Jeleme SUPERMAN ngan gaji SUPERMIN
Superman, mun urang nyebut eta ngaran, sok reus ingeut ka filem di
dibintangan ku ..,ieu filem teh booming pisan di tahun 80-an. Filem ieu teh
ngagambarkeun hiji lalakon nu ngabasmi kajahatan. Komo deui ditambah si
lalakon-na teh ganteng jeung dedeganna jankung gede, nya mun versi Indonesia
tea mah kawas GATOT KACA ,sanes Gagal Total Kagak Ngaca proyek IPTN tea, nyaeta
tulangna kawas waja jeung ototna kawas wesi. Tapi kade ulah dibandingkeun jeung
Superman anu di hiji iklan nu aya slogan na nyaeta ada yang kurang, kurang
berisi, salahsahiji slogan hiji produk nu make Superman ngan ceking jeung
kari tulang wungkul.
Superman mun urang analogkeun jeung hiji pagawean , nyurup
pisan ka widang IT(Rancatan) atawa tukang nyieunan Program keur hiji pausahaan
atawa mun ceuk basa kiwari tea mah Programmer. Nya pananan tukang rancatan
teh mun tea mah tukang nanggung tea , dinu kamus umum basa sunda, 1992,
rancatan teh alat paranti nanggung. Tapi aya oge sakaol jelema ngalandihan nu
pakepuk dinu widang IT teh kawas tukang kaput.
IT atawa Rancatan teh hiji istilah mun cek basa keren na mah
Information Technology atawa Teknologi Informasi. Ieu pagawean teh hubungan
na luas pisan, komo nu pakepuk teu jauh jeung komputer mah. Kiwari ayana
komputer hususon keur widang IT/Rancatan mah ngahampangkeung pagawean urang
sapope, saperti hiji dosen kabantu jasa mun manehna nyimpeun data nilai
mahasiswana di Spreadsheet, kusabab para mahasiswa teh pasti bae ujian leuwih
ti dua kali. Coba weh mun teu make komputer urang bayangkeun, mun aya 300 urang
nu arujian kumaha mun manehna ngajumlahkeun manual keur nilai rata-rata, nilai
median, nilai kelas, nilai pencilan, jrrd. Tah kukituna mun si eta dosen geus
teu Gaptek deui ka komputer tinggal sakali weh ngasupkeun formula na.
Tapi kumaha mun eta dosen teh, teu apaleun Spreadsheet acan ngan
manehna nyewa hiji tukang nyieun Program keur ngahampangkeun pagawean na
kusabab si dosen eta embung riweuh. Kunaon disebut Programmer, sabab manehna
nyieun code-code anu user-friendly, sabab program nu dijieun ku si Programmer
teh bakal dipake ku jelema di loba golongan , lain bae keur si dosen bae. Ari
alat keur nyieun program na teh disebutna Basa Pamograman, ieu teh ditalungtik
na mimiti tahun 50-an ku yasana Grace Murray Hooper nu manggihan BUG KOMPUTER
tea. Tahun 1951 manehna nyieun kompiler generasi kahiji nu diaranan compiler
A-O. Saha ari si Grace Murray Hooper teh, manehna awewe nu gawena di
Eckert-Mauchhly Computer Corporation salaku Matematikawan Senior.
Balik deui ka IT kumaha ari parkembangan pagawean IT di Indonesia
teh. Kiwari IT di Indonesia cepet pisan, kabuktianan tiasa urang tingali loba
pisan di koran-koran atanapon di mailing-list lowongan pagawean nu
patula-patali jeung IT, komo Programmer mah, timimiti Programmer keur OS
(Open Source) atanapon Programmer license. Jeung deui kiwari loba jasa
pausahaan-pausahaan nu pakepuk dinu widang IT ceuk basa keren na mah
Konsultant IT atawa Software House, nya nu apal mah di jakarta hiji gedung
keur hususna pakepuk dinu widang IT teh di Gedung Cyber tea. Ngan kiwari
pausahaan ti India geus asup ka Gedung eta, naha kusabab di India mah Rancatan
teh geus mandeuk.
