From: "Rahman" <[EMAIL PROTECTED]>
> Anu kieu jurig naon Kang? > Tah eta teh disebat "kakayaan batin" urang Sunda, ceuk "tukang teori" mah kang RH. Kapercayaan manusa kanu gaib-gaib biasana mah tara jauh jeung lingkunganana. Manusa nu deukeut gunung, mujana teh ka gunung. Manusa nu disisi laut, mujana teh kanu "ngawasa" laut. Kuring kungsi padungdengan jeung baraya di millis sabeulah (millis dulur keneh), kulanataran eta baraya teh keukeuh peuteukeuh hayang miceun upacara taunan, seba keur ka pangawasa laut Kidul ( Nyai Loro Kidul). Sabab ceuk manehna mah eta teh musyrik. Enya meureun bener kitu, ceuk kuring teh. Tapi urang oge kudu ngarampa hate kaum pamayang (nelayan) kunaon manehna sok ngayakeun korban jiga kitu. Pamayang, hirupna unggal poe ngagantung ka laut, tapi nu aranna laut sakapeung bageur, sakapeung mah malah sok "ngamuk". Hirup pamayang unggal poe lir ibarat nece taraje dinu gawir nu lungkawing, salah saeutik bisa tigudubrag cilaka, tepi ka hanteuna. Teu aneh, sanajan Islam geus diagem, kapercayaan ayana "pangawasa laut" teh tetep hirup dikaum pamayang. Islam, jarang (atawa malah teu aya) nu nyarioskeun kahirupan pamayang, tapi seuseueurna nyarioskeun manusa nu hirup di sagara keusik. Atuh puguh, batin kaum pamayang teh tetep teu kaeusieun, da kulantaran "beda lingkungan". Ka baraya nu keukeuh peuteukeuh teh kuring nulis kieu :" Ulah itu salah, ieu salah, sabab ari urang mah beda jeung manusa nu hirup ti laut. Urang mah cicing jeung didamel di kota ageung, ruangan tiis nganggo AC, bade ibadah, tafakur fasilitas aya. Hirup oge teu kaancam unggal poe, teu jiga pamayang nu angkleung-angkleungan di sagara, nu tiasa wae hiji waktu mah eta sagara tempat neangan kipayah teh ngamuk, nyandak nyawa". Mulang deui ka masalah jurig. Kuring kungsi maca dina ensiklopedia , Jin (Genie dina basa Inggris), dedemit asli kapercayaan urang Arab. Jin lamun rek ngajirim, sok digambarkeun ku kaluar haseup terus muter ngagedean nembe nganjangelek jadi bungkeuleukan. Hal ieu tiasa ditingali dina film-film kartun, jiga film Aladin meunang Walt Disney. Kitu deui kuring kungsi ngobrol jeung salah saurang nu ngaku dulurna bisa ngadatangkeun jin. Ceuk manehna, lamun dulurna ngondang jin, kadatangan jin ditempokeun ku ayana angin puyuh ( angin nu muter tea geuning). Angin muter atawa haseup muter, di sagara keusik jiga di Arab hiji hal anu pikasieuneun, da meureun engkena jadi "badai keusik", nu bisa mindahkeun pasir jeung sagala rupana, tepi ka manusa leungiteun orientasi, alias bisa sasab di sagara keusik. Kapercayaan kana Jin, ceuk narator dina hiji film Documentary, mimitina mucunghul tina kasieunan kana badai keusik di sagara keusik. Jin di arab oge kabagi-bagi ku sababaraha "spesies". Nu asup ka lembur urang biasana disebut jin Iprit. Tapi aya oge "spesies" Jin nu asup ka Eropa, disebutna "Ghaul". Jin "Ghaul" kaasup jin carnivora, beuki daging, komo daging manusa mah ........... Jin jeung Jurig di urang aya bedana. Umumna sagala spesies jurig di urang, asal muasalna ti manusa keneh. Kunti, ririwa, onom tadina manusa nu robah jadi bangsa dedemit. Tapi jin dipercaya sabangsa mahluk nu jiga manusa. Kawin mawin, Anak baranahan, bisa pupus jeung mahluk sosial jiga manusa. Jin oge dipercaya nyieun karajaan Jin. Urang Badewi di Sagara Keusik Arab percaya karajaan Jin teh aya dijero taneuh. Waktu urang Amerika pagawe minyak loba nu hobina asup/ nyulusur kana guha-guha karang ( Spacetology kitu namina teh?) nu loba di tanah Arab, urang Badewi teh mimitina mah nyangka urang Amerika teh rek merangan jin! Tos ah .......ngacaprukna. Tapi ieu sumber ngacaprukna : Ensiclopadia Americana, film Aladin Walt Disney, film documentary BBC(?), artikel Usep Romli dina PR. Nara sumber ti kaum jin? teu acan mendak, cik lah sugan aya baraya anu terang, kanggo ngalengkepan ngacaprukna , supados "berimbang" ........hehehehehe Baktos, WALUYA http://groups.yahoo.com/group/baraya_sunda/ [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
