Pufa, Oier B.! Gauza asko urten dira hamen "mezutxo" batian erantzuteko, baiña tira, ahalegintxua eingo dogu, ezinbestian mezua piskat dilatatuz. Eta kontu gehixago dagoz...Gorosabelenaren harittik: buruaren eta gorputz osoaren sendatze indarrak, naturaren orekarako berezko indarra, erradiestesia, armonia, sintropia eta abar luze eta oso oso interesgarrixak, azken fiñian osotasun batera heltzeko. Zure mezuari erantzungo detsat lehelengo (batuan), eta gero ikusiko dogu nundik nora goiazen, nunbaittera bagoiaz:
1. Oso desberdinak dira denbora motz jakin batetako eremuen eragina eta egunero 8 orduz lotan gaudela eragin dezakenarena. nanoTesla kopuru horiek, batzuk Sueziako gobernuak (250 nT lanpostuetan), demanden herrialdean, AEB, 300 nT, lanpostuetarako baita ere, eta guretzat erreferente bat den SBM-2003 (Standard of Baubiologie Methods of Testing), non AC eremu magnetikoarekin eraginik eza 20 nT tik behera mugatzen baita lo guneetarako (oheburutarako batipat). http://www.maes.de/RICHTWER.pdf (alemanez dago. Igelesezko testuak ere badauzkat baina loturarik ez dut sarean topatu) Beste erreferente batzuk: Suiza: 1000 nT lanpostuetan WHO/IARC (2001) : 300-400 nT era jarraian, gizkiarentzat minbizi eragiletzat hartzen dira (nahiz eta gero zalantza batzuk ere agertu, kulebroia, ai OME OME...) Nire ustez eremuok ez dira minbizi eragileak zuzenean, baina zelulen atsedena, berritzea eta mintz zelularrean gertatzen diren prozesuak eragiten dituzten heinean, ezin uka daiteke ate bat zabaltzen dutenik. Zoritxarrez, muga hauek ez dira nire kapritxoak, minbizi kasu eta bestelako gaitzek zerikusi gehiago daukate, buruko minek, lo ezintasunek, estresek, fibromialgiak, eta abar luze batek, ezpairik gabe frogatuz joango direnak. Birusak eta bakteriak ere ez ziren ikusten, sorginkeria hutsa ziren, baina behin berauen existentzia eta eraginaz jabetuta, gizakiak babes neurri konkretuak hartu zituen. Higienea. Orain higiene elektromagnetikorantz jo beharko dugu. 2. 10 nT tik beherako gomendapena, _50 Hz tako eremu magnetikoarekin_ (Ondo irakurri, mesedez). Ez dezagun argi dagoena nahastu berez konplexua den gai honetan. Era dibulgatiboan idazten saiatzen naiz, nahiz eta gai zailak izan, nik ez ondo idatzi eta hobeto ulertzeko fisika unibertsitario maila behintzat asimilatua eduki beharko genuken. 50 Hz tako eremua (AC), artifiziala da (eta normalean, egoera naturalari gehitu egiten zaio frekuentziadun eremu elektromagnetiko hori) eta aldakorra, noski ba (eremu elektrikoa ere egongo da beraz). Eremu estatiko eta aldakorrak bereiztea, beste kontu bat da. 2a. Gustatuko litzaidaken arren, ez dut femtoTeslarik neurtzen. Baina gure sistema biologikoak femtoTeslatan funziontzen du. Ez dut hori besterik esan. Hortik aurrera, zure kontuak (antzerako tonuz, alkate jartzen ninduen kristau bat etorri zait gogora, je, je). Usoei buruz ezjakina naiz, baina ez dut uste denbora asko egongo direnik AC eremu magnetikoaren eraginpean. Kableak ongi dimentsionatuak eta trifasikoko faseak orekatuak badira ez dago arrazoirik eremu magnetiko garrantzitsurik egoteko (gainera hobeto jasaten dugu eremua hanketatik badator, buru aldetik etorrita baino). Katuei buruz esan dezaket ostera, 2000 nT edo gehiagoko AC (50 Hz) eremu magnetiko batekin gustora egoten direla, kargatuz. Gure baserriko "kaltzetiñes" katuak obrako elektrizitate kutxaren alboan egonaldi energetikoak egiten ditu. Txakurrak inola ere ez, eremuekiko oso sentiberak dira orokorrean. 