Hapunten, nembe tiasa kawaler dinten ieu, jalaran dinten Saptu sareng Minggu
kamari ngajoprak keuna ku muriang ditambih, beresin sareng batuk, namung
alhamdulilah saparatos dicecer ku landong, tadi enjing tiasa maksakeun ngantor.
Perkawis sakola SR sareng sakola agama (madrasah) kirang langkung 800 meteran
ti rorompok, upami tajug mah mung 50 meteran tirorompok.
Kasakola waktos harita (SR), benten sareng ayeuna, margi sanes buku anu
dikelek atanapi tas buku anu disorendang teh, namung "sabak" anu dikelek
atanapi disorendang teh, disorendang pedah bae dina pigurana diliangan teras
ditalian kanggo nyorendang, dina saku lancingan atanapi kameja saragam,
solobong atanapi ruas kanggo nyimpen "gerip" paranti nulis.
Janten disakola diajar ngetang, nyerat sareng ngagambar teh cekap ku "sabak"
hiji, beres diajar ngetang, kantun mupus diteraskeun dianggo diajar nyerat,
kitu deui upami diteraskeun diajar ngagambar, seratan anu tadi kantun mupus.
Janten teu aya palajaran anu kacandak ka rorompok, estu sanapelna dina otak
we.
Buku-buku kanggo diajar maca sapertos Taman Pamekar, Taman Sekar, Bahasaku
sadayana dipasihan nambut tisakola, waktos jam palajaranana.
Sapertos kitu teh dugika kelas 3 SR, tengah taun pangajaran nembe ngawitan
nyerat dina buku serat.
Bumi pun aki harita, rorompok panggung heubeul, dikurilingan ku kebon
bungbuahan,
kentengna mah biasa nganggo kenteng, mung dasar rorompok ku "lampit" (anyaman
hoe),
paparabotan mah parabot jaman kapungkur, 1 set korsi tamu di tepas (ruang
tamu) sareng korsi males hoe, 2 set korsi tamu dirohangan tengah, 1 set korsi
paranti tuang, bufet, lomari, dipan, meja serat, ranjang beusi, jam neng nong
sareng sajabina.
Upami dirohangan paranti tuang mah sajabina korsi/meja makan, gramophone (anu
diengkol tea), gondewa panah sareng wadah paserna (aya 4 set upami teu lepat
mah).
Sim abdi waktos harita mondok mah sok sasarengan sareng aki sareng nene.
Ke upami "rurukan" teh naonna...??
Upami maksadna cacah jiwa di Sindangbarang waktos harita, duka sabaraha
kuren, mung bae sakola (SR) Negeri aya 2, madrasah ibtidaiyah 1, SMP negri 1,
SPG C/I (satingkat SLTP), teras kantor-kantor pamarentahan, kantor kawadanaan,
kantor kacamatan, kantor desa, kantor Koramil, kantor Polsek, teras
kantor-kantor dinas sanesna sapertos ; Penmas, KUA, Pertanian, BPMD, Klinik,
Gudang Uyah, PGRI sareng sajabina.
Upami tajug mah, palih kuloneun rorompok, persis sisi Cisadea, waktos harita
mah masih keneh weweg, pernahna palih tengeneun (katuhu) rorompok.
Sim abdi di Sindangbarang tibarang emut, lahir sasih Oktober 1954, dugika
kelas dua SMP taun 1968.
Aya kapanasaran, manawi aya anu uninga :
1. Nuju alit upami aya barudak pasea pan sok siling ciduhan,
Tah ku sepuh teh sok dihulag ; "Cudah-ciduh kawas "aul"......!!
Tataros kaditu kadieu naon "aul" teh, aya anu nerangkeun (hilap deui
saha), cenah ;
Aul teh sabangsa sato, pakarangna cai ciduh, upami keuna ku ciduhna tiasa
tutung
sapertos kabeuleum, rupina siga "oa" (monyet anu buluna abu-abu,
beungeutna hideung
teu aya buntutan) jangkungna saageung budak kirang langkung sameteran,
leumpangna
ku dua suku, dampal sukuna siga dampal suku jalmi mung pendek, sareng
pabalik,
keuneungna dihareup, ramona palih tukang. Wallahu alam, leres aya sato nu
kitu..??
2. Upami pasosore ngebak di wahangan, atanapi kokojayan di leuwi, ku sepuh
sok dicaram,
pajar teh : "Bisi aya "lulun samak".....!!
Turas-taros kaditu kadieu, kenging katerangan ti pun nini (almarhum),
saurna ;
Waktos pun nini alit, kantos aya nu nyandak bangke "lulun samak" ka
kantor kacamatan
nya harita oge pada ngarogrog, ari eta bangke lulun samak teh kandelna
dua ramo,
ageungna 3 atanapi 4 kalian sajadah, namung pinuh ku duka mata duka
sungut.
Eta sato lulun samak sok ngamparkeun maneh, ngantosan mahluk darat anu
mentas
wahangan, upami kaleressan katincak, kumargi pinuh ku panon/sungut
tangtos leueur,
tah sato-sato darat teh biasana sok tisoledat, gebrug labuh luhureun
amparanana, nya
teras we digulung dijantenkeun parab manehna. Wallahu alam..., aya kitu
sato eta..??
Uluh naha geuning janten kamalinaan.
Pihatur
ssw
mamangantra2000 [EMAIL PROTECTED]
Tuh, Pih: Ngajentrekeun hiji hal, aya hal sanesna nu abdi teu terang
deui bae. Tapi, samentawis, perkawis kocap eta mah urang simpen
heula bae.
Abdi hoyong gaduh gambaran nu langkung jentre ngeunaan sakola,
tajug, oge bumi nu dilinggihan ku Apih. Eta bumi teh kumaha
kaayaannana. Boh wangunananan, oge sakurilingna. Kumaha kaayaan bumi
tuang eyang teh? Abdi hoyong terang gambarananana. Kalebet, parabot
naon bae nu aya harita? Naha Apih kulem nyalira? Maksadna kagungan
kamar ku anjeun atanapi kumaha?
Perkawis lingkungan, leres dina posting Apih sateuacanna tos aya
sapalih. Nanging, abdi hoyong terang kumaha kaayaan rurukan di palih
dinya harita. Kinten-kinten sabaraha kuren nu caralik di eta rurukan
teh? Tajugna palih mana? Sareng kumaha kaayaan fisik/materina?
Kinten-kinten sabaraha meter ti bumi Apih? Palih mana? Tengen
atanapi kiwa? (Nanging punten deui, sanaos abdi terang kocap tengen
sareng kiwa eta, abdi saleresna teu terang: Mana nu "kiri", mana
nu "kanan". Pon kitu deui katuhu atanapi kenca).
Oge, Apih di Sindangbarang teh ti taun sabaraha dugi ka taun
sabaraha?
Baktos,
Pun Maman
Recent Activity
13
New Members
1
New Files
Visit Your Group
SPONSORED LINKS
Culture change
Corporate culture
Cell culture
Organization culture
Tissue culture
Y! Messenger
Quick file sharing
Send up to 1GB of
files in an IM.
Yahoo! Mail
Get it all!
With the all-new
Yahoo! Mail Beta
Yahoo! Photos
Upload & Order
Same-day pickup
at Target
.
http://cikundul3.multiply.com
Tong nyaliksik naon nu bisa dicokot ti kiSunda
Tapi talungtik naon nu bisa dibikeun ka kiSunda
