la Fundamento estas jam tute ridindaj kaj miaopinie > ecx eksmodaj. > > Amike, > -Alex
Vi pravas, Alex, vi parolas pri demando de modo aux gusto. La hx/k-demando ekestis tre baldaux post 1887. Tial Z. proponis forigi la literon en la reform-projekto de 1894 (Esperantisto 5a jaro 1894 n-ro 1 (49), p. 4-5). 20 jarojn pli poste la demando de Cart en la L.K. de 1914, poste la diskuto en la 1920-aj (Setälä kontraux Carrière), poste la denova diskuto en la 1980-aj (Golden kontraux Heroldo kaj la cxehxoj) kaj nun do vi. Pro iu teoria "ekvilibro" (de kio?) vi pretas tiupunkte senvalorigi la nunajn vortarojn, semi dubojn pri la "gxusta" formo kaj malfaciligi la lingvon por la parolantoj de multaj etnaj lingvoj. Vi ecx ne diras por kiuj E-istoj Eo viaopinie farigxus pli facila. Evidente Eo por vi estas iu lingvo-ludo pri teoria "gxusteco" kaj ne praktika komunikilo de reala vivo bazita sur konvencio. Dume Volframo devas peni klarigi al sia filo la konstru-masxinojn surstratajn per nura "fosmasxino" aux "levmasxino" kaj neniun helpon trovas en ReVo. Amike Bernhard P.S.: Se iu volas testi sin (kaj ReVo-n): Klopodu traduki iun infan-libron por 4-6 jaruloj pri "en la flughaveno", "en la stacio", "auxtoj kaj kamionoj" aux "en la konstruejo".
