Aeh enya kang RH, gandarewo sareng tuyul kalangkung. Kuring kungsi boga pangalaman jeung "tuyul", jurig budak leutik nu sok malingan artos receh teh. Kieu yeuh dongengna. Boga dulur, dulurna pamajikan, teuing ku percaya kana nu mistik-mistik teh, sagala rupa kajadian pasti dihubungkeun jeung mistik. Hiji waktu manehna nganjang ka imah, ngadongeng, manehna teh keur keuna kasusah, duit setoran ti angkot ( boga usaha sampingan kana Angkot, Angkutan Kota) sok laleungitan wae, tapi leungitna teu sadayana, ukur artos receh, tapi jumlahna tiasa dugi ka 10 rewu-20 rewu dina sadinten. Padahal cenah artos setoran ti supir teh disimpen dina laci nu dikonci. Koncina oge nu terang ukur manehna, istrina jeung putrana. Manehna nuduh ieu teh pagawean tatanggana miara tuyul. Sanajan kuring lain ahli dina dunya "tuyul", kapaksa mere sumbang-saran ka kidulur teh. Kieu cik teh :" Akang pan gaduh putra nu nincak rumaja, cik tingalikeun kalakuanana. Sok dipasihan sabaraha artos jajanna? teras naon wae nu dipeser sadidintenna. Ngaleuwihan artos jajanna henteu. Tah upami budak teh jajan ngaleuwihan ti jatah jajanna, tapi teu nyuhungkeun artos deui ka akang, Akang kedah curiga, meunang duit timana eta budak teh. Ulah atoh budak jajan teu nyuhungkeun deui artos ka urang teh"
Dikitukeun teh manehna jiga nu teu ngeunah, meureun rada kasigeung, budakna disangka "tuyul" ku kuring. Gancangan we obrolan "tuyul" jeung manehna teh disalenggorkeun, bisi manehna tambah kasigeung. Heuleut saminggu, kuring meunang beja ti pamajikan, kidulur teh nyabok anakna, nu kapanggih keur ngabongkar konci laci tempat nyimpen artos. Kidulur teh panasaran jigana mah, ngaganti konci laci, bari kulawargana teu aya nu dipasihan terang .......... Baktos, WALUYA ----- Original Message ----- From: "Rahman" <[EMAIL PROTECTED]> > Kang Wly, > > Ari 'gandarewo' jeung 'tuyul' bisa diasupkeun kana spesies jurig teu? > Ke, ari definisi jurig tea naon nya? Sigana mah perlu pisan nyieun > kriteria... engke lamun aya mahluk lain jurig, pek diasupkeun kana > wangsa jurig... ngamuk meureun. ;)) Ngaran na ge jurig... boga hak > pikeun ngamuk! > > Iy... baraid teuing. Sieun ngaririwaan! > > rh http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