3. Bai. Batzutan 1000 nT ez da ezer, edo gutxi (estatikoetan) eta 50 nT kontutan hartzekoak dira bestetan (50 Hz). Argi geldituko ziztzaizulakoan nengoen ba (aurreko mezuko Lurraren eremuarenarekin). Horregatik, ohe ondoko irratizale amorratuei piladun irratia gomendatzen diet, eremu elektromagnetiko aldakorrik sortzen ez duelako. Kableduna, popatik hartzera. Pilaren eremu magnetikoaren eragina HUTSA da (edo kontutan ez hartzeko modukoa), berau jaten ez baldin baduzu, edo sudurretik sartu :-) . 5. Hasteko, teoriak ez dira nireak. Ni ikaslea naiz, geobiologia ikaslea. Eta disziplina anitzeko gaia denez, baita fisika ikaslea ere (eta kimika, geologia, biologia, medikuntza, erradiestesia eta abar). Eta gainera, ez dira teoriak, esperientziak erakusten dituen ebidentziak baino. Gure gorputzak edozein faktore kaltegarriri aurre egiten dio eskura dituen tresnekin, eta funtzionamendu sistemikoz, gorputz osoaren baliabideak erabiliz. Defentsa. Eremu elektromagnetikoen kasuan, elektroenzefalogramek eta magnetoenzefalogramek pista batzuk ematen dizkigute eta esperientziak beste batzuk. Froga gehiago ere kontutan har daitezke, odol tentsioa, tenperatura, Kirlian argazkiak, kaltzioaren zikloak, melatonina mailak denboran zehar, kinesiologia frogak eta ahal diren guztiak, guztia erlazionaturik baitago (sistema bat da eta). Gure sistemak "ohitu" egin daitezke neurri batean faktore kaltegarri batzuen eraginarekin bizitzen, batzuk hobeto beste batzuk baino, eragin hau murriztuz (denbora jakin batean eta denbora muga batekin). Zer da ohitzea? Sistema biologikoei buruz, eta orohar naturaren ezagutzari buruz, enpirikoki frogatu edo somatu daitezkeen gauza asko dago zientifikoki demostratzeke, edo demostratuta eta onartzeke (Hartmann lerrokaduren kasua, energia telurikoek minbiziarekin duten eragina eta abar). Interferentzia/erresonantzia. Bai horixe, bi legeak ematen dira (eta interferentzia, eremuak gehitzen edo murrizten emango da). Horrela da. Gertatzen dena da, izaki biologikoei eragiten dien heinean, bio-erresonantzia kontzeptua erabiltzen dugula gai hauetan gabiltzanok (erresonantzia lege eragile nagusitzat hartuz). Beste kontzeptu edo lege fisiko asko ere argitu beharko genituzke, difrakzioa, erreflexioa, errefrakzioa eta abar (eta lege eta ikerlari ezberdinek azaldutakoak, Gauss, Kirchhof, eskuma eskuarena, Maxwell, Lenz, Ampere, Faraday, Ohm, Oersted, Coulomb eta abar). Baina ez da ba zerrenda honetako helburua izango fisika maila jakin bat hartzea. Egia den bezela, atsegin handia dela fisikan maila ona duen pertsonarekin solastea (jendea ez aspertzea lortzen badugu behintzat, bestela tokiz kanpo gaude). Irratiak frekuentzia jakin bat zelan sintonizatzen duen, oso adibide politta da. Dialean mugitzean, kondensatzailearen kapazitatea aldatzen doa frekuentzia jakin batekin erresonatu arte. Sintonizatze horretan dago koska. Bukatzeko: Diozu: "Konplexua bai, balio zehatz bat ematea, oso zaila. Baina zenbait balio eman daitezke hurbilketa gisa: 50 nTko eremu aldakor batek (Hz) 1 metro karratuko azalera osazten duen hari batean sortzen duen indar elektroeragilea 250 nV(hau da, 0.2 mV-eko indar elektroeragilea sortzen du (Faraday-ren legea berriz ere). 