Ceuk sakaol mah jadi Programmer teh keren sabab manehna pagaweana
teu jauh jeung komputer jeung internet eta ge mun boga ases ka internet jeung
aksesna teu dibatasan, ngan aya istilah keur jelema IT nu boga ases Internet,
manehna pasti wae OL (online)i di internet bohna sok chating di Yahoo Messanger
, komo deui sok ngaroom atanapon kojom mah. Tapi ti sagedengeun eta, pagawean
Programmer teh sibuk jasa, sabab lamun geus dibere gawe pasti sok anteung
jeung pagaweana, komo nu coding mah pangreseupna ngadebug code anu salah, kitu
weh bedana Programmer jeung Desainer mah. Tapi ari pagaweanna geus rengse mah
sok nyantey weh sakaeung mun asup teh sok rada beurang atawa mun geus asup ge
sok ngagoogling weh di internet atawa ngawayuh (salingkuh) ceuk basa kiwarina
mah chating tea. Rancatan atawa IT, dihareup geus dibahas rehna ari tukang IT
teh tukang nanggung kabayang mun tanggungna teh isi na loba teu leweih ti
hiji, bisa nanggung batu, keusik, sayuran naon
bae weh nu ditanggung, tapi mun di analogkeun ka tukang kaput manehna ngaput
baju nu geus di desain samemehna.
Kiwari si Programmer di hiji pausahaan teh tugas na teh pabuelit pisan,
komo mun ditingali di lowongan pagawean kudu bisa basa pamograman ieu jeung
kudu bisa LAN,CCNP, jrrd. Nya ari ngaranna Programer teh kudu sagala kacabak
boh dinu software na atanapon dinu hardware na. Komo deui mun geus kudu
nyanghareupan client anu rewel manehna sok balik ka imahna teh bisa wae wangci
subuh, sabab kudu meneran code nu didevelop ku manehna, jeung deui nu ngaran na
client ma sok hayang itu hayang ieu, malihan mah sok hayang pangmenerkeun
databasena cenah sakalaian sabab kudu di cleaning up tea. Nya antukna si
Programmer daek teu daek kudu daek memernah eta database, isukan na manehna
kudu asup deui kantor bari mere buku log pagawean manehna kamari bari awak
lungse jeung ringseuk komo deui kurang sare sesa nyiluek kamari, kumaha mun ieu
pagawean teh tiap poe antukna si Programmer teh geuring mereun sabab kacapean
tea.
Ceuk cenah deui si eta Programmer teh kaasup Lembur atawa overtime jadi
loba duitna, tapi naha enya kitu jeung deui gajina pasti gede. Tapi rata-rata
si Programmer gajina kumaha tempat gawena mun tempat gawena kaasup pausaahan
gede kawas bank atawa pausahaan minya pasti wae gede mun lain ti kitu mah gaji
na teh rata-rata weh 1,5 jutaan kahandap. Komo deui mun di hiji software house
si Programmer eta kudu bisa ngadesain oge, kawas kudu bisa adobe photo shop
atawa CSS tea, komo deui mun aya nu rudet komputer boss na atawa pagawe nu
liana manehna kudu menerkeun nepi kaanggeus jeung deui kudu kakolong meja nga
cek kabel LAN atawa Wireless na nepi keun kotor ku kebul. Jadi lamun ceuk si
Programmer teh disebut Superman teh bisa wae, sabab manehna kudu bisa ieu
jeung itu ngan weh si Programmer na teh cicing wae ngan di jero hatena mah
sok ngagurut emangna uing Superman, malihan mah mun keur chating jeung
babaturan aya hiji status yeem manehna nu kieu Nu bener weh
emang na aing teh Superman.
Cah ch
Yayan Mulyana
---------------------------------
Yahoo! Mail is the world's favourite email. Don't settle for less, sign up for
your freeaccount today.