1 zm karratuko azalera batean (burmuineko eskalatik gertuago)... 10000 aldiz txikiagoa. Eraginik izan al dezake horrek buruan? Bai (hurbilketarekin sartu gabe, oso luze joko bailuke). Eta gainera, kopurua, kantitatea, ez da uste bezain garrantzitsua. Ez beti. Uhinaren kualitatea - timbrea (forma), tonua (frekuentzia), anplitudea, norantza... - garrantzitsuagoa da, zure gorputzaren organu, mintz zelular edo dena delakoak eremu horrekin erresonatu eta kaltetzeko (edo sendatzeko) zoria izateko. Esate baterako, bio-erresonantzia, bortitzagoa izaten da kantitate txikitan (gorputzaren erantzunari begira), karga txiki (elektroterapiatan) edo sustantzia baten diluzio izan (homeopatia). Biofisikariak ari dira auzi hau ikertzen, Espainian, José L. Fernández Ruiz, S.A.R. unitateak pikutara bidaliz (uhinekiko erantzun ez termikoak ikertuz). Bere hitzaldia entzun nuen Xixonen. Seinale digitala daroaten uhinei buruz gutxiago dakigu. 50 Hz tako AC eremuei buruz gehiago, froga gehiago daude (kantitateak ere eragiten du eta zientzilari ugari dira oraingo babes mailak eskasak direla uste dutenak) (Sueziako gobernuak 250 nT / Espainiak 100.000 nT, ez al da deigarria?). Hor dago Beneventoko erresoluzioa: http://tinyurl.com/25kbnb Frogatxo errez bat egin dezakezu 50 Hz tako eremu elektromagnetikoen kaltegarritasunaz jabetzeko. Luzagailu elektriko bat hartu eta koltxoi gainera arte tentsio elektrikoa eraman eta oheburu azpian mugikorraren kargadorea entxufatu, burutik 15 zm tara edo gertuago, oso posible da 200 - 1000 nT edukitzea(transformagailuaren eraginkortasunaren arabera) eta 25-200 V/m. Hobe neurtu, eta jakin zelako eremuarekin lo egiten duzun, astebetez frogatu eta gero ondorioak atera. 50 Hz tako 100 mikroT rekin frogatzen baduzu, logikoagoa iruditzen zaizun maila, "loaldi" bakarrean iritziz aldatuko duzula ziurtatzen dizut. Frogatu. Idazten dizut...baina ez gomendatzen. Ez nuke nahi inolako erantzunkizunik. Majadahondako hauek ere, ziur 100 mikroteslarik pasako ez zirena, baina... http://tinyurl.com/2d5tvo Hau 2005ekoa zen, orain bi hildako gehiago oso eremu txikian eta azkenik transformagailua tokiz aldatuko dute Udalari esker. Kasualitatez, gaur jaso dudan hurrengo artikuluan azaltzen da hau. Artikuluan aurrera joanda, planoa ageri da. Ez dakit Tagzanian dagoen: http://tinyurl.com/25q7dj Gogoratu, eragin grabeak epe luzera direla, epe motzera ere nabarmen igarri arren (umeetan eta xaharretan azkarrago, erresonantzian sartzeko zori hori badute). Sakeleko, segapoto edo mugikorrarekin, WiFi eta kablebako guztiekin ia eskala mundialean esperimentua egiten ari gara, Karolinskako zuzendariak dioen moduan. Ikusiko dugu. Ondo izan, eta saiatu mugikorrarekin 3 minutuko berbeta ez pasatzen, umeei hitzegitea galerazten, gazte, haurdun eta 65 urtetik aurrerakoei mugatu ahalik eta gehien, eta ahal bada pinganilloarekin erabili... eta ondo bizi!!! Asier Arregi Oier Bikondoa(e)k dio: >Asierrek: > > >>1. Nire ustez, EZ. Zentzuzkoagoak dira Karolinska istitutuak, Sueziako >>gobernuak edo AEBetako arauek azaltzen dituztenak. Beraz, ziur OMEko >>kontseilariek ez dutela sekula Nobel saririk jasoko beraien babes neurriak >>direla eta. Gutxiago Iberdrolakoek. >> >> > >Nik ere denbora gutxi dut eta ondorioz ez dut astirik izan dena irakurtzeko >ganoraz, baina Karolinska Institut-eko web orrian topatu dudan txostenaren >arabera (2005. urtekoa), irakurketa oso azkar batean zera ikusi dut: egiten >diran frogak, 1mikroteslatik gora zaten dira... 9Teslaraino (9 milioi >mikrotesla). Azken balio hauek medikuntzan erabiltzen omen dira. Eremu >aldakorren kasuan, behintzat (50Hz), 1-2000 mikroT arteko baliak erabili >izan dira. Eta badirudi eragina txikia dela, nahiz eta froga gehiago egin >behar diren. Berriz diot, gainetik besterik begiratu dut, baina ez dakit >nondik atera dituzun nanoTesla balio horiek, oso oso txikiak iruditzen >zaizkit. > > > > >>2. 50 nT tako eremu estatiko batek, hutsa. Eremu estatikoetan 2.000 nT tik >>gora kezkatuko gara lo egiteko tokietan, eta Lurraren eremu magnetiko >>naturalarekiko aldaketak (ekaitz magnetikoak eta abar), 1.000 nT tik >>gorakoak izango dira kontutan hartzekoak (emakumeak sentiberago dira eremu >>honen aldaketekiko). >> >> > >Baina 10 nT baino gutxiagoko eremuak gomendatzen dituzu ohean, edo gaizki >ulertu al nuen? > > > >>Aldakorra izaten bada, egoera naturalarekiko aldaketa bortitzagua da. >>Bibrazio frekuentzia artifizial bat gehitzen da. >> >> > >Eremu aldakorren eta estatikoen arteko ezberdintasunak askoz oinarrizkoagoak >dira eta horiek ulertu barik bakoitzaren eraginari buruz hitzegitea, gaizki. >Ez da frekuentzia " artifizial" bat gehitzen dela. Eremu magnetiko aldakor >batek eremu elektriko bat sortzen du (Faraday-ren legea), eremu magnetiko >estatiko batek geldirik dagoen karga batean ez du indarrik eragiten >(Lorentz-en legearengatik, eremu magnetikoak eragiten duen indarra eremu >magnetikoaren eta partikularen abiadurarekin aldatzen baita), etab, etab.. >Materiaren erantzuna eremu estatiko eta aldakor bati ezberdina da. Piladun >erlojuek ere eremu magnetikoa sortzen due, korronte bat dagoelako. Aldiz, >eremu magnetiko hau estatikoa da. > > > > > >>2a. Galdetzen duzun hau oso konplexua da, ikerkuntzako gaia. Gainera, >>pertsona batetik bestera aldakorra izango da. Hala ere, badaude ebidenteak >>diren zenbait kontu. Giza gorputza sentikortasun izugarria duen konplexu >>elektrokimikoa da, eta bere funtzionamendu eta kontrola frekuentzia edo >>maiztasun oso baxuko prozesu elektromagnetikoek ahalbidetzen dute. Eta hau, >>frekuentzia baxutan, intentsitate oso baxutan, mikroVoltiotan, eta >>femtoTeslatan (10 ber -15). Eta zelulen mintzak oso oso sentiberak dira >>potentzial elektriko eta magnetikoaren aldaketekiko. >> >> > > >Konplexua bai, balio zehatz bat ematea, oso zaila. Baina zenbait balio eman >daitezke hurbilketa gisa: 50 nTko eremu aldakor batek (Hz) 1 metro karratuko >azalera osazten duen hari batean sortzen duen indar elektroeragilea 250 >nV(hau da, 0.2 mV-eko indar elektroeragilea sortzen du (Faraday-ren legea >berriz ere). 1 zm karratuko azalera batean (burmuineko eskalatik >gertuago)... 10000 aldiz txikiagoa. Eraginik izan al dezake horrek buruan?? > >Eta femtoTesla bat era errazean neurtzeko gai bazara edo sentitzeko, Nobela >zuretzako. Horrelako eremu txikiak neurtzeko, oso tenperatura baxuak erabili >behar omen dira (-200 Celsius baino txikiagoak) gaur egun... eta kostata. >Gure burmuinaren funtzionamenduan horrelako eremu txikiek eragingo balute, >ordurako txoratuta geundeke. > > > > > >>Gainera, garunetan milloika magnetita partikula dauzkagu, buruaren >>sentikortasun bereziaren arrazoia dena. Nik adibidez, 50 Hz ko 500 nT tik >>gora lokietan presioa sentitzen dut. Eta ziur naiz zuetako askok ere >>horrela edo beste eraren baten sentituko dituzuela uhinok. >> >> > >Sistematikoki frogatu al duzu? Autosugestioa izan al daiteke edo beste >zerbait? Ez bada, nolatan usoak kable baten gainean pausatzen dira? Ez al >dute haiek ere buruko minik? (haiek ere magnetita asko baitute buruan) > > > > >>3. 1000 nT tako aldaketa hori ez da oso garrantzitsua. Baina hegazkinean >>asko bidaiatu ezkero kezkagarria den beste arazo bat sortzen da: >>erradiaktibitatea. >> >> > >Batzutan 1000 nT ez da ezer eta beste batzutan 50 nT benetan txarrak izan >daitezke. Bitxia. > > > > >>5. 50 Hz tako eremu elektromagnetikoak daudenean, gure gorputzak horiekiko >>defentsak aktibatuko ditu eta gure garun sistemaren maiztasuna ez da >>hainbeste igoko, baina ez da bere mailan egongo, gehienetan makaldu egingo >>gaituzte eta melatonina hormonaren zikloak pikutara >> >> >j>oango zaizkigu, batipat, eraso hori gabean edo ohera joan aurretik > > >>jasaten badugu. Loa, osasunaren funtsetako bat da. >> >> > >Zein defentsa baina? Eta nola? Uhinek, maiztasuna, fasea eta anplitudea >dute. Parametro hauen arabera uhinen arteko interferenzia era batekoa edo >bestekoa izango da. Dena dela, zure teoriei ikusten diedan akats nagusiena >hau da: dena oso gainetik esplikatzen da (defentsa delako zerbait du >burmuinak...) eta ez da ezer ere ez aurresaten. Teoriek, gauzak esplikatzeaz >aparte, gauzak aurresan behar dituzte. Beste era batean esanda, teoria >horiek frogatzeko modua egon behar du. Teoriak aurresaten duena ez bada >betetzen, teoria hori baztertu egiten da. Hori gertatu zen Newtonen >teoriarekin, Bohr-en atomoaren ereduarekin, eta beste milaka adibiderekin. >Aldiz, zure teoriek betirako iraun dezakete ez baitago jakiterik egia >direnentz. > >Asierrek: > > > >>Hau oso posible da. Erresonantzia hutsa (edozein eremu >>elektromagnetikok - biologikua edo artifiziala - edo bibraziñok beste bati >>eragiteko biharrezkua dan >>efektua, soinuarekin errez igartzen dana). >> >> > >Erresonantzia eta interferentzia ezberdinak dira: erresonantzia ez da >derrigorrezkoa eremu edo bibrazio bat beste batengan eragiteko, mesedez!!! > >Demagun baina, erresonantzia efektua dela: erabili ezazu enzefalograma bat >eta begiratu ea bi pertsonen uhin elektromagnetikoak berdin-berdinak diren >minutu batez. Erantzuna aurresaten dut: ez, ezinezkoa baita. > > >Azken galdera gaurkoz: nola neurtu liteke bi pertsonek bere uhin >elektromagnetikoak "kontaktuan" jartzen dituztela? > >Oier > >_________________________________________________________________ >Descarga gratis la Barra de Herramientas de MSN >http://www.msn.es/usuario/busqueda/barra?XAPID=2031&DI=1055&SU=http%3A//www.hotmail.com&HL=LINKTAG1OPENINGTEXT_MSNBH > >_______________________________________________ >Adi gero, mezuak bidaltzeko: [email protected] > >http://www.eibar.org/zerrenda > >harpidetza eteteko: [EMAIL PROTECTED] > > _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
